1 Kɔrèn 8:11 - Meta’

¹¹ Əne yɨ ni aŋgɔb wɔ̂ nɨ bɔrɨ, nɨ Kristo nyaʼa bə̀ kwɨ ɨmbə̀ʼ əməd, fə nim ɨmbə̀ʼ ɨchî nɨ à berɨ ɨwe.

Ikan feg

¹¹ Ane ya gha, ifi we ne ibḛfiŋ məd bɔri, ne Kristo ya ku imbə̀ʼ aməd ya anìŋ kùyə imbə̀ʼ icheg ne mbə̰ mbe kɔ̀ndɔ gha mbə̰ bèrì iwe.

1 Kɔrèn 8:11 ပူးပေါင်းရင်းမြစ်များ

Jn 6:27

Tɨ mbə̀ faʼ ə àmei nɨ berɨ ɨghɨjɨg mbe nɨ bɨrɨ bə, àyɨə mbə̀ faʼ ɨmbə̀ʼ berɨ mbe nɨ bɨrɨ tə̀nə̀. Ɨghɨ mbe bɨrɨ ghɨ̀ mbə jɨg ɨ̀tènɨ̀ rɨ mì. Əzɔ̂ yɨ əghɨjɨg ze nɨ Wan Wə̀d bɨrɨ naʼ ɨ nən. Ŋwìə̀ Mbǎʼ fə nàʼ ɨka ɨ bɔ ni wɨ̀ ghɨ əne.”

Rm 14:15

Əghɨ ze nɨ àwɔ̀ ə jɨgə mɨ yeʼə tɔb we aŋgɔb, njɨ zɨə chwi ni chəi àwɔ̀ ə wɨrɨə ghɨ̀ ɨnû mbɨ ɨghaʼi. Tɨrə̀ ben e ni əghɨ ze nɨ àwɔ̀ ə jɨg ə nimnɨ ɨbenɨ wə̀d mɔʼɔ we nɨ Kristo nyaʼa kwɨ ɨgwɨ ətu əməd.

1 Kɔrèn 10:33

Mbə̀ ghɨ ɨghabɨ ə mɔ̌, ɨmbə̀ʼ ɨghəm nɨ mə wɨə kəbɨ ni fîŋ rɨ bə̂d mɨjìm bɔŋ ɨchî nɨ mɨə ghɨ̀ ɨnû jìm. Chəi mə̀ kəb nɨ ghɨ àmei ɨnû mbe nɨ bɔŋ ɨ num. Mə wɨə kəb ghɨ̀ yeʼ mbe nɨ bɔŋ əmbɨ ə bə̂d mɨ̀nɔnɔʼ, ɨmbə̀ʼ ɨ mbe tɨ̀ mbɨ jwɨ̀ rəŋgəʼ.

1 Kɔrèn 8:13

Əne, əghɨ ze nɨ mə̀ jɨg ə mɨ ghɨ̀ ni wum aŋgɔb gu ənû, chəi mə̀ bɨrɨ nɔ wɨrɨ kud nyam, ɨmbə̀ʼ tɨ wum aŋgɔb gu i.

1 Kɔrèn 8:4

Əne, mə wɨə kəb gha ɨmbə̀ʼ tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ: Tɨ̀ kyerɨ ni, “Kaʼ anèŋ yɨ i əghɨ nɨ yeʼ ɨkǎ” ɨchî nɨ mbə̀n mɨmɔʼɔ ə ghàə̀. Tɨ̀ bə̀ kyerɨ ni, “Ŋwìə̀ mei we mɔʼ” ɨchî nɨ mbə̀n mɨmɔʼɔ ə bə̀ ghàə̀.