1 Kɔrèn 4:12 - Meta’

¹² Tɨ̀ wɨə fàʼ rɨ̀kǎ ənɨ mba ɨbɔ. Ənɨ bə̂d zɔm əwa, tɨ̀ wɨə nàʼə̀ yeʼ əbɔrəbɔd. Ənɨ mbɨ nwendɨ ta rɨkyerɨ-ɨwu, tɨ̀ wɨə nyìʼə̀.

Ikan feg

¹² Tì ya zìyè atog fàʼà ane ìmba ibo. Anyumə̀ ne bəd zɔmbi awa, tì ya chàʼrà Ŋwiye zìyè àbɔrɔ̀bɔd igun inɔb. Anyumə̀ ne bəd mbe chɔ̀ʼɔ ìmba ibɔʼì ighog, tì ya nyìʼè.

1 Kɔrèn 4:12 ပူးပေါင်းရင်းမြစ်များ

Matìyò 5:11

“Ŋwìə̀ zɨ əbɔrəbɔd ɨgwɨ nən əwù ze nɨ bə̂d ə chàb əwən, nwèndɨ̀ə̀ tə rɨkyerɨ-ɨwu bə̀ ghàə̀ tɨkwɨrɨ ɨnû rɨbɔ̀ŋ mɨghab jìm ɨgwɨ nən ɨmbə̀ʼ əmɨ.

Matìyò 5:44

Àyɨə mə ghà ɨ nən ni, mbə̀ ghaʼ mbə bə̂d pə̀n bə̀ kɔŋgɨ ə Ŋwiə̀ ɨgun ə bə̂d mbe nɨə nwèndɨ̀ tə rɨkyerɨ-ɨwu,

Lk 23:34

Yeso nyaʼa ghà ni, “Mɨ Mbǎʼ, waʼ ɨnû rɨbɔ̀ŋ mɨ̀mə̌d, ɨmbə̀ʼ ɨghəm nɨ chəi mbɨ kyerɨ ənû ze nɨ mbɨə ghɨ̀ə̀.” Mɨ̀sɔgyɨ̀ mbe nyaʼa sɔ̀ŋ mbaŋ ɨmbə̀ʼ ghàpɨ̀ ngywɨ̌ rɨ məd.

Lk 6:28

Mbə̀ zɨ əbɔrəbɔd ɨgun ə bə̂d mbe nɨə zɨ̀ə̀ ndɔ̀n ɨgwɨ nən, bə̀ kɔ̀ŋgɨ̀ ə Ŋwìə̀ ɨgwɨ mbe nɨə zɔ̀m əwən.

Jn 15:20

Mbə̀ kɔndɨ ɨŋgam we nɨ mə̀ nyaʼa gha ɨ nən ni, 'Chəi wə̀d ə̀fàʼì dabə chè i mbǎʼ ə̀fàʼì.' À mɨ yeʼ nɨ mbɨ nyaʼa nwendɨ tum rɨkyerɨ-ɨwu, njɨ mbɨ bɨrɨ bɨ nwendɨ tən. À mɨ yeʼ nɨ mbɨ nyaʼa zu mɨ ɨŋgam, njɨ mbɨ bɨrɨ bɨ zu wən.

Ɨ̀fàʼì 18:3

pè chubɨ mbɨ mɨ̀mə̌d ɨmbə̀ʼ ɨghəm nɨ mbɨ nyaʼa berɨ əbɔ ə̀fàʼì ə mɔʼ. Wɨ̀ nyaʼa chubɨ bə̀ fàʼə̀ mbɨ mɨ̀mə̌d. Əbɔ ə̀fàʼì mɨ̀mə̌d yɨə nyaʼa nɨ tekɨ gôb te nɨ mbɨ nyaʼə kod mɨŋwenɨ əŋgu.

Ɨ̀fàʼì 20:34

Mbə̀ kàŋ kyerɨ ə ni ɨbɔ mbɔ̂ mbɨə nyaʼə fàʼə̀ bə̀ nàʼ ɨghɨ mbe nɨ mɔ̌ mbɨ ə bə̂d mbe nɨ nyaʼa mbɨ num nyaʼa kwaŋɨ.

Ɨ̀fàʼì 7:60

Ənɨ wɨ̀ nyaʼa ghà əne, wɨ̀ nyaʼa chìndɨ̀ ɨtu ɨnywɨ ə si, kyeŋ rɨ̀kǎ ghà ni, “Ə̀nùŋɨ̀sɨg, tɨrə̀ yim e mɨ̀mə̌d ɨŋga fîŋ ɨmbə̀ʼ ənû rɨbɔ̀ŋ zɔ̂ nɨ mbɨ ghɨ.” Ənɨ wɨ̀ nyaʼa ghà əne, wɨ̀ nyaʼa mèndɨ̀.

Rm 12:14

Mbə̀ zɨ əbɔrəbɔd ɨgun ə bə̂d mbe nɨə nwèndɨ̀ tə rɨkyerɨ-ɨwu. Mbə̀ zɨ yeʼ əbɔrəbɔd, kaʼi ndɔ̀n.

Rm 12:20

Àyɨə “Njì rɨ mɨ yeʼə zaŋ e wə̀d pə̀n, à naʼ ɨghɨjɨg ɨ bɔ; ədɔʼ ə mɨ yeʼə ne əməd, à nàʼ əghɨ ə mɔʼɔ ɨ bɔ ni wɨ̀ nɔ. À mɨ ghɨ̀ əne, ətu əməd ə bɨrɨ nìd.”

Rm 8:35

À kɨə we bɨrɨ ghabrɨ əwa tɨ ənɨ ɨchî nɨ Kristo ghaʼ əwa ə? À kɨə ŋgəʼ, kɨ̀ à kɨ ɨnû ka ka, kɨ̀ à kɨ ənû nɨ nwendɨ tɨkyerɨ-ɨwu, kɨ̀ à kɨ ə njì kǎ kǎ, kɨ̀ à kɨ ənû nɨ yen tɨ̀sɔ̀ʼ ɨkyerɨ, kɨ̀ à kɨ ənû nɨ nim, kɨ̀ à kɨ ənû nɨ kwɨ ɨchû ɨbi ə?

1 Kɔrèn 9:6

Kɨ̀ à wa kɨ àmei mɔ̌ mbɨ Banabàs nɨ berɨ fàʼ ənɨ mba ɨbɔ bɔŋ jɨg ə?

2 Kɔrèn 11:8

Mə nyaʼa jɨ rɨ əmbɨ rɨfetɨ bə̂d Kristo cherə ɨchî nɨ mə nyaʼə nɨŋ ə̀wèèrɨ̀ tɨ əmbɨ mɨ̀mə̌d ɨmbə̀ʼ faʼ ɨ nən.

Efesùs 4:28

Tɨ wə̀d we nɨə jɨə rəbə jɨ i. Wɨ̀ kɔ faʼ ənɨ mbi ɨbɔ, berɨ ɨghɨ ɨchî nɨ kuʼnɨ, ɨmbə̀ʼ bɨ weerɨ bə̂d ɨkwaŋ.

1 Tèsàlonikà 2:9

Mba bɔŋgɔb, mbə̀ kyerɨ ə ɨchî nɨ tɨ̀ nyaʼə fàʼ əkaʼ nən kwàʼ rɨ̀kǎ. Tɨ̀ wɨə nyaʼə fàʼ əziə mbɨ ɨzimɨ ɨmbə̀ʼ tɨ rɨ̀ chə a wə̀d mɔʼɔ rəbɔʼ nən ɨmbə̀ʼ ənû rɨjɨg ənɨ tɨ̀ nyaʼə ghà ɨkə̂n chɔ̀m ɨmbə̀ʼ ə Ŋwiə̀ ɨ nən.

2 Tès 3:8

Chəi tɨ̀ nyaʼa jɨg tɨjɨg wə̀d mɔʼɔ nɨ chəi tɨ̀ nyaʼa chwɨ. Tɨ̀ wɨə nyaʼə fàʼə̀ kwàʼ rɨkǎ əziə mbɨ ɨzimɨ ɨmbə̀ʼ tɨ rɨ̀ chə a wə̀d mɔʼɔ rəbɔʼ nən.

1 Timotì 4:10

Tɨ wɨə kywɨ ənywɨ nɨ faʼ rɨkǎ ɨmbə̀ʼ ɨghəm nɨ tɨ nuŋ ta rɨkɔndɨ ɨgun ə Ŋwìə̀ we nɨ yeʼ ɨkǎ. Məd wɨə chɨ̀ə̀ bə̂d mɨjìm mbe nɨ kəb ni mbɨ chɨ əwən rəŋgəʼ, màànɨ̀ mba mbe nɨ nuŋ ta rɨkɔndɨ ɨgwɨ məd.

1 Pità 2:23

Ənɨ mbɨ nyaʼa zɔm əməd, chəi wɨ̀ nyaʼa bə̀ zɔ̀m bə̂d mbe nɨ nyaʼa zɔm əməd. Ənɨ wɨ̀ nyaʼə zə ŋgəʼ, chəi wɨ̀ nyaʼa gha ni tə bɨrɨ wì. Wɨ̀ nyaʼa nuŋ i fîŋ yeʼ ɨgun ə Ŋwiə̀ we nɨə saʼə bə̂d ɨchî nɨ kuʼnɨ.

1 Pità 3:14

Àyɨə ka mbə bè yeʼə zəə ŋgəʼ ɨmbə̀ʼ ɨchî nɨ mbə̀ə ghɨ̀ ɨnû nɨ kuʼnɨ, Ŋwìə̀ bɨrɨ zɨ əbɔrəbɔd ɨgwɨ nən. Əne tɨ mbə̀ bɔ ə, kɨ̀ bè nwìʼ ə nyamnyod.

1 Pità 3:9

Tɨ mbə̀ wi ə ɨbə ɨgwɨ ɨbə. Tɨ mbə wi ə mɨzɔ̂m ɨgwɨ mɨzɔ̀m. Bə̂d mɨ ghɨ̀ ənû ənɨ ə nən, mbə̀ wi yeʼ ənɨ əbɔrəbɔd. Ŋwiə̀ nyaʼa tɔŋ əwən ni mbə ghɨ əne ɨmbə̀ʼ wɨ̀ zɨ əbɔrəbɔd ɨgwɨ nən.

1 Pità 4:19

Əne bə̂d mbe nɨə zəə ŋgəʼ ɨchî nɨ Ŋwiə̀ kəbɨ, chè ɨmbì ghɨ ɨnû nɨ kuʼnɨ. Mbɨ bə nàʼ ə ɨ̀tènɨ̀ əmbɨ Ŋwìə̀ we nɨ nyaʼa tekɨ mɨ̀mə̌d. Məd wɨə ghɨ̀ ɨnû jìm mbe nɨ wɨ̀ kaʼi.

Jûd 1:9

Ka àbei Maikɨ̀l nɨ yeʼ ətu ɨgwɨ mbɨ̀aŋgɨrə̀, ənɨ wɨ̀ nyaʼə tàŋə̀ mbɨ ə Debɨ̀rə̀ ɨmbə̀ʼ we rəbɔʼ mɨ̀mə̌d nɨ bɨrɨ nɨŋ əvɨ ə Mose, chəi wɨ̀ nyaʼa kɔndɨ nɨ zɨ ɨsaʼi ɨgun ə Debɨ̀rə̀ ɨmbə̀ʼ chəkɨ ɨkum məd. Wɨ̀ nyaʼa ghà ɨ bɔ àmei ni, “Ə̀nùŋɨ̀sɨg gham əbɔʼ nè.”