1 Kɔrèn 4:10 - Meta’

¹⁰ Tɨ̀ yɨ ɨneŋ ɨmbə̀ʼ ɨchî nɨ tɨə fàʼ əmbɨ Kristo, àyɨə mbə yɨə bə̂d ɨwe ɨchî nɨ mbə̀ fɔtɨ mbɨ Kristo. Tɨ̀ bɔd, àyɨə mbən ə kà. Bə̂d mbɨə wumnɨ əwən, àyɨə ɨ mbɨə tìbrɨ̀ əwa!

Ikan feg

¹⁰ Mba ya inen imbə̀ʼ icheg ne tì yaʼi bəd àfàʼì Kristo. Àsi awən, mbə̰ ya bəd iwe imbə̀ʼ icheg ne mbə̀ yaʼi ane ifɔti tì Kristo. Tè bɔd, mbə̰ si kà. Bəd mbe wèghè awa se ghùmnə awən.

1 Kɔrèn 4:10 ပူးပေါင်းရင်းမြစ်များ

Matìyò 24:9

“Nyùmə̀ we mɨ kùʼ, mbə bə̂d pə̀n bɨrɨ gywɨ əwən nàʼ ni mbɨ chə əwən bə̀ zwiirɨ əwən. Ɨsɨg jìm bɨrɨ ban əwən ɨmbə̀ʼ əmɨ.

Matìyò 5:11

“Ŋwìə̀ zɨ əbɔrəbɔd ɨgwɨ nən əwù ze nɨ bə̂d ə chàb əwən, nwèndɨ̀ə̀ tə rɨkyerɨ-ɨwu bə̀ ghàə̀ tɨkwɨrɨ ɨnû rɨbɔ̀ŋ mɨghab jìm ɨgwɨ nən ɨmbə̀ʼ əmɨ.

Lk 10:16

“Wə̀d mɔʼɔ we nɨ zu ənû ze nɨ mbə̀ gha, fə bə̀ zu əze nɨ mə gha. We nɨ ton əwən, fə bə̀ ton əmɨ. We nɨ ton əmɨ, fə bə̀ ton wə̀d we nɨ nyaʼa tom əmɨ.”

Lk 18:9

Yeso nyaʼa bə̀ yì ghà ənû ə mɨgɨ zɔ̂ əmbɨ ə bə̂d mɔʼɔ mbe nɨ nyaʼə ghàə̀ ni mbə mbɨə ghɨ̀ ɨnû nɨ kuʼnɨ, əne sɨə tə̀ə̀nɨ̀ə̀ bə̂d cherə.

Lk 6:22

“Ŋwìə̀ zɨ əbɔrəbɔd ɨgwɨ nən, əwù ze nɨ bə̂d ə bàn əwən, chɨ̀ə̀ əwən rəkaʼ mɨ̀mə̌d, zɔ̀m əwən, bə̀ ghàə̀ ni mbə̀ yɨə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ ɨghəm nɨ mbə̀ ben Wan Wə̀d!

Ɨ̀fàʼì 17:18

Bə̂d ɨwe mɔʼɔ nɨ mbɨ nyaʼə tɔŋ ənɨ mɨ̀Epikurià mbɨ mbɨ mɔʼɔ mbe nɨ mbɨ nyaʼə tɔŋ ənɨ mɨ̀Stoìk nyaʼa wò kumnɨ əməd kɔ tàŋɨ mbɨ məd. Mbɨ mɔʼɔ rəbɔʼ mɨ̀mə̌d nyaʼa gha ni, “Əkywɨ-ɨchù wɔ̂ kɨə kə̀b gha əzi ni yè ə?” Mbɨ cherə nyaʼa ghà ni, “Zɨə chub ɨghabɨ ni ɨ wɨə ghà ɨnû ɨmbə̀ʼ mɨ̀ŋwìə̀ rɨ̀sɔ̀ʼɔ̀.” Mbɨ nyaʼa ghà əne ɨmbə̀ʼ ɨghəm nɨ Pɔ̂l wɨə nyaʼə ghà ɨŋgam Ŋwiə̀ ɨmbə̀ʼ ə Yeso, bə̀ ghà ɨmbə̀ʼ ɨchî nɨ bə̂d bɨrɨ zwemə.

Ɨ̀fàʼì 17:32

Ənɨ mbɨ nyaʼa zu ənɨ Pɔ̂l nyaʼa gha ɨmbə̀ʼ ənû nɨ zwemə, mbɨ mɔʼɔ nyaʼa baʼrɨ əməd, àyɨə mbɨ cherə nyaʼa ghà ni, “Tɨ̀ bɨrɨ wɨrɨ zu ənû zɔ̂ ɨghəm cherə.”

Ɨ̀fàʼì 26:24

Ɨchî nɨ Pɔ̂l nyaʼə ghàmə̀ ɨmbə̀ʼ chɨ ɨnû rɨ ɨgwɨ ni, Festùs nyaʼa ghà ənɨ ə gɨ̂ nɨ kǎ ni, “Pɔ̂l, à wɨə beə! Ə̀ŋwàʼnɨ̀ ze nɨ à kwembɨ əku fə ghɨ̀ à sɨə beə!”

Ɨ̀fàʼì 9:16

Mə bɨrɨ chwi ŋgəʼ jìm ze nɨ wɨ̀ berɨ zə ɨmbə̀ʼ əmɨ ɨ bɔ.”

1 Kɔrèn 1:21

Ŋwìə̀ nyaʼa nɨŋ i ɨwe ghɨ̀ ni tɨ bə̂d nɨŋ ə ɨwe bə̂d mɨ̀sɔŋɨchù kyerɨ əməd. Əne zɨə nyaʼa bɔ̀ŋ ɨ bɔ ni wɨ̀ chɨ bə̂d rəŋgəʼ ənjìm ɨchî nɨ mbɨ nyaʼa ben ənû əneŋ ze nɨ tɨ̀ nyaʼə ghàə̀.

1 Kɔrèn 1:23

àyɨə tɨ̀ wɨə ghà ɨmbə̀ʼ ə Kristo nɨ mbɨ nyaʼa kombɨ əzed ə baʼnɨ. Chəi mɨ̀Jû ghaʼ nɨ zu ənû zɔ̂. À yɨə bə̀ ənû əneŋ əmbɨ ə bə̂d mbe nɨ kaʼi mɨ̀Jû.

1 Kɔrèn 1:25

Bə̂d mɔʼɔ mbɨə kɔndɨə ni ɨchî nɨ Ŋwìə̀ nyaʼa ghɨ̌ mbɨ kòmbɨ̀ ə Kristo əzed ə baʼnɨ yɨ ənû əneŋ. Àyɨə ənû ze ə berɨ ɨwe ɨŋga chè ɨwe bə̂d mɨ̀sɔŋɨchù. Mbɨ mɔʼɔ mbɨə bə̀ kɔndɨə ni ɨchî nɨ Ŋwìə̀ nyaʼa ghɨ̌ mbɨ kòmbɨ̀ ə Kristo ə chwiə ni Ŋwìə̀ ə bɔd. Àyɨə ənû ze ə berɨ ɨka chè ɨka bə̂d mɨ̀sɔŋɨchù.

1 Kɔrèn 10:12

Əne wə̀d mɔʼɔ we nɨ kɔndɨ ni tə fə təm kàànɨ̀ berɨ we i ɨmbə̀ʼ wɨ̀ sɨ gù.

1 Kɔrèn 2:14

Ka wə̀d we nɨ chəi Əzwî ə Ŋwiə̀ ɨŋga məd we tɨ wɨ̀ ben ɨnû rəsìʼ mbe nɨ Əzwî ə Ŋwìə̀ ə nàʼə̀, ɨmbə̀ʼ ɨghəm nɨ mbɨ yɨ ənû əneŋ ɨ bɔ. Chəi ənɨ tɨ̀ wɨ̀ kyerɨ ɨnû mbe ɨmbə̀ʼ ɨghəm nɨ àmei Əzwî ə Ŋwiə̀ ze tɨ̀ zɨə ghɨ̀ ni wɨ̀ kyerɨ.

1 Kɔrèn 2:3

Ənɨ mə̀ nyaʼa yeʼe əsɨ nən, mə nyaʼa bɔd, əne ɨbɔɔ nyaʼa ghɨ̀ mə bindɨ ni chəi mə̀ bɨrɨ faʼ ɨchî chɔ̀m.

1 Kɔrèn 3:18

Tɨ wə̀d mɔʼɔ tambɨ i i ɨnyod. Wə̀d mɔʼɔ rəbɔʼ nən mɨ kɔndɨ ni tə yɨə wə̀d ɨwe, ɨchî nɨ bə̂d rɨŋga ɨsɨg kyerɨ bə̂d ɨwe, wɨ̀ beŋ ənɨ əneŋ ɨmbə̀ʼ wɨ̀ berɨ ɨwe we nɨ Ŋwìə̀ ə nàʼə̀,

1 Kɔrèn 3:2

Mə wɨə nyaʼə nàʼ ɨbən ɨ nən, kaʼi əghɨjɨg nɨ kaanɨ, ɨmbə̀ʼ ɨghəm nɨ chəi mbə̀ nyaʼa kɨrɨ kuʼ nɨ jɨg ɨghɨjɨg nɨ kaanɨ. Ka àbei tɨ̀nîn chəi mbə̀ kɨrɨ kuʼ,

1 Kɔrèn 4:8

Mbə mbɨə ghɨ̀ ɨghabɨ ni mbə fə berɨ ɨghɨjìm mbe nɨ mbə̀ kəbɨ! Mbə mbɨə ghɨ̀ ɨghabɨ ni mbə fə berɨ mbɔ̂n! Mbə mbɨə ghɨ̀ ɨghabɨ ni mbə fə sɨ mɨfɔ̂n, ka à bè yeʼi ni ka tɨ̀ yɨ a mɨfɔ̂n! Mə wɨə kàŋə̀ kə̀bə̀ ni mbə yeʼ mɨfɔ̂n ɨmbə̀ʼ tɨ̀ bə̀ yeʼ mɨfɔ̂n mbɨ nən!

2 Kɔrèn 10:10

ɨmbə̀ʼ ɨghəm nɨ bə̂d mɔʼɔ mbɨə ghàə̀ ni, “Ɨ̀ŋwàʼnɨ̀ mbe nɨ wɨ̀ ŋwaʼnɨ mbɨə kà əku bə̀ tɔə, àyɨə ənɨ wɨ̀ yeʼ əkaʼ na, ɨ wɨə bɔrə, chəi ɨŋgam məd ə bə̀ yim mɨnib.”

2 Kɔrèn 11:19

Ɨchî nɨ mbə̀ yeʼ bə̂d ɨwe, mbə mbɨə ghaʼə nɨ ben ɨnû mbe nɨ ɨneŋ ə ghàə̀!

2 Kɔrèn 11:29

À kɨə we nɨ bɔrɨ, nɨ chəi mə̀ bə bɔd ə? À kɨə we nɨ mbɨ ghɨ ni wɨ̀ ghɨ̌ ənû rɨbɔ̀ŋ, nɨ chəi mɨ fîŋ tɔb əmɨ ə?

2 Kɔrèn 13:9

Tɨ̀ wɨə ghaʼə ni ənɨ tɨ̀ bɔd, mbə̀ mbɨə kàə̀. Tɨ̀ wɨə kɔ̀ŋgɨ̀ ə Ŋwiə̀ ni mbə̀ bɔŋə màànɨ̀.

2 Kɔrèn 4:12

Əne tɨ̀ wɨ ɨchû ɨvɨ ɨghəm jìm, ɨmbə̀ʼ mbə̀ jɨg ɨ̀tènɨ̀.

2 Kɔrèn 6:8

Bə̂d mɔʼɔ mbɨə wumnɨ əwa, mbɨ mɔʼɔ tìbrɨ̀ əwa. Bə̂d mɔʼɔ mbɨə ghà ɨnû rɨbɔ̀ŋ ɨmbə̀ʼ əwa, mbɨ mɔʼɔ gha ɨnû chɔ̀m ɨmbə̀ʼ əwa. Bə̂d mɔʼɔ mbɨə ghàə̀ ni ka tɨ̀ yɨ a bə̂d mbe nɨ tɨ̀ yeʼ mbɨwən, àyɨə tɨ̀ yɨə kaŋ mbɨwən.

1 Tèsàlonikà 4:8

Chəi wə̀d mɔʼɔ we nɨ ton tɨkə tɔ̂ ton wə̀d mɨ̀sɔŋɨchù, wɨ̀ ton yeʼ Ŋwiə̀ we nɨə nàʼ e Əzwî ə Zeŋɨ ɨ nən.

1 Pità 4:14

Bə̂d mɨ yeʼə zɔ̀m əwən ɨmbə̀ʼ ɨchî nɨ mbə̀ ben ə Kristo, Ŋwìə̀ bɨrɨ zɨ əbɔrəbɔd ɨgwɨ nən. Əne yɨ ni Əzwî ə Zeŋɨ ze nɨ yeʼ Əzwî ə Ŋwiə̀ ə fə sɨ i ɨgwɨ nən.