1 Kɔrèn 3:12 - Meta’

¹² Wə̀d mɔʼɔ mɨ kod nəb ɨgun əchɨ ze ənɨ ə gôl, ənɨ ə sɨrɨvà, ənɨ əti ɨka ənun, ənɨ ɨzed, ənɨ ɨgwəŋ kɨ ənɨ ɨzaŋ,

Ikan feg

¹² Bəd mɔ̀ʼɔ mbe kɔ̀rɔ igun ati ze ane gol. Bəd mɔ̀ʼɔ mbe kɔ̀rɔ ane sibà. Bəd mɔ̀ʼɔ mbe kɔ̀rɔ ane ateg àka inun. Mə̀mbin mbe kɔ̀rɔ ane ized. Bəd mɔ̀ʼɔ mbe kɔ̀rɔ ane agyen. Mə̀mbin mbe kɔ̀rɔ ane izaŋ.

1 Kɔrèn 3:12 ပူးပေါင်းရင်းမြစ်များ

Ɨ̀fàʼì 20:30

Bə̂d bɨrɨ jwɨ rəkaʼ nən nɨ bɨrɨ gha mɨghab ɨmbə̀ʼ suŋ bə̂d mbe nɨ ben ə Kristo ni mbɨ beenɨ əbɔʼ mɨ̀mə̌d.

Rm 16:17

Mbɨ bɔŋgɔb, mə wɨə buʼ ɨbɔ ɨ nən ni mbə̀ we əwən mbɨ ə bə̂d mbe nɨə ghɨ̀ ni bə̂d Kristo ghabrə mbɨ ni mbɨ feb ɨnə̂njɨ̀. Ɨ mbɨə ghɨ̀ əne ɨchî nɨ mbɨə ton ɨnû mbe nɨ mbə̀ nyaʼa fə be kwembɨ. Tɨ mbə̀ tiinɨ ə ɨban mɨ̀mə̌d,

1 Kɔrèn 3:11

ɨmbə̀ʼ ɨghəm nɨ chəi əchɨ ə nəb ə cherə nɨ tɨ̀ wə̀d bɔm chè rɨ ənɨ əze nɨ Ŋwìə̀ nyaʼa fə bɔmɨ. Əchɨ ze yɨə Yeso Kristo.

1 Kɔrèn 3:13

mbɨ bɨrɨ zə ə̀fàʼì əməd ɨchî nɨ wɨ̀ korɨ, ɨmbə̀ʼ ɨghəm nɨ Əni ze nɨ Kristo bɨrɨ wɨrɨ yeʼe pè saʼ ɨsɨg, ə bɨrɨ chwi ɨkwɨ nəb we nɨ wə̀d we korɨ. Ɨwid bɨrɨ du ə̀fàʼ ə wə̀d əsaŋ. Ɨwid we bɨrɨ zweʼrɨ ɨkwɨ ə̀fàʼì ze nɨ wə̀d mɔʼ mɔʼ fə fàʼi.

2 Kɔrèn 2:17

Ka tɨ̀ yɨ a ɨghabɨ ə bə̂d mɨ̀nɔnɔʼ mbe nɨə nɨŋ ɨŋgam Ŋwiə̀ beʼrɨ ɨwin əŋgu ɨmbə̀ʼ jɨg njìm. Tɨ̀ wɨə ghà rəsìʼ ənɨ ta fîŋ rɨjìm ɨfě Ŋwiə̀ ɨchî nɨ tɨ̀ yeʼ ənɨ ɨfɔtɨ mbɨ Kristo. À yɨə Ŋwìə̀ ziə tom əwa ni tɨ̀ ghamə.

2 Kɔrèn 4:2

Tɨ̀ fə ton ɨnû mbe nɨ bə̂d ə ghɨ̀ ənə̀mə, nɨ yeʼ ɨnû mbe nɨə nàʼ tɨ̀nìd ətu. Tɨ̀ fə ton nɨ ghɨ ɨbèkɨ̀ ɨnû, kɨ̀ nɨ nyam ɨŋgam Ŋwiə̀ mbɨ mɨghab. Àyɨə ɨchî nɨ tɨə ghà rəsìʼ əsaŋ əsaŋ, tɨ̀ wɨə chwiə ni bə̂d kyerɨ ni ɨnû mbe nɨ tɨə ghɨ̀ə̀ yɨ ɨnû nɨ bɔŋ ɨfě Ŋwiə̀.

Kòlosè 2:8

Tɨ mbə̀ ben ə ni wə̀d mɔʼɔ nɨŋ ɨwe əko bə̂d mɨ̀sɔŋɨchù tambɨ əwən əŋgu əne ghɨ̀ mbə̀ ben ɨ̀bòʼò ɨ bɔ. Ɨwe əko we yɨ rɨ ənɨ mɨchî mɨ̀mbǎʼ mbɨ rəŋwe bə̀ fɔrɨ rɨ əmbɨ ɨzwî mbe nɨə tùmbɨ̀ ɨsɨg. Ka ɨwe əko wɔ̂ yɨ i rɨ əmbɨ Kristo.

1 Timotì 6:3

Wə̀d mɔʼɔ mɨ yeʼə chwi ɨnû nɨ kwepɨ rɨ ənɨ mbɔ̂, nɨ chəi wɨ̀ ben ɨŋgam rəsìʼ we nɨ a Ə̀nùŋɨ̀sɨg Yeso Kristo ghǎ, nɨ chəi wɨ̀ bə̀ ben ɨnû mbe nɨ tɨə chwi ɨmbə̀ʼ ɨchî nɨ tɨ̀ bə̂d Kristo chubɨ,

2 Timotì 2:20

Ɨkwɨ ɨkaŋ ə nɔʼ ɨŋga nəb kyeŋ. Mbɨ tekɨ mbɨ mɔʼɔ ənɨ ə gôl bə̀ tekɨ mbɨ cherə ənɨ ə sɨrɨvà. Mbɨ tɔ mbɨ mɔʼɔ ənɨ əzed bə̀ tekɨ mbɨ cherə ənɨ əbɔmɨ. Mbɨ mɔʼɔ yɨ mbɨ əni ənû. Mbɨ cherə yɨ mbe nɨ mbɨə fàʼə̀ mbɨ mbɨwən ɨni jìm.

2 Timotì 3:13

Àyɨə bə̂d mbe nɨə ghɨ̀ ɨnû rɨbɔ̀ŋ mbɨ mbe nɨə nɨŋ rɨkum bə̂d cherə tambɨə bə̂d əŋgu bɨrɨ rəbə ghɨ̀ ə ɨnû rɨbɔ̀ŋ ghɨ̌ wò ɨmbì. Mbɨ bɨrɨ mɨə tambɨ ə bə̂d, bə̂d bə tambɨ ə mɨ̀mə̌d.

2 Timotì 3:7

Ɨ mbɨə zwetɨ ɨnû rɨ əmbɨ wə̀d jìm, àyɨə chəi mbɨ bɨrɨ nɔ kyerɨ rəsìʼ ɨmbə̀ʼ ə Ŋwiə̀.

2 Timotì 4:3

Nyùmə̀ wɨə yeʼe nɨ chəi bə̂d bɨrɨ ghaʼ nɨ zu ɨŋgam rəsìʼ. Mbɨ bɨrɨ fetɨ məchwiə̀-ɨnû ɨban mɨ̀mə̌d nɨ bɨrɨ gha ɨnû mbe nɨ ɨ̀tǒŋ mɨ̀mə̌d ə zòə̀ nɨ zu.

Mə̀Hibrù 13:9

Tɨ mbə̀ ben əwən ni tɨkwɨrɨ ɨnû rɨ̀sɔ̀ʼ jìm mbe nɨ bə̂d ə chwiə beŋ tə fîŋ tɨ ənɨ ɨnə̂njɨ̀ rəsìʼ. À yɨ ɨ̀chɔ̀m Ŋwiə̀ bɨrɨ ghɨ ni tə fîŋ kaanə, kaʼi ənû nɨ zuunɨ rɨkə ɨmbə̀ʼ tɨjɨg. Chəi tɨkə te ə wèèrɨ̀ bə̂d mbe nɨə beenɨ əbɔʼ rɨwən.

1 Pità 1:7

Ɨnû mbɔ̂ yɨ nɨ zweʼrɨ əwən ɨ zə ni ə ɨbenɨ ə bə̀ kàŋ kàànɨ̀ ə. Ka àbei ə gôl nɨ tɨ mbɨ chə̀kɨ̀, ɨ mbɨə zweʼrɨ ənɨ mbɨ tɔn ɨŋga ɨsweŋ ɨwid ənam. Əne mbɨ berɨ bɨ zweʼrɨ ə ɨbenɨ we nɨ yeʼ əghɨ əka ɨnun chè ə gôl. Ɨbenɨ we mɨ kàànɨ̀, Ŋwìə̀ ziə bɨrɨ yiirɨ əwən, mbə bə̀ berɨ ɨzeŋɨ zeŋɨ mbɨ ɨwumnɨ ənɨ ə nyùmə̀ we nɨ Yeso Kristo bɨrɨ wɨrɨ yeʼe.

Ɨnû 2:14

Àyɨə mə berɨ ɨnû mɔʼɔ rɨpiî ɨmbə̀ʼ əwe. Bə̂d mɔʼɔ mbɨ əkaʼ nən nɨə beenɨ əbɔʼ ɨnû mbe nɨ Balàm nyaʼə chwiə. Balàm nyaʼa chwi ɨchî əmbɨ Balàk ni wɨ̀ febrɨ mɨ̀Izre ɨmbə̀ʼ mbɨ jɨg ɨghɨ mbe nɨ mbɨ nyaʼa naʼ ənɨ ɨghɨ ə̀fà əmbɨ mbɨ̀anèŋ. Wɨ̀ nyaʼa bə̀ febrɨ mɨ̀mə̌d ni mbɨ ghɨ̀ ɨfabrɨ ɨnû.

Ɨnû 21:18

Mbɨ nyaʼa bɔm ə̀gùʼ ze ənɨ ə jaspà. Mbɨ nyaʼa bɔm əsɨ ze àmei ənɨ ə gôl. Gôl we wɨə nyaʼə zeŋə ɨghabɨ manèm nɨ tɨ̀ wə̀d zə ɨghɨ ənjìm.

Ɨnû 3:18

Əne mə wɨə kəərɨ əwe ni à zon ə gôl rɨ num, nɨ yeʼ ə gôl we nɨ mbɨ tɔn ɨŋga ɨwid chiʼ kwàʼ ɨchî chɔ̀m. À mɨ ghɨ̀ əne à bɨrɨ berɨ mbɔ̂n. Bə zon ngywɨ̌ rɨ̀fɨ zɨ̀, ɨmbə̀ʼ chɨ tɨ̀nìd ətu we nɨ bə̂d ə zəə ni à wɨ rɨ̀sɔ̀ʼ ɨkyerɨ. Zon ɨfuʼ əghə zɨ̀ ɨŋga e əghə ɨmbə̀ʼ à wɨrɨ zə ɨsɨ.