1 Kɔrèn 16:16 - Meta’

¹⁶ mbə̀ zuunɨ bə̂d ɨghabɨ mbɔ̂, bə̀ zuunɨ wə̀d jìm we nɨə fàʼə̀ bə̀ nwìʼ ɨnyod mbɨ na ənɨ ə̀fàʼì zɔ̂.

Ikan feg

¹⁶ mbə̀ ya ghìyə̀ inug icheg inɔb. Mbə̀ zugri awɔb bə̀ zùgri bəd məjìm ne zìyè atog ane àfàʼì icheg inɔb.

1 Kɔrèn 16:16 ပူးပေါင်းရင်းမြစ်များ

Rm 16:12

Mbə̀ chaʼrɨ ə Trifenà mbɨ Trifosà. Mɨ̀mə̌d mbɨə fàʼ əmbɨ Ə̀nùŋɨ̀sɨg. Mbə̀ chàʼrɨ̀ ə Pesì nɨ yeʼ mɨ sə̀ʼ nɨ mə̀ ghaʼi kwàʼ rɨŋgəʼ. Məd fə fàʼ kwàʼ rɨ̀kǎ əmbɨ Ə̀nùŋɨ̀sɨg.

Rm 16:3

Mbə̀ chaʼrɨ ə Priskà mbɨ Àkwilà. Mɔ̌ mbɨ mɨ̀mə̌d mbɨə fàʼ əmbɨ Kristo Yeso.

Rm 16:6

Mbə̀ chaʼrɨ ə Mèri. Məd fə faʼ ɨ nən kwàʼ rɨ̀kǎ.

Rm 16:9

Mbə̀ chaʼrɨ ə Òbanùs. Məd yɨə wə̀d ə̀fàʼì Kristo mbɨ na. Mbə̀ bə̀ chàʼrɨ̀ ə Stakìs. Məd yɨ mɨ sə̀ʼ nɨ mə̀ ghaʼi kwàʼ rɨŋgəʼ.

1 Kɔrèn 12:28

Ŋwìə̀ fə chɔʼ bə̂d ɨŋga ɨfetɨ bə̂d Kristo. Mbɨ rɨtu yɨə bə̂d tom, mbe nɨ pe ənɨ mbɨ be yɨə bə̂d ɨ̀kə̀n, mbe nɨ pè ənɨ mbɨ tad yɨ məchwiə̀-ɨnû, beenɨ mbe nɨə ghɨ̀ ɨnû yiirɨ, beenɨ mbe nɨə vɨ̀ ɨwɔn, beenɨ mbe nɨə wèèrɨ̀ mbɨ cherə, beenɨ mbe nɨə tekɨ ɨchî nɨ ɨnû bɨrɨ yènɨ̀, beenɨ mbe nɨə ghàm mɨŋgam tɨkwɨrɨkwɨ.

1 Kɔrèn 3:9

Tɨ̀ yɨə bə̂d nɨə fàʼ ɨnɔ̂n əmbɨ ə Ŋwiə̀. Mbə yɨə mbeŋ Ŋwìə̀, bə̀ yeʼ nəb nɨ Ŋwìə̀ korɨ.

Efesùs 5:21

Mbə zuunɨ ə mbənə mbənə ɨmbə̀ʼ chwi ni mbə̀ mbɨə wumnɨ ə Kristo.

Fìlipì 4:3

Mə wɨə bə̀ gha ɨ ne, àwɔ̀ nɨə fàʼə̀ mbɨ num ənɨ e fîŋ jìm, ni à weerɨ məyi mbɔ̂ ghɨ̀ mbɨ chub ənɨ əbɔrəbɔd, ɨmbə̀ʼ ɨghəm nɨ mɨ̀mə̌d, Klemèn mbɨ ə bə̂d cherə fə fàʼ rɨkǎ mbɨ num nɨ ghà ɨkə̂n chɔ̀m. Tɨkum tɨ mɨ̀mə̌d tɨ ɨŋga ə̀ŋwàʼnɨ̀ ze nɨ mbɨ ŋwaʼnɨ rɨkum bə̂d mbe nɨ bɨrɨ jɨg ɨ̀tènɨ̀.

1 Tèsàlonikà 1:3

Ənɨ tɨə kɔŋgɨ Ŋwiə̀ a Mbǎʼ, tɨ̀ wɨə kɔndɨ ɨnû mbe nɨ mbə̀ə ghɨ̀ə̀ ɨchî nɨ mbə̀ nuŋ fîŋ ɨgun ə Yeso. Tɨ̀ wɨə bə̀ kɔndɨ ɨchî nɨ mbə̀ə fàʼə̀ rɨ̀kǎ ɨmbə̀ʼ weerɨ bə̂d ɨmbə̀ʼ ɨghəm nɨ mbə ghaʼ mɨ̀mə̌d. Tɨ̀ wɨə bə̀ kɔndɨ ɨchî nɨ mbə̀ə nyìʼə̀ fîŋ wòm ɨchî nɨ a Ə̀nùŋɨ̀sɨg Yeso Kristo bɨrɨ chɨ əwən rəŋgəʼ.

1 Tèsàlonikà 2:9

Mba bɔŋgɔb, mbə̀ kyerɨ ə ɨchî nɨ tɨ̀ nyaʼə fàʼ əkaʼ nən kwàʼ rɨ̀kǎ. Tɨ̀ wɨə nyaʼə fàʼ əziə mbɨ ɨzimɨ ɨmbə̀ʼ tɨ rɨ̀ chə a wə̀d mɔʼɔ rəbɔʼ nən ɨmbə̀ʼ ənû rɨjɨg ənɨ tɨ̀ nyaʼə ghà ɨkə̂n chɔ̀m ɨmbə̀ʼ ə Ŋwiə̀ ɨ nən.

1 Tèsàlonikà 5:12

Mba bɔŋgɔb, tɨ̀ wɨə buʼ ɨbɔ ɨ nən ni mbə naʼ ɨwumnɨ əmbɨ ə bə̂d mbe nɨə fàʼ rɨ̀kǎ ɨ nən, chà əwən bə̀ kəərɨ əwən.

1 Timotì 5:17

Zə ni mbɨ naʼ ɨwumnɨ əmbɨ ə bə̂d mbe nɨə chà ɨfetɨ bə̂d Kristo bə̀ jeŋgɨ chɔʼ ə̀fàʼì mɨ̀mə̌d, maanɨ mbe nɨə fàʼ rɨkǎ nɨ ghà ɨŋgam Ŋwiə̀ bə̀ fɔrɨ ni chwi ɨnû ɨmbə̀ʼ ə Kristo.

Mə̀Hibrù 13:17

Mbə̀ zuunɨ bə̂d mbe nɨə chà əwən, bə̀ ghɨ̀ ɨnû mbe nɨ mbɨ gha ɨ nən. Ɨ mbɨə nəŋgɨ əwən nɨ chəi mbɨ ə zwììrɨ̀ə̀. Mbɨ berɨ gha ɨnû mbe nɨ mbɨ fə ghɨ əmbɨ ə Ŋwiə̀. Mbə mɨ zuunɨ mɨ̀mə̌d, mbɨ bɨrɨ fàʼ mbɨ ɨghaʼi kaʼi mbɨ ə̀kə̀nɨ̀, ɨmbə̀ʼ ɨghəm nɨ chəi ə̀kə̀nɨ̀ ə bɨrɨ weerɨ əwən.

Mə̀Hibrù 13:24

Mbə̀ chaʼrɨ bə̂d mɨ̀jìm mbe nɨə chà əwən bə̀ chàʼrɨ̀ bə̂d Ŋwiə̀ mɨ̀jìm. Mba bɔŋgɔb mbe rɨ ə Italì bə̀ chàʼrɨ̀ əwən.

Mə̀Hibrù 6:10

Ŋwìə̀ wɨə ghɨ̀ àmei ɨnû nɨ kuʼnɨ. Kaʼ məd bɨrɨ neb i ɨnû mbe nɨ mbə̀ fə ghɨ. Kaʼ məd bɨrɨ bɨ neb i ɨghaʼi we nɨ mbɨə chwi ɨ bɔ ənɨ mbə̀ nyaʼə weerɨ bə̂d məd bə̀ kɨrɨ wò ɨmbì wèèrɨ̀ə̀.

1 Pità 5:5

Ŋgwàʼ bə̂d, mbə̀ zuunɨ bə̂d mbe nɨ fə kaanɨ chè əwən. Mbə̀n mɨjìm swi ə ɨnyod fàʼ əmbɨ mbə bɔŋgɔb ɨmbə̀ʼ ɨghəm nɨ, “Ŋwìə̀ wɨə bànə̀ bə̂d mbe nɨə nɔ ɨnyod, àyɨə ɨ wɨə ghɨ̀ ɨ̀chɔ̀m ənɨ mbe nɨə swi ɨnyod.”

3 Jɔn 1:8

Əne tɨ̀ berɨ kəŋgɨ bə̂d ɨghabɨ mbɔ̂, ɨmbə̀ʼ tɨ̀ faʼ ɨnɔ̂n mbɨ mɨ̀mə̌d ɨchî nɨ tɨə ghà rəsìʼ ɨmbə̀ʼ Kristo.

Ɨnû 2:3

Mə kyerɨ ni à wɨə nyìʼə̀ bə̀ zəə ŋgəʼ əku ɨmbə̀ʼ əmɨ, àyɨə chəi à kɨrɨ bɔd.