1 Kɔrèn 15:6 - Meta’

⁶ À nyaʼa ənɨ ə nyùmə̀ cherə, wɨ̀ nyaʼa jwɨ̀ ɨghəm we mɔʼ ɨfě bə̂d mbe nɨ nyaʼə beenɨ əbɔʼ məd. Bə̂d mbe nyaʼa chè rɨ ənɨ əkɨ ətân. Mɨ̀mə̌d mɨ̀nɔnɔʼ mbɨə kɨrɨ ɨkǎ, ka à bè yeʼi ni mbɨ mɔʼɔ fə kwɨ.

Ikan feg

⁶ Ane nyùmə̀ ndəŋ, wì ya bə̀ dù ìwi ìfe abə bəd Kristo ndəŋ ne che che ane aki ata̰ kwàʼ ighəm fìbì. Bəd ndan ndàn abɔ̀ʼ bəd mbo̰ kiri biri izɔm, ka mbi mɔ̀ʼɔ fə ku.

1 Kɔrèn 15:6 ပူးပေါင်းရင်းမြစ်များ

Matìyò 28:10

Yeso nyaʼa ghà əmbɨ mɨ̀mə̌d ni, “Tɨ mbə̀ bɔ ə. Mbə̀ wo ghà əmbɨ mbɨ bɔŋgɔb ni mbɨ wo ə Galiliî. Mbɨ bɨrɨ zə əmɨ əŋgu.”

Mk 16:7

Àyɨə mbə̀ wò ghà əmbɨ mə̀mə̀ə̀nɨ̀-ɨnû ɨməd bə̀ ghà əmbɨ Pità ni ɨ wɨə wò ɨmbì ɨ nən ə Galiliî. Mbə bɨrɨ zə əməd əŋgu ɨchî nɨ wɨ̀ nyaʼa fə gha ɨ nən.”

Ɨ̀fàʼì 13:36

Ənɨ Dèvîd nyaʼa kɨrɨ ɨkǎ, wɨ̀ nyaʼa ghɨ̀ ɨnû mbe nɨ Ŋwìə̀ nyaʼa kəbɨ ni wɨ̀ ghɨ ə. Wɨ̀ nyaʼa kwɨ mbɨ tweŋ əbɔʼ mɨ̀mbǎʼ məd rəŋwe, əne wɨ̀ nyaʼa bɔb.

Ɨ̀fàʼì 7:60

Ənɨ wɨ̀ nyaʼa ghà əne, wɨ̀ nyaʼa chìndɨ̀ ɨtu ɨnywɨ ə si, kyeŋ rɨ̀kǎ ghà ni, “Ə̀nùŋɨ̀sɨg, tɨrə̀ yim e mɨ̀mə̌d ɨŋga fîŋ ɨmbə̀ʼ ənû rɨbɔ̀ŋ zɔ̂ nɨ mbɨ ghɨ.” Ənɨ wɨ̀ nyaʼa ghà əne, wɨ̀ nyaʼa mèndɨ̀.

1 Kɔrèn 15:18

Əne yɨ ni bə̂d mbe nɨ nyaʼa be ben ə Kristo bɔŋ kwɨ fə nim.

1 Kɔrèn 15:20

À yɨ rəsìʼ ni Ŋwìə̀ nyaʼa zwemnɨ ə Kristo. À yɨə bə̀ rəsìʼ ni Kristo yɨə wə̀d rɨtu nɨ Ŋwìə̀ zwemnɨ rəbɔʼ bə̂d mbe nɨ nyaʼa fə kwɨ.

1 Tèsàlonikà 4:13

Mba bɔŋgɔb, tɨ̀ kə̀b ni mbə̀ kyerɨ rəsìʼ ɨmbə̀ʼ bə̂d mbe nɨ fə kwɨ, ɨmbə̀ʼ tɨ mbə kən ə ɨghabɨ ə bə̂d nɨ chəi mbɨ nuŋ ɨkɔndɨ ni mbə bɨrɨ chubɨ mbɨ ə Ŋwiə̀.

1 Tèsàlonikà 4:15

Ənû zɔ̂ nɨ tɨə ghà ɨ nən yɨ ənû nɨ Ə̀nùŋɨ̀sɨg ziə nyaʼa ghǎ. Wɨ̀ nyaʼa ghà ni ka mbà mbe nɨ yeʼ ɨkǎ ənɨ ə nyùmə̀ we nɨ Ə̀nùŋɨ̀sɨg wɨrɨ yeʼe bɨrɨ be wò a ɨmbì mbe nɨ fə kwɨ.

2 Pità 3:4

Mbɨ bɨrɨ biirɨ ni, “Ɨmbə̀ʼ Yeso nyaʼa kàʼ ni tə bɨrɨ wɨrɨ yeʼe ə? Məd wi ə? Tɨ ənɨ mba mɨ̀mbǎʼ rəŋwe nyaʼa fə saŋ ɨsɨg, ɨnû jìm mbɨə kɨrɨ i àmei ɨchî nɨ mbɨ nyaʼa i tɨ ənɨ Ŋwìə̀ nyaʼa tekɨ ɨsɨg!”