1 Kɔrèn 15:54 - Meta’

⁵⁴ Ənɨ əghɨ ze nɨə kwɨə ə fə beŋ ənɨ əze nɨ chəi zɨə kwɨə, nyamnyod ze nɨə kwɨə bə̀ beŋ ənɨ ze nɨ chəi zɨə kwɨə, ɨŋgam Ŋwiə̀ we nɨ mbɨ ŋwaʼnɨ bɨrɨ jwɨ̀ ənɨ rəsìʼ ni, “Ŋwìə̀ fə baŋ ɨvɨ nimnɨ.”

Ikan feg

⁵⁴ Anyumə̀ ne nyàmnyɔd ze ne kùyə fə bə̀ŋə̀ ane nyàmnyɔd ne chəyi ze kùyə, aghi ze ne kùyə bə̀ bə̀ŋə̀ ane aghi ne chəyi ze kùyə, Ìngam Ŋwiye we ne mbi ŋwàʼri inga Àŋwàʼrì Ŋwiye biri dù ane tesiʼ. Ìngam we ya gha, “Ŋwiye kà chè iwu, Ŋwiye fə nimni iwu.”

1 Kɔrèn 15:54 ပူးပေါင်းရင်းမြစ်များ

Lk 20:36

Chəi mbɨ bɨrɨ wɨrɨ kwɨ ɨmbə̀ʼ ɨghəm nɨ mbɨ yɨ əndəŋ əndəŋ mbɨ mbɨ̀aŋgɨrə̀. Mbɨ yɨə bə̀ ə bɔn Ŋwiə̀ ɨchî nɨ mbɨ zwemə.

Rm 1:23

Əmbɨ mɨ̀mə̌d nɨ wumnɨ ə Ŋwiə̀ we nɨ chəi wɨ̀ bɨrɨ nɔ kwɨ, mbɨ nyaʼa bèŋ sɨə wumnɨə yeʼ mbɨ̀anèŋ mbe nɨ fu wə̀d mɨ̀sɔŋɨchù nɨə kwɨə. Mbɨ nyaʼa bə̀ sɨə wumnɨ rɨnən mbɨ ə nyam ɨwu kwè fɔrɨ nyam te nɨə kɔ ɨbum ə si.

Rm 2:7

Wɨ̀ bɨrɨ naʼ ɨ̀tènɨ̀ rɨ mì əmbɨ ə bə̂d mbe nɨə yimə fîŋ ghɨ̀ ɨ̀chɔ̀m, nɨə kə̀b ɨzeŋɨ zeŋɨ mbɨ ɨwumnɨ fɔrɨ ənû nɨ chəi bə̂d bɨrɨ nɔ kwɨ.

Rm 6:12

Əne tɨ mbə̀ ben ə ni ɨnû rɨbɔ̀ŋ tumbɨ tə nyamnyod te nɨə kwɨə, əne ghɨ̀ mbə̀ zuunɨ ɨnû rɨbɔ̀ŋ mbe nɨ tə nyamnyod ə feenɨə.

Rm 8:11

À mɨ yeʼ nɨ Əzwî ə wə̀d we nɨ nyaʼa zwemnɨ ə Yeso ə yeʼ ɨŋga nən, njɨ məd we nɨ nyaʼa zwemnɨ ə Kristo bɨrɨ bɨ naʼ ɨ̀tènɨ̀ əmbɨ tə nyamnyod te nɨə kwɨə. Wɨ̀ bɨrɨ ghɨ əne ənjìm Əzwî əməd ze nɨ yeʼ ɨŋga nən.

2 Kɔrèn 4:11

Ənɨ tɨ̀ yeʼ ɨka, tɨ̀ wɨ ɨchû ɨvɨ ənɨ mɨ̀nyùmə̀ jìm ɨmbə̀ʼ ə Yeso, ɨmbə̀ʼ bə̂d zə ɨ̀tènɨ̀ məd ɨŋga ta nyamnyod te nɨə kwɨə.

2 Kɔrèn 5:4

Ənɨ tɨ̀ kɨrɨ ɨŋga nyamnyod zɔ̂, tɨ̀ wɨə sɔ ɨchû əton ɨghɨ mbe nɨə nìd əwa. Chəi tɨ̀ kəb nimnɨ nyamnyod ənun. Tɨ̀ wɨə kə̀bə̀ yeʼ ni Ŋwiə̀ zɨ nyamnyod fi ɨgwɨ na, ɨmbə̀ʼ nyamnyod ze nɨ bɨrɨ ten i koŋ nɨŋ rɨmbin ze nɨə kwɨə.

2 Tès 1:10

Ɨgwɨ əni ze nɨ wɨ̀ bɨrɨ yeʼe, bə̂d məd bɨrɨ yiirɨ, bə̂d mɨjìm mbe nɨ ben əməd bə̀ nàʼ ɨwumnɨ ɨ bɔ. Mbə̀n bə bɨrɨ yeʼ əbɔʼ mɨ̀mə̌d, ɨmbə̀ʼ ɨghəm nɨ mbə̀ ben ənû ze nɨ tɨ̀ nyaʼə ghà ɨ nən.

Ɨnû 20:14

Əne mbɨ nyaʼa màʼ Ɨvɨ mbɨ əbeŋ ɨvɨ bə̂d ɨŋga ɨwid kyeŋ. Ɨwid kyeŋ we yɨ ɨvɨ we nɨ pe ənɨ wɨ be.

Ɨnû 21:4

Wɨ̀ bɨrɨ fu mɨsɨ jìm tɨ ənɨ əghə mɨ̀mə̌d. Chəi bə̂d bɨrɨ wɨrɨ kwɨ. Chəi bə̂d bɨrɨ wɨrɨ dì kɨ̀ chweŋ mɨsɨ kɨ̀ zu bè rɨbuʼ, ɨmbə̀ʼ ɨghəm nɨ ɨnû mbe nɨ nyaʼa bè əŋgu fə chè i.”