1 Kɔrèn 15:47 - Meta’

⁴⁷ Ŋwìə̀ nyaʼa tekɨ mbaŋə̀ rɨtu ənɨ rɨchaʼ. Məd yɨə si. Mbaŋə̀ ze nɨ beenɨ yɨ rɨkaŋ.

Ikan feg

⁴⁷ Ŋwiye ya tangi mbaŋà mbègtog ane ìseg ze igun isəg. Wə̀d we ne ya si yèʼe anjìm, wì nɔ̀ʼ yaʼ ikaŋ àbɔ̀ŋɔ.

1 Kɔrèn 15:47 ပူးပေါင်းရင်းမြစ်များ

Matìyò 1:23

“Zə, əyi rɨkyerɨ mbaŋə̀ bɨrɨ bɔŋ ɨbum gywɨ wan mbaŋə̀, mbɨ chù əməd ni Imanuèl” əne yɨ ni, “Ŋwìə̀ wɨ mbɨ na.”

Lk 2:11

Tə̀chɔ̀ŋ wɔ̂, mbɨ fə gywɨ Wə̀d nɨə chɨ̀ə̀ bə̂d rəŋgəʼ ɨŋga əsɨ ze nɨ mbɨ nyaʼa gywɨ ɨfɔ̀n Dèvîd. Məd yɨə Kristo Ə̀nùŋɨ̀sɨg.

Jn 3:31

“Wə̀d we nɨ yeʼe rɨkaŋ ə chè bə̂d mɨjìm. We nɨ yeʼe rɨ ɨgwɨ ə si yɨə wə̀d rɨ ɨgwɨ ə si. Məd wɨə ghà àmei ɨnû rɨ ɨgwɨ ə si. Wə̀d we nɨ yeʼe rɨkaŋ ə chè bə̂d mɨ̀jìm.

Jn 6:33

Ŋgə̀ŋ ze nɨ Ŋwìə̀ ə nàʼə̀ yɨə məd we nɨ swiʼi rɨkaŋ. À yɨə məd we nɨ swiʼ rɨkaŋ ə nàʼ ɨ̀tènɨ̀ əmbɨ ə bə̂d ɨŋga ɨsɨg.”

Ɨ̀fàʼì 10:36

Mbə kyerɨ ɨŋgam we nɨ wɨ̀ nyaʼa tom əmbɨ mɨ̀Izre. Ɨŋgam we wɨə ghà ɨkə̂n chɔ̀m ɨmbə̀ʼ əbɔrəbɔd ze nɨ tɨ̀ chè ənjìm ə Yeso Kristo berɨ mbɨ ə Ŋwiə̀. Yeso Kristo yɨ Ə̀nùŋɨ̀sɨg ɨgwɨ ə bə̂d mɨ̀jìm.

1 Kɔrèn 15:45

Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ɨ̀tènɨ̀ wɨə nyaʼa ɨŋga Adàm nɨ nyaʼə wə̀d rɨtu.” Adàm we nɨ sɨ nwìə̀ yɨ Əzwî nɨə nàʼ ɨ̀tènɨ̀.

1 Kɔrèn 15:46

Kaʼi nyamnyod ze nɨ Əzwî ə yeʼ ɨŋga nɨ Ŋwìə̀ nyaʼa be tekɨ. Ŋwìə̀ nyaʼa bè tekɨ nyamnyod əgɔ̂, beenɨ tekɨ ze nɨ Əzwî ə yeʼ ɨŋga.

2 Kɔrèn 5:1

Tɨ̀ kyerɨ ni mbɨ mɨ sàʼ ɨŋwenɨ we nɨ tɨə chub ɨŋga ɨgwɨ ə si, əne yɨ a nyamnyod, njɨ tɨ̀ berɨ nəb ɨkaŋ nɨ à yɨə Ŋwiə̀ ziə korɨ, nɨ kaʼi bə̂d mɨ̀sɔŋɨchù korɨ. Nəb ze bɨrɨ ten i koŋ.

1 Timotì 3:16

Ənû ze nɨ yeʼ ənə̀mə nɨ Ŋwìə̀ ghɨ tɨ kyerɨ ɨchî nɨ tɨ̀ ben ə Kristo yɨ ni: Kristo nyaʼa nɨŋ nyamnyod wə̀d mɨ̀sɔŋɨchù yeʼe ɨŋga ɨsɨg, Əzwî ə Zeŋɨ ə nyaʼa chwi ni məd wɨə ghɨ̀ ɨnû nɨ kuʼnɨ, mbɨ̀aŋgɨrə̀ nyaʼa zə əməd, mbɨ nyaʼa gha ɨmbə̀ʼ əməd ɨŋga ɨbeŋ jìm, bə̂d rɨŋga ɨsɨg jìm fə nuŋ tə fîŋ ɨgwɨ məd, Ŋwiə̀ nyaʼa nɨŋ əməd ɨkaŋ əne nàʼ ɨwumnɨ ɨ bɔ.