1 Kɔrèn 15:32 - Meta’

³² À mɨ yeʼ ni mə kaŋ kə̀ʼ zɔ̀ŋ mbɨ ə “nyam rɨ tɔtɔ” ə Efesùs, ɨchî nɨ bə̂d mɨ̀sɔŋɨchù ə kɔndɨə, njɨ njìm nɨ mə̀ bɨrɨ jɨg kɨ ə ye ə? À mɨ yeʼ nɨ chəi Ŋwìə̀ bɨrɨ zwemnɨ bə̂d, njɨ tɨ̀ ghɨ ənû ze nɨ mbɨ ŋwaʼnɨ ni, “Tɨ̀ jɨg bə̀ nɔ, ɨmbə̀ʼ ɨghəm nɨ ɨsɔ tɨ̀ bɨrɨ kwɨ.”

Ikan feg

³² Àmə yaʼ ni gha mə yaya zɔ̀ŋɔ̀ tì nyàm tɔ tɔ a Efesùs, icheg ne wə̀d-aku kɔ̀ndi, nji chùd ne mə̀ biri jəg àkə iza? Àmə yaʼ ni gha chəyi Ŋwiye biri zwemni iwu bəd, nji tì we ghìyə̀ inug icheg ne Àŋwàʼrì Ŋwiye gha gha, “Tì jəg bə̀ no imbə̀ʼ icheg ne tì biri ku isu.”

1 Kɔrèn 15:32 ပူးပေါင်းရင်းမြစ်များ

Lk 12:19

Mə mɨ ghɨ̀ əne, mə bɨrɨ ghà əmbɨ mɨ nyamnyod ni, nyamnyod, à berɨ ɨghɨ nɨ nɔʼɔ, nɨ bɨrɨ nɨŋ əwe ɨghəm ɨwu nɔnɔʼ. Bɔtɨ e, jɨg e, nɔ e bə̀ ghaʼ e.'

Lk 9:25

Njìm ze nɨ wə̀d bɨrɨ jɨg kɨə ye, əwu ze nɨ wɨ̀ berɨ ɨsɨg wɔ̂ jìm, əne nim kɨ̀ sam i ɨ̀tènɨ̀ ə?

Ɨ̀fàʼì 18:19

Ənɨ mbɨ nyaʼa pe ə Efesùs, wɨ̀ nyaʼa sàŋ ə Prìsilà mbɨ Àkwilà əŋgu. Məd ziə nyaʼa wò nyɨ ɨŋga nəb ə̀kàtɨ̀ kɔ taŋɨ mbɨ mɨ̀Jû.

Ɨ̀fàʼì 18:21

Àyɨə ənɨ wɨ̀ nyaʼa sɨə wo ə, wɨ̀ nyaʼa kàʼ mɨ̀mə̌d ni, “Ŋwìə̀ mɨ benɨ, mə bɨrɨ wɨrɨ yeʼe əsɨ nən.” Ənɨ wɨ̀ nyaʼa ghà əne, wɨ̀ nyaʼa nyɨ əbaŋ ɨgyɨ̀ nɔʼ rɨ ə Efesùs.

Ɨ̀fàʼì 19:1

Ənɨ Àpolòs nyaʼə Kɔrèn, Pɔ̂l nyaʼa chè ətu ətu ɨŋga ɨsɨ mbe rɨŋga əbà əbeŋ ze wò ə Efesùs. Wɨ̀ nyaʼa pè zə bə̂d mɔʼɔ nɨ nyaʼa ben ə Kristo.

Rm 3:5

Mba ɨnû rɨbɔ̀ŋ mɨ yeʼə chwiə ni Ŋwìə̀ wɨə ghɨ̀ ɨnû nɨ kuʼnɨ, njɨ tɨ̀ kɨə wò ghà ni ye ə? Ni chəi Ŋwìə̀ ə ghɨ̀ ɨnû nɨ kuʼnɨ əwù ze nɨ wɨ̀ sə ɨtəm chə əwa ə? (Mə wɨə ghàm ɨchî nɨ bə̂d mɨ̀sɔŋɨchù ə ghàmə̀.)

Rm 6:19

Mə wɨə ghàm ənɨ ɨŋgam bə̂d mɨ̀sɔŋɨchù, ɨmbə̀ʼ ɨghəm nɨ mbə kɨrɨ bɔd. Ɨchî nɨ mbə̀ nyaʼa kweʼ nàʼ mbə ɨsɨ ɨnyod ənɨ ɨ̀bòʼò əmbɨ ɨnyɔɔnɨ-ɨnû bə̀ fɔrɨ əmbɨ ɨnû rɨbɔ̀ŋ nɔnɔʼ, əne tɨ̀nîn mbə̀ naʼ mbə ɨsɨ ɨnyod ənɨ ɨ̀bòʼò əmbɨ ɨnû nɨ təm kùʼnɨ̀, ɨmbə̀ʼ mbə̀ yeʼ bə̂d nɨ zeŋɨ.

1 Kɔrèn 16:8

Àyɨə rɨ̀nîn, mə bɨrɨ kɨrɨ chub ə Efesùs pè əni ə Pentekɔ̀s,

Gàlesìyà 3:15

Mbɨ bɔŋgɔb, mə bɨrɨ nɨŋ ənweenɨ rɨ ənɨ ɨnû mbe nɨ bə̂d mɨ̀sɔŋɨchù ə ghɨ̀ ɨni jìm: Bə̂d mɨ fə ben ənû ə mɔʼɔ, san fɨso, chəi wə̀d nɨ tɨ̀ wɨ̀ wɨrɨ ghà ni chəi ənɨ tɨ̀ fɨso fe təm, kɨ̀ nɨ tɨ̀ wɨ̀ yì ənû ə mɔʼɔ ənɨ fɨso fe.

2 Pità 2:12

Bə̂d mbɔ̂ mbɨə ghɨ̀ yeʼ ɨnû mbe nɨə kɔʼ ɨŋga fîŋ tɨ mɨ̀mə̌d. Chəi mbɨə kɔndɨ ɨnû bɔŋ ghɨ̀. Mbɨ yɨ ɨghabɨ ə nyam rɨ tɔtɔ nɨ mbɨ nyaʼa gywɨ mɨ̀mə̌d ni bə̂d gywɨ ə zwiirɨ. Ɨ mbɨə chəkɨ ɨnû mbe nɨ chəi mbɨ kyerɨ, əne mbɨ bɨrɨ bɨ zwiirɨ mɨ̀mə̌d ɨchî nɨ mbɨə zwiirɨə nyam rɨ tɔtɔ.

Jûd 1:10

Àyɨə bə̂d mbɔ̂ mbɨə ghàm ɨŋgam rɨbɔ̀ŋ ɨmbə̀ʼ ɨnû mɔʼɔ mbe nɨ chəi ɨtu mɨ̀mə̌d zeŋ ɨmbə̀ʼ mbɨwən. Ɨnû mbe nɨ mbɨ che kyerɨ kyerɨ mbɨə chə̀kɨ̀ mɨ̀mə̌d. Mbɨ yɨ ɨghabɨ ə nyam rɨ tɔtɔ nɨə ghɨ̀ ɨnû əbəŋ əbəŋ.