1 Kɔrèn 15:3 - Meta’

³ Ənû ə kyeŋ rɨtu ze nɨ mbɨ nyaʼa gha ɨ num, mə̀ nyaʼa bə̀ ghà ɨ nən. Ənû ze yɨ ni Kristo nyaʼa kwɨ ɨmbə̀ʼ mba ɨnû rɨbɔ̀ŋ, ɨchî nɨ mbɨ nyaʼa ŋwaʼnɨ ɨŋga Ə̀ŋwàʼnɨ̀ ə Ŋwiə̀.

Ikan feg

³ Anug kyen mbègtog ne mbi ya gha inum, mə̀ ya bə̀ ghà inən. Anug ze ya gha Kristo ya ku imbə̀ʼ ìmba inug tibɔ̀ŋ icheg ne mbi ya ŋwàʼri inga Àŋwàʼrì Ŋwiye.

1 Kɔrèn 15:3 ပူးပေါင်းရင်းမြစ်များ

Matìyò 26:24

Wan Wə̀d bɨrɨ kwɨ ɨchî nɨ mbɨ nyaʼa fə ŋwaʼnɨ ɨmbə̀ʼ əməd, àyɨə ŋgəʼ bɨrɨ nyɨ ɨgun ə wə̀d we nɨ fen əməd. À kɨ ənɨ chəi mbɨ nyaʼa kɨrɨ gywɨ əməd, njɨ zɨə bɔ̀ŋ.”

Matìyò 26:28

Əzɔ̂ yɨ mɨ ənəm nɨ Ŋwìə̀ fə nɨŋ san fɨso fi mbɨ nən. Ənəm zɔ̂ yɨ əze nɨ mbɨ chəmnɨ ɨmbə̀ʼ ɨtu bə̂d mɨ̀nɔnɔʼ, ɨmbə̀ʼ Ŋwìə̀ waʼ ɨnû rɨbɔ̀ŋ mɨ̀mə̌d.

Lk 24:25

Yeso nyaʼa zu əne ghà əmbɨ mɨ̀mə̌d ni, “Mbə yɨ ɨneŋ, mbə mbɨə jìŋgɨ̀ə̀ nɨ ben ɨnû jìm mbe nɨ bə̂d ɨ̀kə̀n Ŋwiə̀ nyaʼa fə ghǎ!

Jn 1:29

À nyaʼa əni ze nɨ beenɨ, Jɔ̌n we nɨ nyaʼə nàʼ mɨnib nyaʼa zə ə Yeso ənɨ nyaʼə yeʼe əsɨ məd. Əne wɨ̀ nyaʼa ghà ni, “Mbə̀ zə, wɔ̂ yɨə Wan njɨ̀g Ŋwìə̀. Məd wɨə ghɨ̀ ni Ŋwìə̀ waʼ ɨnû rɨbɔ̀ŋ bə̂d mbe rɨŋga ɨsɨg!

Ɨ̀fàʼì 17:2

Pɔ̂l nyaʼa wò nyɨ ɨŋga nəb ə̀kàtɨ̀ ze, ɨchî nɨ wɨ̀ nyaʼə mɨ̀ə̀ ghɨ̀ə̀. Ɨ wɨə nyaʼə tàŋ ɨŋgam Ŋwiə̀ ɨni ɨkwɨ tad mbɨ mɨ̀Jû mbe nɨ nyaʼa əŋgu.

Ɨ̀fàʼì 3:18

Àyɨə ənû ze nɨ Ŋwìə̀ nyaʼa che ənjìm mbi bə̂d ɨ̀kə̀n mɨjìm ghà rəŋwe ni Wə̀d məd we nɨ wɨ̀ zɔʼɔ berɨ zə ŋgəʼ, wɨ̀ fə ghɨ̀ zɨə jwɨ̀ ənɨ rəsìʼ.

Ɨ̀fàʼì 8:32

Əsɨ Ə̀ŋwàʼnɨ̀ ə Ŋwiə̀ ze nɨ wɨ̀ nyaʼə foŋə yɨ ni: “Məd yɨ ɨghabɨ njɨ̀g nɨ mbɨ nɨŋ ɨ wo kyemɨ, bə̀ fɔrɨ ɨghabɨ ə wan njɨ̀g nɨ kəm rəziə ənɨ mbɨə serə nyôŋ rɨ məd, əne chəi wɨ̀ nyaʼa fiʼ i ɨchû.

Rm 3:25

Ŋwiə̀ nyaʼa chà əməd ənɨ əghɨ ə̀fà ɨmbə̀ʼ ənəm əməd ə so mba ɨnû rɨbɔ̀ŋ ənjìm ɨchî nɨ tɨ̀ nuŋ fîŋ ɨgwɨ məd. Ŋwìə̀ nyaʼa chwi ənjìm ɨnyiʼ fîŋ ni tə wɨə ghɨ̀ ɨnû nɨ kuʼnɨ ɨchî nɨ chəi wɨ̀ nyaʼa chə bə̂d mbe nɨ nyaʼa be ghɨ̀ ɨnû rɨbɔ̀ŋ.

Rm 4:25

Ŋwiə̀ nyaʼa nàʼ əməd ni mbɨ zwiirɨ ɨmbə̀ʼ mba ɨnû rɨbɔ̀ŋ. Wɨ̀ nyaʼa bə̀ zwemnɨ əməd ɨmbə̀ʼ tɨ̀ təm kùʼnɨ̀.

1 Kɔrèn 11:2

Mə wɨə ben əwən ɨmbə̀ʼ ɨghəm nɨ mbə mbɨə kɔndɨ əmɨ ənɨ ɨnû jìm. Mə wɨə bə̀ ben əwən ni mbə mbɨə ghɨ̀ àmei ɨchî nɨ mə̀ nyaʼa chwi ɨ nən.

1 Kɔrèn 11:23

Ənû ze nɨ mə̀ nyaʼa zu rɨ əmbɨ Ə̀nùŋɨ̀sɨg ziə, à yɨ əzɨ əwən ze nɨ mə̀ nyaʼa gha ɨ nən. Ənû ze yɨ ni, ɨzimɨ we nɨ mbɨ nyaʼa fen Ə̀nùŋɨ̀sɨg Yeso, wɨ̀ nyaʼa nɨŋ chiŋ ŋgə̀ŋ,

2 Kɔrèn 5:21

Ŋwiə̀ nyaʼa ghɨ̀ ni Kristo yeʼ wə̀d ɨnû rɨbɔ̀ŋ nɨ chə nyaʼa i ənû rɨbɔ̀ŋ ɨgwɨ məd, ɨmbə̀ʼ ənɨ ɨfɔtɨ mbɨ məd, tɨ̀ we tɨ̀ rɨ təm kùʼnɨ̀ ɨfě Ŋwiə̀.

Gàlesìyà 1:12

Kaʼi wə̀d mɨ̀sɔŋɨchù mɔʼɔ nyaʼa gha ɨkə̂n chɔ̀m wɔ̂ ɨ num, kɨ̀ ni à yɨə wə̀d mɔʼɔ nyaʼa chwi ɨ num. À yɨə Yeso Kristo ziə nyaʼa chwi ɨ num.

Gàlesìyà 1:4

Yeso Kristo nyaʼa nàʼ i ɨnyod ənɨ əghɨ ə̀fà ɨmbə̀ʼ mba ɨnû rɨbɔ̀ŋ. Wɨ̀ nyaʼa ghɨ̀ əne ɨmbə̀ʼ chɨ əwa rɨŋga ɨsɨg wɔ̂ nɨ ɨnû rɨbɔ̀ŋ swi ɨŋga. Wɨ̀ nyaʼa ghɨ̀ əne ɨchî nɨ Ŋwìə̀ a Mbǎʼ nyaʼa kə̀bɨ.

Gàlesìyà 3:13

Kristo nyaʼa choʼ mba ɨtu tɨ ənɨ ə ndɔ̀n ze nɨ rɨkə nyaʼa zɨ ɨgwɨ na. Wɨ̀ nyaʼa ghɨ̀ əne ɨchî nɨ wɨ̀ nyaʼa beʼ ndɔ̀n ɨmbə̀ʼ əwa. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Ndɔ̀n zɨ ɨgun ə wə̀d jìm we nɨ mbɨ tiŋ əməd ɨkaŋ əzed.”

Efesùs 1:7

Ŋwìə̀ fə choʼ mba ɨtu ənjìm ənəm ə Kristo ze nɨ wɨ̀ nyaʼa chəmnɨ əzed ə baʼnɨ. Wɨ̀ fə bə̀ waʼ mba ɨgu ənû ənjìm ɨ̀chɔ̀m məd we nɨ kaŋ nɔʼ.

Efesùs 5:2

Mbə̀ ghaʼ mbə bɔŋgɔb ɨchî nɨ Kristo ghaʼ əwa əne kwɨ ɨgwɨ mba ɨtu. Məd yɨ ɨghabɨ əghɨ ə̀fà nɨə nyùʼrɨ ɨfɔ chɔ̀m. Məd yɨə bə̀ ɨghabɨ ɨchəmnɨ nɨ mbɨə naʼ əmbɨ ə Ŋwiə̀.

Mə̀Hibrù 5:1

Ɨ mbɨə chɔʼ ɨtu jìm ɨgwɨ ə bə̂d mbàn Ŋwìə̀ rəkaʼ bə̂d məd. Ɨ mbɨə chɔʼə mɨ̀mə̌d ni mbɨ faʼ əmbɨ ə Ŋwiə̀ dè ətu bə̂d mbe. Ɨ wɨə nàʼ ɨchəmnɨ bə̀ nàʼ ɨghɨ ə̀fà əmbɨ ə Ŋwiə̀ ɨgwɨ ɨnû rɨbɔ̀ŋ mɨ̀mə̌d.

Mə̀Hibrù 5:3

Ɨchî nɨ zɨə yeʼ əne, wɨ̀ berɨ naʼ ɨghɨ ə̀fà ɨmbə̀ʼ mbi ɨnû rɨbɔ̀ŋ bə̀ nàʼ ɨmbə̀ʼ mbɨ bə̂d cherə.

1 Pità 1:11

Mbɨ nyaʼa bə̀ jeŋgɨ nwèndɨ̀ ɨnû ze nɨ Əzwî ə Kristo ze nɨ yeʼ ɨŋga mɨ̀mə̌d ə nyaʼa be ghà əmbɨ mɨ̀mə̌d ɨmbə̀ʼ ɨchî nɨ Kristo nyaʼa wo zə ŋgəʼ. Mbɨ nyaʼa bə̀ jeŋgɨ nwèndɨ̀ ɨwumnɨ kyeŋ we nɨ wɨ̀ nyaʼa wo berɨ. Mbɨ nyaʼa bə̀ jeŋgɨ nwèndɨ̀ ɨmbə̀ʼ wə̀d we məd yeʼ wɨwən bə̀ nwèndɨ̀ ə nyùmə̀ we nɨ ɨnû mbe bɨrɨ ghɨ̀.

1 Pità 2:24

Kristo ziə nyaʼa beʼ mba ɨnû rɨbɔ̀ŋ ɨŋga i ɨnyod ənɨ wɨ̀ nyaʼa əzed ə baʼnɨ. Wɨ̀ nyaʼa ghɨ əne ɨmbə̀ʼ tɨ rɨ̀ wɨrɨ ghɨ a ɨnû rɨbɔ̀ŋ. Tɨ̀ sɨə chub àmei ɨchî nɨ kuʼnɨ. Ɨna mbe nɨ nyaʼa ɨgwɨ məd fə ghɨ mbə bɔtɨ.

1 Pità 3:18

Kristo nyaʼa kwɨ ɨmbə̀ʼ ɨnû rɨbɔ̀ŋ fən ɨghəm mɔʼ. Wə̀d nɨ nyaʼə ghɨ̀ ɨnû nɨ kuʼnɨ nyaʼa kwɨ ɨgwɨ ətu ə bə̂d mbe nɨə ghɨ̀ ɨnû rɨbɔ̀ŋ, ɨmbə̀ʼ wɨ nɨŋ əwa wò əsɨ ə Ŋwiə̀. Mbɨ nyaʼa zwiirɨ nyamnyod məd, àyɨə Əzwî ə Ŋwiə̀ ə nyaʼa ghɨ̀ wɨ̀ wɨrɨ chub ɨka.

1 Jɔn 2:2

Məd yɨ əghɨ ə̀fà ze nɨ Ŋwìə̀ che ənjìm məd waʼ mba ɨnû rɨbɔ̀ŋ. Ka wɨ̀ bɨrɨ waʼ i àmei mba ɨnû rɨbɔ̀ŋ, wɨ̀ bɨrɨ bɨ waʼ mbɨ bə̂d mɨ̀jìm rɨŋga ɨsɨg.

Ɨnû 1:5

Yeso Kristo we nɨə ghà rəsìʼ, nɨ yeʼ wə̀d rɨtu nɨ nyaʼa zwemə mbɨ ni à yɨə məd ə tùmbɨ̀ mɨfɔ̂n mɨ̀jìm rɨ ɨgwɨ ə si, ghɨ ɨ̀chɔ̀m ənɨ ə nən bə̀ nàʼ əbɔrəbɔd ɨ nən. Yeso ə ghaʼ əwa, əne wɨ̀ nyaʼa chè ənjìm ənəm ze nɨ wɨ̀ nyaʼa chəmnɨ, chɨ̀ əwa rɨ əton ɨka we nɨ ɨnû rɨbɔ̀ŋ berɨ ɨgwɨ na.