1 Kɔrèn 14:26 - Meta’

²⁶ Mbɨ bɔŋgɔb, tɨ̀ gha ni yè ə? Ənɨ mbə̀ bomnɨ, wə̀d mɔʼɔ naʼ ɨkyî, wɨ cherə chwi ənû, wɨ cherə gha ənû ze nɨ Ŋwìə̀ gha ɨ bɔ, wɨ cherə gham ɨŋgam rɨsɔ̀ʼɔ̀, wɨ cherə toʼrɨ ɨŋgam we. Mbə̀ sɨə ghɨ̀ ɨnû jìm ɨmbə̀ʼ mbə̀n mɨjìm təm kàànɨ̀.

Ikan feg

²⁶ Ìmbum məfi fɔrɔ ìtum njàbi, tì kə ywìrè gha? Anyumə̀ ne mbə̀ fɔti asiŋi afibì ni ghumni Ŋwiye; Wə̀d ne beri ikyeg wì zəʼə. Wə̀d ne beri ikə wì naʼa. Wə̀d ne beri anug ne Ŋwiye chwi ibo, wì toʼro. Wə̀d ne chàʼrà Ŋwiye ane tìngam iben ndəŋ, wì chaʼra. Wə̀d ne tòʼrò tìngam te, wì toʼro. Inug mbo̰ ijìm mənyìʼ yaʼ ni ghì gha bəd inga ifeti bəd Ŋwiye mbe təm kà.

1 Kɔrèn 14:26 ပူးပေါင်းရင်းမြစ်များ

Rm 1:13

Mbɨ bɔŋgɔb, mə kə̀b ni mbə̀ kyerɨ ni mə wɨə nyaʼə kàŋə̀ kə̀b nɨ yeʼe əsɨ nən ɨghəm nɔnɔʼ, àyɨə ɨnû mɔʼɔ nyaʼa kən əmɨ. Mə nyaʼa kəb yeʼe ɨmbə̀ʼ mə̀ ghɨ ni bə̂d mɔʼɔ rəkaʼ nən ben ə Ŋwiə̀, àmei ɨchî nɨ mə nyaʼa bə̀ ghɨ̀ əkaʼ bə̂d cherə mbe nɨ kaʼi mɨ̀Jû.

Rm 12:7

Ɨneʼe wə̀d mɔʼɔ mɨ yeʼ ni wɨ̀ faʼa, wɨ̀ bə fàʼ. Ɨneʼe wə̀d mɔʼɔ mɨ yeʼ ni wɨ̀ chwi ənû, wɨ̀ bə chwiə.

Rm 14:19

Əne tɨ̀ beenɨ əbɔʼ ɨnû mbe nɨə ghɨ̀ ni tɨ̀ chub ənɨ əbɔrəbɔd, bə̀ beenɨ yeʼ əbɔʼ mbe nɨə ghɨ̀ ni tɨ̀ təm kàànɨ̀ ɨnɔ̂n.

Rm 15:2

Wə̀d mɔʼ mɔʼ rəbɔʼ na zə ni fîŋ aŋgɔb məd bɔŋ ɨmbə̀ʼ wɨ̀ chub ɨchî chɔ̀m. Wɨ̀ bə̀ ghɨ̀ ni ɨbenɨ məd kaanə.

1 Kɔrèn 14:15

Əne, mə̀ kɨə wò ghɨ ye ə? Mə bɨrɨ kɔŋgɨ ə Ŋwiə̀ ənɨ mɨ əzwî bə̀ kɔ̀ŋgɨ̀ əməd ɨŋga mɨ fîŋ. Mə bɨrɨ kwerɨ mɨkyî nɨ yiirɨ ə Ŋwiə̀ ənɨ mɨ əzwî bə̀ kwerɨ mɨkyî nɨ yiirɨ əməd ɨŋga mɨ fîŋ.

1 Kɔrèn 14:2

Chəi wə̀d mɔʼɔ we nɨə ghàm ɨŋgam rɨsɔ̀ʼɔ̀ ə ghàm əmbɨ ə bə̂d. Ɨ wɨə ghàmə̀ yeʼ əmbɨ ə Ŋwiə̀, ɨmbə̀ʼ ɨghəm nɨ chəi wə̀d cherə kyerɨ ənû ze nɨ wɨə ghàə̀. À yɨ Əzwî ə Zeŋɨ ə ghɨ ni wɨ̀ gha ɨnû mbe nɨ yeʼ ənə̀mə.

1 Kɔrèn 14:27

Wə̀d mɔʼɔ mɨ kə̀b gham ɨŋgam rɨsɔ̀ʼɔ̀, mbɨ yeʼ àmei mɨbe, kɨ̀ mbɨ mɨ nɔʼ, mbɨ yeʼ mɨtad. Wə̀d mɔʼ mɔʼ ghamə nàʼ əpan əmbɨ wɨ cherə. Wə̀d cherə toʼrɨ mɨŋgam mbe.

1 Kɔrèn 14:40

Mbə̀ ghɨ ɨnû jìm ɨchî nɨ kuʼnɨ bə̀ beenɨ əbɔʼ ɨwaŋ ɨnû.

2 Kɔrèn 12:19

Mbə mbɨə wa kə̀ʼə̀ kɔndɨə ni ənɨ ə nyùmə̀ wɔ̂ jìm, tɨ̀ wɨə kə̀ʼə̀ chɨ̀ ɨnû rɨ ɨgwɨ na ɨfě nən ə? Tɨ wɨə kə̀ʼə̀ ghàm ɨfě Ŋwiə̀ ɨghabɨ ə bə̂d nɨ yeʼ ənɨ ɨfɔtɨ mbɨ Kristo. Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨghɨjìm mbe nɨ tɨə ghɨ̀ə̀ yɨ nɨ ghɨ ni mbə̀ təm kàànɨ̀.

2 Kɔrèn 13:10

Mə wɨə ŋwaʼnɨ ɨnû mbɔ̂ nɨ chəi əmɨ mbɨ nən, ɨmbə̀ʼ ənɨ mə̀ yeʼe, chəi mə bɨrɨ nɨŋ ɨka we nɨ Ə̀nùŋɨ̀sɨg naʼ ɨ num nya əbɔʼ nən. Ɨka we yɨ nɨ ghɨ ni mbə̀ təm kàànɨ̀, kaʼi nɨ ghɨ ni mbə̀ bɔd.

Efesùs 4:12

Wɨ̀ nyaʼa ghɨ əne, ɨ tekɨ bə̂d Ŋwiə̀ ni mbɨ faʼ ɨ bɔ, ɨmbə̀ʼ nyamnyod Kristo kwi

Efesùs 4:16

À yɨ əton məd nɨ ɨsɨ ɨnyod jìm fɔtɨ ghɨ̀ nyamnyod mɔʼ. Tɨnyê tɨə ghɨ̀ ni ɨsɨ ɨnyod jìm fɔtɨ. Əsɨ ɨnyod ə mɔʼ ə mɨ yeʼə fàʼ ɨchî chɔ̀m, ɨghaʼi bɨrɨ ghɨ ni ɨnyod jìm sɨə kwiə wò ɨmbì.

Efesùs 4:29

Tɨ ɨŋgam rɨbɔ̀ŋ mɔʼɔ jwɨ i rɨŋga mbə mɨchû. Mbə̀ gha àmei ɨnû mbe nɨ bɔŋɨ, nɨ tɨ̀ mbɨ weerɨ bə̂d ɨchî nɨ mbɨ kəbɨ. Ənû mbe nɨ mbə̀ə ghàə̀ berɨ ghɨ ni bə̂d mbe nɨə zuə zə ɨ̀chɔ̀m.

Efesùs 5:19

Mbə̀ kwerɨ mɨkyî əkaʼ nən ənɨ mɨ̀sâm, kwerɨ mɨkyî nɨ yiirɨ ə Ŋwiə̀ bə̀ kwerɨ mɨkyî nɨ nɔʼ rɨ əmbɨ Əzwî. Mbə̀ kwerɨ mɨkyî yiirɨ Ə̀nùŋɨ̀sɨg ɨŋga tə fîŋ.

1 Tèsàlonikà 5:11

Əne mbə̀ timbɨ mbə bɔŋgɔb, ghɨ̀ ni ɨbenɨ wə̀d mɔʼ mɔʼ təm kàànɨ. Mbə̀ ghɨ əne àmei ɨchî nɨ mbə̀ə ghɨ̀ rɨ̀nîn.