1 Kɔrèn 14:12 - Meta’

¹² À yɨ bə̀ əndəŋ əndəŋ mbɨ nən. Ɨchî nɨ mbə̀ə kàŋə̀ kə̀b nɨ berɨ mɨneʼe mbe nɨ Əzwî ə Zeŋɨ ə nàʼə̀, əne mbə̀ kywɨ ənywɨ zə ni mbə̀ berɨ mɨneʼe mbe nɨə ghɨ̀ ni ɨfetɨ bə̂d Kristo təm kàànɨ̀.

Ikan feg

¹² Icheg ne mbə̰ mbe kə̀bə̀ ni beri tineʼi te ne Azwighi Ŋwiye ze nàʼà, mbə̀ kirə ika ijìm ni taŋ bèrì yaʼ tineʼi te ne biri wètì gha ifeti bəd Kristo ijìm təm kà.

1 Kɔrèn 14:12 ပူးပေါင်းရင်းမြစ်များ

Rm 14:19

Əne tɨ̀ beenɨ əbɔʼ ɨnû mbe nɨə ghɨ̀ ni tɨ̀ chub ənɨ əbɔrəbɔd, bə̀ beenɨ yeʼ əbɔʼ mbe nɨə ghɨ̀ ni tɨ̀ təm kàànɨ̀ ɨnɔ̂n.

1 Kɔrèn 12:31

Mbə̀ kaŋ kə̀b yeʼ mɨneʼe mbe nɨ chè mbɔ̂. Mə bɨrɨ chwi ɨnə̂njɨ̀ ɨ nən nɨ bɔŋ chè mɨnə̂njɨ̀ jìm.

1 Kɔrèn 12:7

Ŋwìə̀ wɨə chwiə ni e Əzwî ə zɨ ɨŋga wə̀d mɔʼ mɔʼ, ɨmbə̀ʼ təŋgàŋ weerɨ bə̂d mɨ̀jìm.

1 Kɔrèn 14:1

Mbə̀ kywɨ ənywɨ zə ni ɨghaʼi yeʼ əghɨ ze nɨə tin əwən wò ɨmbì. Mbə̀ jeŋgɨ kə̀b yeʼ mɨneʼe mbe nɨ Əzwî ə Zeŋɨ ə nàʼə̀, màànɨ̀ ɨneʼe nɨ gha ɨkə̂n Ŋwiə̀.

1 Kɔrèn 14:13

Əne, wə̀d we nɨə ghàm ɨŋgam rɨsɔ̀ʼɔ̀ berɨ kɔŋgɨ ə Ŋwìə̀ ni wɨ̀ naʼ ɨka ɨ bɔ ni wɨ̀ toʼrɨ ɨnû mbe nɨ wɨə ghàə̀,

1 Kɔrèn 14:26

Mbɨ bɔŋgɔb, tɨ̀ gha ni yè ə? Ənɨ mbə̀ bomnɨ, wə̀d mɔʼɔ naʼ ɨkyî, wɨ cherə chwi ənû, wɨ cherə gha ənû ze nɨ Ŋwìə̀ gha ɨ bɔ, wɨ cherə gham ɨŋgam rɨsɔ̀ʼɔ̀, wɨ cherə toʼrɨ ɨŋgam we. Mbə̀ sɨə ghɨ̀ ɨnû jìm ɨmbə̀ʼ mbə̀n mɨjìm təm kàànɨ̀.

1 Kɔrèn 14:5

Mə kə̀b ni mbə̀n mɨ̀jìm gham mɨŋgam rɨsɔ̀ʼɔ̀, àyɨə ənû nɨ mə jeŋgɨ kə̀b yɨ ni mbə̀ gha ɨkə̂n Ŋwiə̀. Wə̀d we nɨə ghà ɨkə̂n Ŋwiə̀ ə chè we nɨə ghà ɨŋgam rɨsɔ̀ʼɔ̀, kɨrɨ ənɨ wə̀d mɔʼɔ yeʼ əŋgu nɨə tòʼrɨ̀ ɨŋgam we. Wɨ̀ berɨ toʼrɨ ɨmbə̀ʼ ɨfetɨ bə̂d Kristo jìm təm kàànɨ̀.

Tayitùs 2:14

Yeso Kristo nyaʼa nàʼ i ɨnyod ɨmbə̀ʼ choʼ mba ɨtu tɨ ənɨ ɨnû rɨbɔ̀ŋ jìm. Wɨ̀ nyaʼa bə̀ nàʼ ɨmbə̀ʼ zeŋɨ əwa ni tɨ̀ yeʼ bə̂d nɨə zɨ̀ ətu nɨ ghɨ ɨnû chɔ̀m.