Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Kɔrèn 12:10 - Meta’

10 Ŋwìə̀ wɨə nàʼ ɨka əmbɨ wə̀d mɔʼ ni wɨ̀ ghɨ ɨnû yiirɨ. Ɨ wɨə nàʼ ɨneʼe əmbɨ wɨ cherə ni wɨ̀ gha ɨkə̂n Ŋwiə̀. Ɨ wɨə nàʼ ɨneʼe əmbɨ wɨ cherə ni wɨ̀ kyerɨ ɨkwepɨ rəbɔʼ mɨneʼe mbe nɨ Əzwî ə Zeŋɨ ə nàʼ rəbɔʼ mbe nɨ chəi Əzwî ə Zeŋɨ ə nàʼə̀. Ɨ wɨə nàʼ ɨneʼe əmbɨ wɨ cherə ni wɨ̀ gham mɨŋgam tɨkwɨrɨkwɨ. Ɨ wɨə bə̀ nàʼ ɨneʼe əmbɨ wɨ cherə ni wɨ̀ toʼrɨ mɨŋgam mbe.

အခန်းကိုကြည့်ပါ။ ကော်ပီ

Ikan feg

10 Azwighi Ŋwiye ze nàʼà ika ni fàʼ iyeti inug abə wə̀d imɔʼ. À ya àzewən ze bə̀ nàʼà ika abə wə̀d ndəŋ ni ghà ikən Ŋwiye. À ya Azwighi Ŋwiye ze bə̀ nàʼà ika abə wə̀d imɔʼ gha wì kyeri icha ne yaʼi inga azwighi chɔm tì azwighi tibɔ̀ŋ. À ya Azwighi Ŋwiye ze amɔʼ ze bə̀ nàʼà ika ni ghàm tìngam iben ndəŋ abə wə̀d imɔʼ. À ya bə̀ məyi Azwighi Ŋwiye ze amɔʼ ze nàʼà ika ni tòʼrì anug ne mbi gha inga tìngam iben ndəŋ abə wə̀d ndəŋ.

အခန်းကိုကြည့်ပါ။ ကော်ပီ




1 Kɔrèn 12:10
38 ပူးပေါင်းရင်းမြစ်များ  

Bə̂d mbe nɨ benɨ bɨrɨ ghɨ ɨnweenɨ-ɨnû mbɔ̂: mbɨ bɨrɨ chɨ ɨzwî rɨbɔ̀ŋ rɨŋga bə̂d ənɨ mɨ ɨkum; mbɨ bɨrɨ gham mɨŋgam rɨsɔ̀ʼɔ̀;


Mə̀mə̀ə̀nɨ̀-ɨnû mbe nyaʼa jwɨ̀ wò ghà ɨkə̂n chɔ̀m we ɨsɨ jìm. Ə̀nùŋɨ̀sɨg nyaʼə fàʼə̀ mbɨ mɨ̀mə̌d. Wɨ̀ nyaʼa bə̀ ben ni ɨnû mbe nɨ mbɨ nyaʼə ghàə̀ yɨ ɨnû rəsìʼ ɨchî nɨ mbɨ nyaʼə ghɨ̀ ɨnû yiirɨ. À yɨ əne.


Mbə̀ zə, mə bɨrɨ cha əghɨ ze nɨ mɨ Mbǎʼ kaʼ ɨ nən. Àyɨə mbə̀ chub ə Jèrusalèm pè ənɨ Ŋwìə̀ naʼ ɨka nən.”


Mə ghà rəsìʼ ɨ nən ni wə̀d we nɨ ben ɨnû mbe nɨ mɨə ghàə̀ bɨrɨ bɨ ghɨ ɨnû mbe nɨ mɨə ghɨ̀ə̀. Məd bɨrɨ ghɨ ɨnû nɨ che mbɔ̂, ɨmbə̀ʼ ɨghəm nɨ mə wɨə wò əsɨ Mbǎʼ.


Ənɨ Əzwî ze nɨə ghɨ̀ ni bə̂d kyerɨ rəsìʼ ə yeʼe, wɨ̀ bɨrɨ chwi rəsìʼ jìm ɨ nən. Ka wɨ̀ bɨrɨ gham i ənɨ i ɨghəm. Wɨ̀ bɨrɨ ghà yeʼ ənû ze nɨ wɨ̀ zǔ. Wɨ̀ bɨrɨ zeŋnɨ mbə ɨtu ɨmbə̀ʼ ɨnû mbe nɨ yeʼ ɨmbì.


Àyɨə mbə bɨrɨ berɨ ɨka ənɨ Əzwî ə Zeŋɨ ə fə nyɨ ɨgwɨ nən. Əne mbə bɨrɨ sɨ yeʼ bə̂d nɨə ghà ɨnû ɨmbə̀ʼ əmɨ ɨŋga Jèrusalèm, ɨŋga ɨsɨ jìm mbe rɨ ə Jùdeyà, bə̀ fɔrɨ ɨŋga ɨsɨ jìm mbe rɨ ə Sàmàriyà, əne əne wò pè ɨnwǐ ɨsɨg.”


À nyaʼa ənɨ ə nyùmə̀ we, bə̂d ɨ̀kə̀n Ŋwiə̀ mɔʼɔ nyaʼa nɔ̀ʼ rɨ ə Jèrusalèm swiʼi wò ə Antiɔ̀k.


Əzwî ə Zeŋɨ ə nyaʼa ghɨ̀ ni wɨ mɔʼɔ rəbɔʼ mɨ̀mə̌d, nɨ ɨkum məd nyaʼə Agabùs, nɔʼ təm rətiə ghà ni njì kǎ kǎ bɨrɨ nyɨ ɨŋga ɨsɨg jìm. (Ənû zɔ̂ ə nyaʼa ghɨ̀ ənɨ ə nyùmə̀ we nɨ Klodiùs nyaʼə tùmbɨ̀ ɨbeŋ jìm mbe nɨ məRom nyaʼa maʼ bid baŋ ə).


Ənɨ Pɔ̂l nyaʼa zab mbi ɨbɔ ɨgwɨ mɨ̀mə̌d, Əzwî ə Zeŋɨ ə nyaʼa yeʼe ɨgwɨ mɨ̀mə̌d, mbɨ kɔ gham mɨŋgam rɨsɔ̀ʼɔ̀, bə̀ kɔ ghà ɨkə̂n Ŋwiə̀.


Ənɨ wɨ̀ nyaʼa nùŋ əne, Pità nyaʼa biirɨ ɨ bɔ ni, “Ànàniàs, əton nɨ à saŋ ni Satàn nyɨ ɨŋga e fîŋ ghɨ̀ ni à ghà mɨghab əmbɨ Əzwî ə Zeŋɨ, əne nùŋ əba rɨ ənɨ ɨkab we nɨ à fen əsɨ ə si ze, kɨ ɨmbə̀ʼ ə yè ə?


Tɨ̀ berɨ mɨneʼe nɨ kwepə beenɨ əbɔʼ ɨchî nɨ Ŋwìə̀ ghɨ ɨ̀chɔ̀m ənɨ ə na. Ɨneʼe wə̀d mɔʼɔ mɨ yeʼ ni wɨ̀ zu ɨkə̂n Ŋwiə̀ ghà, wɨ̀ gha ɨchî nɨ ɨbenɨ məd chwiə.


ənjìm ɨnweenɨ-ɨnû nɨ kaanɨ, ənjìm ɨnû yiirɨ bə̀ fɔrɨ ənjìm ɨka we nɨ Əzwî ə Ŋwiə̀ ə nàʼə̀. Əne mə fə ghà ɨkə̂n chɔ̀m ɨmbə̀ʼ ə Kristo ɨŋga ɨsɨ jìm, kɔ rɨ ə Jèrusalèm kad wò pè əbà əbeŋ ze rɨ ə Ilirikùm.


Mbaŋə̀ jìm ze nɨ zɨ əghɨ ə mɔʼɔ kubrɨ e ətu ənɨ wɨə kɔ̀ŋgɨ̀ ə Ŋwiə̀ kɨ̀ ənɨ wɨə ghà ɨkə̂n Ŋwiə̀ wɨə tìbrɨ̀ ə Kristo nɨ yeʼ ətu ɨgwɨ məd.


Chəi ɨghaʼi ə nɔ mìə̀. À yeʼ ɨmbə̀ʼ ənû nɨ gha ɨkə̂n Ŋwìə̀, zɨə bɨrɨ nwìə̀. À yeʼ ɨmbə̀ʼ ənû nɨ gham mɨŋgam rɨsɔ̀ʼɔ̀, zɨə bɨrɨ nwìə̀. À yeʼ ɨmbə̀ʼ ənû nɨ berɨ ɨwe, zɨə bɨrɨ bɨ nwìə̀.


Əne, wə̀d we nɨə ghàm ɨŋgam rɨsɔ̀ʼɔ̀ berɨ kɔŋgɨ ə Ŋwìə̀ ni wɨ̀ naʼ ɨka ɨ bɔ ni wɨ̀ toʼrɨ ɨnû mbe nɨ wɨə ghàə̀,


Əne, kyɨə bɔŋgɔb, mbə̀ kaŋ zɨ̀ ətu nɨ zə ni mbə̀ ghà ɨkə̂n Ŋwiə̀, àyɨə tɨ mbə̀ təmnɨ ə ənû nɨ gham mɨŋgam rɨsɔ̀ʼɔ̀.


Ŋwìə̀ we nɨ naʼ Əzwî ɨ nən bə̀ faʼ ɨnû yiirɨ əkaʼ nən wa nyaʼa ghɨ əne ɨmbə̀ʼ ɨchî nɨ mbə̀ nyaʼa ghɨ ɨnû mbe nɨ yeʼ ɨŋga rɨ̀kə̌, kɨ̀ ɨmbə̀ʼ ɨchî nɨ mbə̀ nyaʼa ben ənû ze nɨ mbə̀ nyaʼa zu ə?


Tɨ mbə̀ təənɨ ə mɨkə̂n mbe nɨ bə̂d ə ghàə̀,


Ŋwìə̀ nyaʼa bə̀ chwiə ni ɨkə̂n we nɨ mbɨ̀aŋgɨrə̀ nyaʼa gha yɨ wɨ rəsìʼ, ɨchî nɨ wɨ̀ nyaʼa ghɨ̀ ɨnweenɨ-ɨnû, ghɨ̀ ɨnû nɨ chè bə̂d bə̀ ghɨ̀ ɨnû yiirɨ tɨkwɨrɨkwɨ. Wɨ̀ nyaʼa bə̀ ghàpɨ̀ mɨneʼe mbe nɨ Əzwî ə Zeŋɨ ə nàʼə̀. Wɨ̀ nyaʼa ghɨ̀ əne ɨchî nɨ wɨ̀ nyaʼa kəbɨ.


Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ ben ə wə̀d jìm we nɨ gha ni Əzwî ə Ŋwiə̀ ə zɨ ɨŋga məd, àyɨə mbə̀ zweʼrɨ ɨzwî jìm ɨmbə̀ʼ zə ni mbɨ yɨ rɨ əmbɨ ə Ŋwiə̀ kɨ̀ chə, ɨmbə̀ʼ ɨghəm nɨ bə̂d ɨ̀kə̀n mɨghab nɔnɔʼ fə jàŋ ɨŋga ɨsɨg.


Mə kyerɨ ɨnû mbe nɨ àwɔ̀ ə ghɨ̀ə̀. Mə kyerɨ ɨchî nɨ à fə fàʼi rɨkǎ bə̀ kyerɨ ɨchî nɨ à fə nyiʼ əton ə ŋgəʼ. Mə kyerɨ ni chəi à ghaʼ nɨ zə bə̂d mbe nɨə ghɨ̀ ɨnû rɨbɔ̀ŋ bə̀ kyerɨ ni à fə kwàʼnɨ̀ bə̂d mbe nɨə ghàə̀ ni mbə̀ yɨə bə̂d tom àyɨə kaʼi mbɨwən, əne zə ni mbɨ yɨə bə̂d mɨghab.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ