1 Kɔrèn 10:14 - Meta’

¹⁴ Əne mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ ton ənû nɨ wumnɨ mbɨ̀anèŋ.

Ikan feg

¹⁴ Icheg ne ze yaʼ ane, ìmbum mə̀sə̀ʼ ne mə̀ taŋ kɔ̀ŋ, mbə̀ to̰ awən anug ni ghumni mə̀ŋwiye.

1 Kɔrèn 10:14 ပူးပေါင်းရင်းမြစ်များ

Ɨ̀fàʼì 15:20

Àyɨə tɨ̀ ŋwaʼnɨ əmbɨ mɨ̀mə̌d ni tɨ mbɨ jɨg ə tɨjɨg te nɨ mbɨ naʼ ənɨ əghɨ ə̀fà əmbɨ mbɨ̀anèŋ, ni tɨ mbɨ ghɨ̀ ə ɨfabrɨ-ɨnû, ni tɨ mbɨ kud ə nyam te nɨ mbɨ sweenɨ mbɨ ni tɨ mbɨ jɨg ə ənəm.

Rm 12:19

Mbɨ bɔŋgɔb nɨ mə̀ ghaʼi kwàʼ rɨŋgəʼ, tɨ mbə̀ wi ə pə̀n, àyɨə mbə saŋ ənû nɨ wi pə̀n əmbɨ ə Ŋwiə̀, ɨmbə̀ʼ ɨghəm nɨ ə zɨ ɨŋga Ə̀ŋwàʼnɨ̀ ə Ŋwiə̀ ni, Ə̀nùŋɨ̀sɨg ə ghà ni, “À yɨ mɔ̌ ə wìə̀ pə̀n. Mə bɨrɨ wì.”

1 Kɔrèn 10:15

Mə wɨə ghà əmbɨ ə bə̂d nɨ berɨ ɨwe ni: Mbə̀ kwaʼnɨ mbə ɨtu ɨmbə̀ʼ ənû zɔ̂ nɨ mə̀ bɨrɨ gha ɨ nən.

1 Kɔrèn 10:19

Mə̀ kɨ əni ghàə̀ ni yè ə? Mə kɨ əni ghàə̀ ni ɨghɨ mbe nɨ mbɨ naʼ ənɨ ɨghɨ ə̀fà əmbɨ mbɨ̀anèŋ yɨ ɨghɨ ə mɔʼɔ ə, kɨ̀ ni anèŋ yɨ əghɨ ə mɔʼɔ ə?

1 Kɔrèn 10:7

Tɨ mbə̀ wumnɨ ə mbɨ̀anèŋ, ɨchî nɨ mɨ̀mə̌d mɔʼɔ nyaʼə wumnɨə. Ə zɨ ɨŋga Ə̀ŋwàʼnɨ̀ ə Ŋwiə̀ ni, “Bə̂d mbe nyaʼa chub ə si ɨ jɨg bə̀ nɔ. Mbɨ nyaʼa ghɨ̀ əne, nɔ̀ʼ kɔ binɨ.”

1 Kɔrèn 5:11

Àyɨə rɨ̀nîn, mə wɨə ŋwàʼnɨ̀ ɨ nən yeʼ ni tɨ mbə̀ jɨg ə̀sə̀ʼ mbɨ wə̀d mɔʼɔ we nɨ gha ni tə ben ə Kristo, àyɨə ɨ wɨə kɨrɨ ghɨ ɨfabrɨ-ɨnû, kɨ̀ ɨ wɨə ghɨ̀ əjə, kɨ̀ ɨ wɨə wumnɨ mbɨ̀anèŋ, kɨ̀ ɨ wɨə chə̀kɨ̀ rɨkum bə̂d, kɨ̀ ɨ wɨə nɔə beə, kɨ̀ ɨ wɨə jɨə. Tɨ mbə̀ be jɨg ə mbɨ ɨkwɨ wə̀d wɔ̂.

2 Kɔrèn 11:11

Əton kɨ ni ye ə? À kɨ ɨmbə̀ʼ ɨghəm nɨ chəi mə̀ ghaʼ əwən ə? Ŋwìə̀ ə kyerɨ ni mə ghaʼ əwən.

2 Kɔrèn 12:15

Mə bɨrɨ kaŋ ghaʼ nɨ naʼ ɨghɨjìm mbe nɨ mə berɨ bə̀ nàʼ mɨ ɨnyod ɨ nən. Mə mɨ ghaʼ əwən əku, mbə wa bɨrɨ ghaʼ əmɨ àmei rɨpiî ə?

2 Kɔrèn 12:19

Mbə mbɨə wa kə̀ʼə̀ kɔndɨə ni ənɨ ə nyùmə̀ wɔ̂ jìm, tɨ̀ wɨə kə̀ʼə̀ chɨ̀ ɨnû rɨ ɨgwɨ na ɨfě nən ə? Tɨ wɨə kə̀ʼə̀ ghàm ɨfě Ŋwiə̀ ɨghabɨ ə bə̂d nɨ yeʼ ənɨ ɨfɔtɨ mbɨ Kristo. Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨghɨjìm mbe nɨ tɨə ghɨ̀ə̀ yɨ nɨ ghɨ ni mbə̀ təm kàànɨ̀.

2 Kɔrèn 6:17

Ə̀nùŋɨ̀sɨg ə ghà ni, “Mbə̀ jwɨ rəkaʼ mɨ̀mə̌d əne ghàbrɨ̀ mbɨ mɨ̀mə̌d. Tɨ mbə̀ betɨ ə əghɨ ə mɔʼɔ ze nɨ rɨka zeŋ i, əne mə bɨrɨ wɨrɨ nɨŋ əwən.

2 Kɔrèn 7:1

Mbɨ bɔŋgɔb nɨ mə̀ ghaʼi kwàʼ rɨŋgəʼ, ɨchî nɨ Ŋwìə̀ kaʼ ɨnû mbɔ̂ ɨ na, əne tɨ̀ ton ɨnû rɨbɔ̀ŋ mbe nɨə ghɨ̀ ni nyamnyod mbɨ əzwî chubɨ rɨ zeŋ. Tɨ̀ kywɨ ənywɨ zə ni tɨ̀ zeŋ màànɨ̀ ɨchî nɨ tɨə wumnɨ ə Ŋwiə̀.

Fìlipì 4:1

Mbɨ bɔŋgɔb, mə ghaʼ əwən bə̀ kàŋ kə̀b nɨ zə əwən. Mbə mbɨə ghɨ̀ ni mɨ fîŋ bɔŋ ə. Mbə yɨə bə̀ ɨchɔʼ ə̀fàʼì ənɨ ə̀fàʼì ze nɨ mə faʼi. Əne kyɨə bɔŋgɔb nɨ mə̀ ghaʼi kwàʼ rɨŋgəʼ, mbə̀ təm kàànɨ ɨchî nɨ mbə̀ yeʼ ənɨ ɨfɔtɨ mbɨ Ə̀nùŋɨ̀sɨg.

Filemɔ̀n 1:1

À yɨə mɔ̌ Pɔ̂l, nɨ mə̀ yeʼ wə̀d ndəŋ ɨmbə̀ʼ ə Kristo Yeso mbɨ Timotì nɨ yeʼ wa aŋgɔb, ŋwaʼnɨ ə̀ŋwàʼnɨ̀ zɔ̂. Tɨ̀ wɨə ŋwàʼnɨ̀ ɨ ne, àwɔ̀ Filemòn, nɨ yeʼ aŋgɔb nɨə fàʼə̀ mbɨ na. Tɨ̀ ghaʼ əwe kwàʼ rɨŋgəʼ.

Mə̀Hibrù 6:9

Bɔŋgɔb nɨ tɨ̀ ghaʼi kwàʼ rɨŋgəʼ, ka tɨ̀ yeʼə ghà a əne, tɨ̀ kàŋ kyerɨ ənɨ rəsìʼ ɨmbə̀ʼ əwən ni mbə berɨ ɨghɨ nɨ bɔŋɨ chè, nɨ yeʼ ɨghɨ mbe nɨ bɨrɨ ghɨ mbə̀ jwɨ rəŋgəʼ.

1 Pità 2:11

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ kyerɨ ni mbə yɨ ɨ̀nɔ̀ʼɔ̀ fɔrɨ ni mbə̀ yɨə bə̂d rɨ̀sɔ̀ʼɔ̀ ɨŋga ɨsɨg wɔ̂. Əne mə wɨə buʼ ɨbɔ ɨ nən ni tɨ mbə̀ ghɨ ə ɨnû rɨbɔ̀ŋ mbe nɨ tə nyamnyod ə feenɨə. Mbɔ̂ yɨ ɨnû mbe nɨə màʼə̀ bid ɨŋga tə fîŋ.

1 Jɔn 5:21

Mbɨ bɔn nɨ mə̀ ghaʼi kwàʼ rɨŋgəʼ, tɨ mbə̀ berɨ ə ənû ə mɔʼɔ nɨ ghɨ̀ mbɨ mbɨ̀anèŋ.

Ɨnû 13:8

Bə̂d mɨ̀jìm mbe nɨə chub ɨgwɨ ə si bɨrɨ wumnɨ nyam kyeŋ ze. Əne yɨ mbe nɨ chəi mbɨ nyaʼa ŋwaʼnɨ tɨkum tɨ mɨ̀mə̌d ɨŋga ə̀ŋwàʼnɨ̀ ze nɨ mbɨ ŋwaʼnɨ tɨkum bə̂d mbe nɨ bɨrɨ jɨg ɨ̀tènɨ̀. Ŋwìə̀ nyaʼa fə ŋwàʼnɨ̀ rɨkum te bɔŋ wɨ̀ nyaʼa sɨə tekɨ ɨsɨg. Ə̀ŋwàʼnɨ̀ ze yɨ əzɨ ə Wan njɨ̀g we nɨ mbɨ nyaʼa kyemɨ.

Ɨnû 2:14

Àyɨə mə berɨ ɨnû mɔʼɔ rɨpiî ɨmbə̀ʼ əwe. Bə̂d mɔʼɔ mbɨ əkaʼ nən nɨə beenɨ əbɔʼ ɨnû mbe nɨ Balàm nyaʼə chwiə. Balàm nyaʼa chwi ɨchî əmbɨ Balàk ni wɨ̀ febrɨ mɨ̀Izre ɨmbə̀ʼ mbɨ jɨg ɨghɨ mbe nɨ mbɨ nyaʼa naʼ ənɨ ɨghɨ ə̀fà əmbɨ mbɨ̀anèŋ. Wɨ̀ nyaʼa bə̀ febrɨ mɨ̀mə̌d ni mbɨ ghɨ̀ ɨfabrɨ ɨnû.

Ɨnû 21:8

Àyɨə ɨkwèd, bə̂d nɨ chəi mbɨ wɨrɨ ben ə Kristo, mbe nɨə ghɨ̀ ɨnû rɨbɔ̀ŋ yiirɨ yiirɨ, mbe nɨə zwiirɨə mbɨ cherə, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə ghɨ̀ mɨ̀sà, mbe nɨə wumnɨ mbɨ̀anèŋ mbɨ ə bə̂d mɨghab mɨ̀jìm, bɨrɨ nwi ɨŋga əsɨ ze nɨ ɨwid kyeŋ we nɨ sɔlfò ə ghɨ̀ ni wɨ berɨə. Wɔ̂ yɨ ɨvɨ we nɨ pe ənɨ wɨ be.”

Ɨnû 22:15

Bə̂d mbe nɨ yeʼ ɨsɨg yɨə mbe nɨ chəi mɨnə̂njɨ̀ mɨ̀mə̌d kuʼnɨ. Mbɨ yɨ mbe nɨə ghɨ̀ mɨ̀sà, mbe nɨə niirɨə mbaŋə̀ kɨ̀ məyi əbəŋ əbəŋ, mbe nɨə zwiirɨ mbɨ cherə, mbe nɨə wumnɨ mbɨ̀anèŋ mbɨ wə̀d jìm we nɨə ghaʼə mɨghab bə̀ ghɨ̀ ɨnû mɨghab mɨghab.