1 Kɔrèn 10:11 - Meta’

¹¹ Ɨnû mbɔ̂ nyaʼa ghɨ̀ ənɨ mɨ̀mə̌d ɨghabɨ ənweenɨ əmbɨ ə bə̂d cherə. Mbɨ nyaʼa bə̀ ŋwàʼnɨ̀ ɨmbə̀ʼ mbà mbe nɨ yeʼ ɨkǎ ənɨ ə nyùmə̀ wɔ̂ nɨ ɨsɨg ə sɨə wo nwìə̀.

Ikan feg

¹¹ Inug mbo̰ ya dù igun inɔb icheg aneni ina. Ane, mbi ya ŋwàʼrì inug mbo̰ ni kə awa mba mbe ne yaʼi inga nyùmə̀ isəg gho̰ ne se zàmbi nwìyḛ̀.

1 Kɔrèn 10:11 ပူးပေါင်းရင်းမြစ်များ

Matìyò 13:39

Wə̀d pə̀n we nɨ nyaʼa kon ɨfu we yɨə Debɨ̀rə̀. Mbɨ bɨrɨ kwəŋ ɨghɨ mbe ənɨ ɨsɨg bɨrɨ nwìə̀. Bə̂d mbe nɨ bɨrɨ kwəŋ ɨghɨ mbe yɨ mbɨ̀aŋgɨrə̀.

Matìyò 13:40

Ɨchî nɨ mbɨ nyaʼa fetɨ ɨfu we tɔ̀n ənɨ ɨwid, yɨə bə̀ ɨchî nɨ zɨə bɨrɨ yeʼ we ənɨ ɨsɨg ə wo nwìə̀.

Rm 13:11

Kaʼi əjìm əze, mbə̀ fə kàŋ kyerɨ ə nyùmə̀ wɔ̂ rɨ̀nîn. À yɨə nyùmə̀ ɨ nən nɨ nɔʼ rɨ əŋgwenɨ, ɨmbə̀ʼ ɨghəm nɨ ənû nɨ jwɨ rəŋgəʼ fə tiinɨ ɨban na tɨ̀nîn chè rɨ ənɨ nyùmə̀ we nɨ tɨ̀ nyaʼa be benɨ.

Rm 13:12

Ɨzimɨ fə kà chè, ɨtuʼ fə sɨə wo chɨg. Əne tɨ̀ waʼ ɨnû mbe nɨ bə̂d ə ghɨ̀ ɨŋga ɨsɨ firɨ, əne tìŋ ɨghɨ bid ɨmbə̀ʼ zɔŋ ənɨ ɨsɨ ə zeŋə.

Rm 15:4

Ɨŋgam wɔ̂ yɨ ɨmbə̀ʼ ɨghəm nɨ ɨnû mbe nɨ mbɨ nyaʼa ŋwaʼnɨ rəŋwe, mbɨ nyaʼa ŋwàʼnɨ̀ ɨmbə̀ʼ kəərɨ əwa. Mbɨ nyaʼa ŋwaʼnɨ ɨmbə̀ʼ ɨghəm nɨ ənjìm ɨnyiʼ fîŋ bə̀ fɔrɨ ənjìm ɨka we nɨ Ə̀ŋwàʼnɨ̀ ə Ŋwiə̀ ə nàʼ ɨ na, tɨ̀ we tɨ̀ rɨ̀ wòm ɨnû mbe nɨ Ŋwiə̀ nyaʼa kaʼ ɨ na.

Rm 4:23

Chəi mbɨ nyaʼa ŋwaʼnɨ ɨŋgam we ni, “Ŋwìə̀ nyaʼa ben ni məd ə təm kùʼnɨ̀,” àmei ɨmbə̀ʼ ɨghəm məd rə̀zìʼ.

1 Kɔrèn 10:6

Ɨnû mbɔ̂ yɨ ɨnweenɨ ɨ na tɨ̀nîn ɨmbə̀ʼ tɨ̀ kwembɨ ɨnû rəŋgu ni tɨ rɨ̀ feenɨ a ɨnû rɨbɔ̀ŋ, ɨchî nɨ mbɨ nyaʼə feenɨə.

1 Kɔrèn 7:29

Mbɨ bɔŋgɔb, ənû nɨ mɨə ghàə̀ yɨ ni nyùmə̀ nɨ ɨsɨg wɔ̂ bɨrɨ nwìə̀ fə tiinɨ. Əne ɨ kɔ rɨ̀nîn, mbaŋə̀ te nɨ berɨ məyi chub ɨghabɨ ni chəi mbɨ kɨrɨ nam.

1 Kɔrèn 9:10

Ɨmbə̀ʼ wɨ̀ nyaʼa ghà ənû zɔ̂ yeʼ ɨmbə̀ʼ əwa ə? Mbɨ nyaʼa bə̀ ŋwàʼnɨ̀ yeʼ ɨmbə̀ʼ əwa, ɨmbə̀ʼ ɨghəm nɨ wə̀d we nɨə niʼ ɨbən wɨə niʼə, we nɨə kwètɨ̀ə̀ kywɨ̀ wɨə bə̀ kwètɨ̀ə̀. Ɨ mbɨə ghɨ̀ əne ɨmbə̀ʼ berɨ əba tɨ ənɨ ɨghɨ mbe.

Gàlesìyà 4:24

Tɨ̀ we tɨ̀ rɨ̀ mɨg ənû zɔ̂ əni: məyi mbɔ̂ mɨbe ə təm ənɨ tɨso rɨbe. Əyi we nɨə gywɨə bɔn nɨ bɨrɨ ben ɨ̀bòʼò yɨə Hagà. Məd ə təm ənɨ fɨso fe nɨ mbɨ nyaʼa san ɨkaŋ Ɨwum Sinài.

Fìlipì 4:5

Mbə̀ chwi əmbɨ wə̀d jìm ni mbə berɨ ɨbɔtɨ fîŋ. Ə̀nùŋɨ̀sɨg bɨrɨ zambɨ yeʼe.

Mə̀Hibrù 10:25

Tɨ rɨ̀ waʼ a ənû nɨ kɨə fetɨ, ɨchî nɨ bə̂d mɔʼɔ ə ghɨ̀ə̀, àyɨə tɨ̀ timbɨ a ɨnyod mbǎ mbǎ. Mbə jeŋgɨ ghɨ̀ əne ɨchî nɨ mbə̀ zə ni əni ze nɨ Ə̀nùŋɨ̀sɨg bɨrɨ wɨrɨ yeʼe fə tiinɨ.

Mə̀Hibrù 10:37

Ə zɨ ɨŋga Ə̀ŋwàʼnɨ̀ ə Ŋwiə̀ ni, “À buʼ àmei ɨkə nyùmə̀, we nɨə yeʼe bɨrɨ yeʼe. Ka wɨ̀ bɨrɨ wɨrɨ tandɨ i.

1 Jɔn 2:18

Mbɨ bɔn, nyùmə̀ we nɨ ɨsɨg ə wò nwìə̀ fə tiinɨ. Mbə nyaʼa fə zu ni wə̀d pə̀n Kristo wɨə yeʼe. Tɨ̀nîn bə̂d pə̀n Kristo nɔnɔʼ fə yeʼe. Əzɔ̂ ə fə ghɨ̀ tɨ̀ kyerɨ ni nyùmə̀ we nɨ ɨsɨg ə wò nwìə̀ fə tiinɨ.