1 Kɔrèn 1:27 - Meta’

²⁷ Àyɨə Ŋwìə̀ nyaʼa chɔʼ bə̂d mbe rɨŋga ɨsɨg nɨ bə̂d ə kɔndɨ ni mbɨ yɨ ɨneŋ, ɨmbə̀ʼ naʼ tɨ̀nìd ətu əmbɨ mbe nɨ kɔndɨ ni mbə berɨ ɨwe. Ŋwìə̀ nyaʼa chɔʼ ɨghɨ mbe rɨŋga ɨsɨg nɨ bə̂d ə kɔndɨ ni à yɨ ɨghɨ nɨ bɔrɨ, ɨmbə̀ʼ naʼ tɨ̀nìd ətu əmbɨ mbe nɨ kɔndɨ ni mbə berɨ ɨka.

Ikan feg

²⁷ Si ya gha, Ŋwiye ya chɔʼ bəd mbe ne bəd igun isəg mbe nḛ̀ gha chəyi mbi beri iwe, ni ghì gha bəd mbe ne kɔ̀ndɔ gha mbɔb bèrì iwe, mbi si bèrì tìnìrètog. Ŋwiye ya bə̀ chɔʼ bəd mbe ne bəd igun isəg mbe nḛ̀ gha à ya ighi ako, ni ghì gha bəd mbe ne kɔ̀ndɔ gha mbɔb ya aghi mɔ̀ʼɔ, mbi si bèrì tìnìrètog.

1 Kɔrèn 1:27 ပူးပေါင်းရင်းမြစ်များ

Matìyò 11:25

À nyaʼa ənɨ ə nyùmə̀ we, Yeso nyaʼa ghà ni, “Mɨ Mbǎʼ, Ə̀nùŋɨ̀sɨg ɨkaŋ fɔrɨ ɨgwɨ ə si, məben-əwe ni à fə nə̀m ɨnû mbɔ̂ rɨ əmbɨ ə bə̂d ɨwe bə̀ fɔrɨ rɨ əmbɨ məkyerɨ-ɨnû, sɨ chwiə yeʼ əmbɨ ə bɔn bɔd.

Matìyò 21:16

Əne mbɨ nyaʼa biirɨ ɨ bɔ ni, “Ɨmbə̀ʼ à wɨə zu ɨnû zɔ̂ nɨ bɔn kwa mbɔ̂ ə ghà ə?” Yeso nyaʼa wììrɨ̀ ni, “Ee mə wɨə zuə. Chəi mbə̀ kɨrɨ foŋ ɨŋga Ə̀ŋwàʼnɨ̀ ə Ŋwiə̀ ni, 'À fə dàndɨ̀ bɔn kwa bə̀ dàndɨ̀ bɔn bɔd ni mbɨ yiirɨ əwe ə'?”

Matìyò 9:9

Yeso nyaʼa nɔ̀ʼ rɨ əsɨ ze. Ənɨ wɨ̀ nyaʼə yènə̀ wòə̀, wɨ̀ nyaʼa zə mbaŋə̀ mɔʼɔ nɨ mbɨ nyaʼə tɔŋ ənɨ Matiù. Wɨ̀ nyaʼa i ɨŋga nəb nɨ mbɨə fetɨ mɨ̀tagsɨ̀. Yeso nyaʼa ghà ɨ bɔ ni, “Beenɨ əbɔʼ num.” Matiù nyaʼa nɔ̀ʼ beenɨ əbɔʼ məd.

Lk 21:15

ɨmbə̀ʼ ɨghəm nɨ mə bɨrɨ naʼ ɨŋgam fɔrɨ ɨwe ɨ nən nɨ chəi wə̀d mɔʼɔ rəbɔʼ mbə bə̂d pə̀n we tɨ̀ wɨ̀ təm mbɨ nən kɨ̀ bè ton ɨŋgam we.

Ɨ̀fàʼì 17:18

Bə̂d ɨwe mɔʼɔ nɨ mbɨ nyaʼə tɔŋ ənɨ mɨ̀Epikurià mbɨ mbɨ mɔʼɔ mbe nɨ mbɨ nyaʼə tɔŋ ənɨ mɨ̀Stoìk nyaʼa wò kumnɨ əməd kɔ tàŋɨ mbɨ məd. Mbɨ mɔʼɔ rəbɔʼ mɨ̀mə̌d nyaʼa gha ni, “Əkywɨ-ɨchù wɔ̂ kɨə kə̀b gha əzi ni yè ə?” Mbɨ cherə nyaʼa ghà ni, “Zɨə chub ɨghabɨ ni ɨ wɨə ghà ɨnû ɨmbə̀ʼ mɨ̀ŋwìə̀ rɨ̀sɔ̀ʼɔ̀.” Mbɨ nyaʼa ghà əne ɨmbə̀ʼ ɨghəm nɨ Pɔ̂l wɨə nyaʼə ghà ɨŋgam Ŋwiə̀ ɨmbə̀ʼ ə Yeso, bə̀ ghà ɨmbə̀ʼ ɨchî nɨ bə̂d bɨrɨ zwemə.

Ɨ̀fàʼì 7:35

“À yɨə Mose wɔ̂ nɨ mbɨ nyaʼa ton əməd ghà ni, 'À kɨə we nuŋ əwe ənɨ ə wə̀d nɨə tùmbɨ̀ əwa bə̀ saʼ əwa ə'? Ŋwìə̀ nyaʼa tom əməd ni wɨ̀ tumbɨ mɨ̀Izre, mbɨ ni wɨ̀ chɨ mɨ̀mə̌d rəŋgəʼ ənjìm aŋgɨrə̀ we nɨ nyaʼa jwɨ ɨfě ɨ bɔ ɨŋga ətud.

Ɨ̀fàʼì 7:54

Ənɨ mə̀saʼ əbeŋ mbe nyaʼa zu ɨnû mbe nɨ Stɨfɨ̀n nyaʼə ghàə̀, mbɨ nyaʼa sə ɨtəm kwàʼ rɨŋgəʼ. Mbɨ nyaʼa sə əne, kud əsɔŋ əbɔʼ məd.

1 Kɔrèn 1:20

Zɨə nɨə yeʼ əne, njɨ əzɔ̂ ə nùŋ wə̀d we nɨ kɔndɨ ni tə berɨ ɨwe ə yi, nùŋ wə̀d we nɨə chwi rɨ̀kə̌ ə yi, bə̀ nùŋ wə̀d we nɨə tàŋ ɨnû ənɨ ə nyùmə̀ wɔ̂ ə yi? Ɨmbə̀ʼ Ŋwìə̀ fə ghɨ̀ ni ɨwe bə̂d rɨŋga ɨsɨg beŋ ənɨ ənû əneŋ ə?

1 Kɔrèn 1:21

Ŋwìə̀ nyaʼa nɨŋ i ɨwe ghɨ̀ ni tɨ bə̂d nɨŋ ə ɨwe bə̂d mɨ̀sɔŋɨchù kyerɨ əməd. Əne zɨə nyaʼa bɔ̀ŋ ɨ bɔ ni wɨ̀ chɨ bə̂d rəŋgəʼ ənjìm ɨchî nɨ mbɨ nyaʼa ben ənû əneŋ ze nɨ tɨ̀ nyaʼə ghàə̀.

1 Kɔrèn 2:12

Tɨ̀nîn Əzwî ze nɨ Ŋwìə̀ ə nàʼ ə fə sɨ i ɨŋga na. Chəi əzwî ze nɨ yeʼ ɨŋga ɨsɨg ɨŋga na. Əzwî ze nɨ Ŋwìə̀ ə nàʼ ə zɨ ɨŋga na ɨmbə̀ʼ tɨ̀ kyerɨ mɨneʼe mbe nɨ Ŋwìə̀ naʼ ɨ na.

2 Kɔrèn 10:10

ɨmbə̀ʼ ɨghəm nɨ bə̂d mɔʼɔ mbɨə ghàə̀ ni, “Ɨ̀ŋwàʼnɨ̀ mbe nɨ wɨ̀ ŋwaʼnɨ mbɨə kà əku bə̀ tɔə, àyɨə ənɨ wɨ̀ yeʼ əkaʼ na, ɨ wɨə bɔrə, chəi ɨŋgam məd ə bə̀ yim mɨnib.”

2 Kɔrèn 4:7

Àyɨə tɨ̀ berɨ mbɔ̂n zɔ̂ ɨŋga rɨkyiŋ si, ɨmbə̀ʼ zɨə zeŋ ni ɨka kyeŋ wɔ̂ yɨ wɨ Ŋwiə̀, kaʼi wa.

Jems 2:5

Mbɨ bɔŋgɔb nɨ mə̀ ghaʼi kwàʼ rɨŋgəʼ, mbə̀ zwetɨ! Ŋwìə̀ nyaʼa chɔʼ bə̂d mbe nɨ yeʼ bə̂d kwaŋ ɨŋga ɨsɨg ɨmbə̀ʼ mbɨ yeʼ bə̂d mbɔ̂n ɨchî nɨ mbɨ ben ə Yeso Kristo. Əne mbɨ bɨrɨ jɨg ənû ɨfɔ̀n ze nɨ Ŋwìə̀ nyaʼa kaʼ əmbɨ ə bə̂d mbe nɨ ghaʼ əməd.