Leeter ŋgada Hebəre hay 5:11 - Mofu-Gudur

¹¹ Mey hay ga daha ŋgaa guzley ŋgada akwar da ray *Kəriste, ndaw aləkwa mahura da ray ndəhay ma ka kwakwas ŋga Gazlavay. Ama aŋga ta banay amba ya wuzdakwara mey da ray a maaya maaya, maja akwar fa da cəndamara fiyaw fiyaw daa ba.

Leeter ŋgada Hebəre hay 5:11 ပူးပေါင်းရင်းမြစ်များ

Matiye 13:15

Maja ndəhay a, a gəmam ŋga cənam mey ba, a dəzlmata sləmay ata hay, a ɗəpmata dey ata hay. A kamara kəne amba a hətmar dey ba, a jəkam sləmay ba, a təɓmara mey a, aa mevel ata ba. Da ray ŋgene, fa da mbəɗdamara menjey ata amba ya mbəldata na, daa ba.”

Mark 8:21

Ta’, Yesu a ləvtar: «Ka sərfadamara cek masa yah ma ka, ama haa wure keɗe ka cəndamara mey masa yah maa guzlda da ray cek ma həsla peŋ keɗe ba cəŋga daw?»

Mey-maaya-mawiya masa Luk ma wuzlala 24:25

Da ray ŋgene, Yesu a ləvtar: «Haya, akwar ndəhay manjar leŋgesl. Akwar ndəhay ma wusam vaw ŋga təɓa mey ŋga ndəhay ma təla mey ŋga Gazlavay ma wuzdamara zleezle tabiya ba.

Mey-maaya-mawiya masa Jaŋ ma wuzlala 16:12

«Ya fa wuɗey ŋgaa guzlkwar da ray cek hay ga, ama wure keɗe na, aŋga ta banay amba ka cəndamara.

Mey-maaya-mawiya masa Jaŋ ma wuzlala 6:6

Yesu aa guzlar anda ŋgene na, a key a jada Fəlep maja aŋga na, ta səra cek masa aa ma da ka sem.

Sləra ŋga Ndəhay Meslərey ŋga Yesu 28:27

Maja ndəhay a, a gəmam ŋga cənam mey ba, a dəzlmata sləmay ata hay, a ɗəpmata dey ata hay. A kamara kəne amba a hətmar dey ba, a jəkam sləmay ba, a təɓmara mey a, aa mevel ata ba. Da ray ŋgene, fa da mbəɗdamara menjey ata amba ya mbəldata na, daa ba.”»

Leeter ŋgada Hebəre hay 5:10

Yesu a gwa a ləhdata, maja Gazlavay ma pa ŋga ndaw mahura da ray ndəhay ma ka kwakwas aŋga anda Melkisedek.

Leeter ŋgada Hebəre hay 5:12

Pas a ta wuswa cay təɗe amba kaa sərkadamata ndəhay. Ama haa wure keɗe, si ndəhay aa sərkadamakwar da ray mey hay ŋga Gazlavay masa ŋgeeme masa akwar ma cəndamara cay cəŋga. Akwar na, anda bəza hay ma sam ɗəwa ma wusmara ŋga zəmey ɗaf ba araŋ.

2 Piyer 3:16

Daa leeter hay masa aa ma wuzlalata cəpa na, da aa faa guzley da ray mey a keɗe na, aa guzley letek kəne. Daa leeter aŋga hay a na, mey hay ta banay daha ŋga cəney. Anda keɗe, ndəhay marəzltakaya leŋ ndəhay ma səra cek maaya maaya ba na, a mbəɗdamara mey a wal, a wuzdamara ta cəveɗ e ba, anda ata ma wuzdamara mey hay mekele daa ɗerewel ŋga Gazlavay ta cəveɗ e ba may. Ara anda keɗe, ata ma handamawa mey a ray ata ŋgaa zəɗdata.