2 Kwarinti hay 4:11 - Mofu-Gudur

¹¹ Ahaw, daa menjey ala na, ndəhay fa səpmandar ŋga kəɗey vagay maja ala fa səpmara cəveɗ ŋga Yesu. Kwa ala ndəhay magədaŋ ma da məcam na, ama ala ta dey cəŋga. Anda keɗe, ndəhay a sərmara Yesu may, aŋga ta dey.

2 Kwarinti hay 4:11 ပူးပေါင်းရင်းမြစ်များ

Rm 8:11

Asaya, da Mesəfney ŋga Gazlavay ma sləkɗadərwa Yesu Kəriste daa meməcey aa da ray akwar na, ŋgene Gazlavay a da sləkɗadakurwa daa meməcey may. Anda keɗe, a da sləkɗadakurwa ha na, ta gədaŋ ŋga Mesəfney aŋga masa da ray akwar a.

Rm 8:36

Anda mawuzlalakaya daa ɗerewel ŋga Gazlavay, ma ləvey: «Bay Gazlavay, ndəhay fa səpmandar mandaw mandaw ŋga kəɗey vagay maja ala ndəhay akah hay. Fa mey ŋga ndəhay na, ala anda təɓaŋ hay masa ma handamata ŋga hərey.»

1 Kwarinti hay 15:31

Ahaw, mandaw mandaw ya fa hətar meməcey ta dey aɗaw. Məlma aɗaw hay, ya kadakwara cek hay tabiya keɗe na, maja fara fara ya faa səmey da ray akwar, akwar masa macəmkaya ta Yesu Kəriste Bay aləkwa Mahura.

1 Kwarinti hay 15:49

Wure keɗe na, vaw aləkwa anda vaw ŋga ndaw masa Gazlavay ma ləma ta hwiyak. Pas pal na, vaw aləkwa a da tərey anda vaw ŋga ndaw ma pawa salay da gazlavay da vaɗ.

2 Kwarinti hay 4:10

Ndəhay fa səpmandar ŋga kəɗey vagay anda ata ma kəɗmara Yesu heyey. Ama ala ta dey cəŋga, amba ndəhay a sərmara Yesu may, aŋga ta dey.

2 Kwarinti hay 4:12

Da ray ŋgene, ala fa səram banay haa kasl fa meməcey maja Mey-maaya-mawiya, amba ka hətam heter mendəvey ba.

2 Kwarinti hay 5:4

Daa masa aləkwa ta vaw aləkwa anda way-mekərcey da bəla keɗe na, ya fa njarakwa anda ndaw meley cek maadakw a. Ta ŋgene he cəpa na, aləkwa fa wuɗkwa ŋga cəkwakwa vaw aləkwa masa ma da məcey keɗe anda ndaw mecəkwey zana fa vaw na, daa ba. Ama ya wuɗkwa na, Gazlavay a vəlndakwar vaw mekele masa ma da njey ŋga sərmataw anda ndaw mekəzley zana mawiya. Anda keɗe, vaw masa ma da njey ŋga sərmataw, a njey aa slam a ŋga vaw masa ma da məcey.

2 Kwarinti hay 6:9

A ləvam saya, ala na, ndaw ma sərndar daa ba, ama anja ndəhay tabiya a sərmandar jak, ba diya? Ndəhay a wulkam na, ala fa da njam ga da bəla daa ba, ama nəkmara taw, ala daha ta dey cəŋga. Ta sərdamandar banay la ga, ama ta kəɗmandar vagay daa ba.