1 Kwarinti hay 7:30 - Mofu-Gudur

³⁰ Ndəhay masa fa təwam na, ŋga njam anda ata daa matəway daa ba. Ndəhay daa meesəmey, ŋga njam anda ata daa meesəmey daa ba. Ndəhay ma həɗkam cek, ŋga njam anda cek hay masa ata ma həɗkamata ha ŋgene na, ara ŋgada ata ba.

1 Kwarinti hay 7:30 ပူးပေါင်းရင်းမြစ်များ

Mey-maaya-mawiya masa Luk ma wuzlala 16:25

«Ama Abəraham a mbəɗdara, a ləvar: “Bəz aɗaw, wulkada, daa masa kah da bəla, ka ta hətey zleley la ga, daa ŋgene, Lazar fa sərey banay. Wure keɗe, feɗe, ala fa dəkmar mevel, ama kah, ka fa sərey banay may.

Mey-maaya-mawiya masa Luk ma wuzlala 6:21

Akwar masa may fa cakwar wure keɗe, maaya ŋga Gazlavay aa da ray akwar maja Gazlavay a rəhdakwar la. Akwar masa fa təwam wure keɗe, maaya ŋga Gazlavay aa da ray akwar maja kaa saŋgəram la.

Mey-maaya-mawiya masa Luk ma wuzlala 6:25

Akwar masa ma rəham sem wure keɗe, banay a sawa la a ray akwar, maja may a cakwar la. Akwar masa faa saŋgəram wure keɗe, ka da njam daa banay, ka təwam la.

Mey-maaya-mawiya masa Jaŋ ma wuzlala 16:22

Wure keɗe akwar may, daa mewulkey, ama ya hətkwar la saya. Anda keɗe, ka daa səmam, kwa ndaw ma da təkakwar ŋgaa səmey a daa ba səlak.

1 Kwarinti hay 7:29

Məlma aɗaw hay, ya fa ləvkwar, ɗar ŋga key sləra ŋga Gazlavay ga daa saba. Anda keɗe, dəga wure keɗe, ndəhay ta ŋgusay na, ŋga njam anda ata ta ŋgusay daa ba.

1 Kwarinti hay 7:31

Ndəhay ma kam sləra ta cek hay da bəla keɗe, ŋga njam anda ata fa kam sləra ta cek hay a daa ba. Ya ləvkwar anda keɗe, maja bəla keɗe fa da njey ga daa ba.

Cek masa Yesu Kəriste ma wuzar a Jaŋ 18:7

Sərdamata banay ga ta ndəhay daa berney a amba a cam mevel, anda ata ma pamara vaw ata zleezle ŋga ŋgwas ta gədaŋ ga, anda ata ma njam ga daa wiya. Asaya, anda ata ma ləvam: “Yah manjakaya feɗe daa bay. Yah ŋgwas-vagay ba, kwa ndaw aɗaw fa da məcey amba ya təway na, daa ba.”

Cek masa Yesu Kəriste ma wuzar a Jaŋ 7:17

maja Bəz-təɓaŋ masa daa slam-menjey heyey, a da tərey ŋga mecəkwer ata. A da handata aa wurak ŋga yam ma vəley heter mendəvey ba. Asaya, Gazlavay a da takwaɗatara matəway daa dey ata cəpa.»