1 Kwarinti hay 14:21 - Mofu-Gudur

²¹ Mawuzlalakaya daa ɗerewel ŋga Gazlavay, a ləvey: «Bay Gazlavay a ləvey: “Ya daa guzltar a ndəhay aɗaw hay ta mey masa ata ma cəndamara ba. Ahaw, ya daa guzltar ta mey ŋga ndəhay daa hwayak mekele. Ama ta ŋgene he cəpa na, ndəhay aɗaw hay fa da jəkfamaya sləmay daa ba cəŋga.”»

1 Kwarinti hay 14:21 ပူးပေါင်းရင်းမြစ်များ

Mey-maaya-mawiya masa Jaŋ ma wuzlala 10:34

Yesu a mbəɗdatara, a ləvtar: «Daa kwakwas akwar mawuzlalakaya, Gazlavay a ləvey: “Akwar na, gazlavay hay.”

Sləra ŋga Ndəhay Meslərey ŋga Yesu 2:4

Ata tabiya marəhtakaya ta *Mesəfney ŋga Gazlavay. A zlamar meeguzley ta mey hay mekele mekele masa ata ma sərmara ba, anda Mesəfney a ma vəldatara ŋgaa guzley.

Rm 3:19

Ahaw, aləkwa fa sərkwa, cek hay tabiya masa *kwakwas ŋga Mawiz maa sərkada na, ara ŋgada ndəhay masa Gazlavay ma vəldatara kwakwas a. Anda keɗe, kwa ndaw ma gwa ŋga wura mey amba a ɗiya ray aŋga na, daa ba, ndəhay cəpa ta mebərey fa mey ŋga Gazlavay.

1 Kwarinti hay 14:34

Masa akwar makustakaya daa slam a na, ŋgusay ŋga njam teete. Ata ta cəveɗ ŋgaa guzley daa ba, ŋga namatar ray a zel hay anda mawuzlalakaya daa *mewey ŋga Gazlavay.