Yakuba 5:3 - Wakità Zəzagəla Wakità Aŋa Makəs Vok Slawda Mawga (Cameroun)

³ Luwà­luwà aŋkul la gursu aŋkul kà, marzaw adà­kasay, ŋgaha marzaw adàgay bokuba sayda lakəl aŋkul, ŋgaha adà­paɗay vok aŋkul à gay, bokuba akàl. Kahamaw ləmana à ahəŋ kà la makəɗ gəl à ahəŋ gudəŋ à vok.

Yakuba 5:3 ပူးပေါင်းရင်းမြစ်များ

Sləray 2:17

Zəzagəla agòɗ: ˈKiya uwanay à uwana adàpaka vok la madəv à gay mahənay: Gədà­sləl Masasəɗok gulo à ahəŋ à azladza à gəl gesina; azlabəza aŋkul, la azla­ko­hana aŋkul, la azla­ma­kozga aŋkul masa­siŋay adà­sa­si­ŋahla atà, gədàɓəɗahà atà à ama la abà, tapàh paŋaw gulo.

WAKITÀ UWANA POL ATSETSÈR À AZLA ROM Lettre de Paul aux Romains 2:5

Ama kak dzaŋ­dzaŋ, asa à ka mapəh gay la ləv ala aw. Kak la gəl aŋak kasəg vok seriya à gəl. Zəzagəla adàdukw à ka seriya à gəl. La kità kà, seriya aŋha adàkəs ka, la kaslà uwana mapak ləv aŋha adàpəhla vok ala la mavakay uwana adàɗah seriya dziriga aŋha la huma azladza gesina.

2Timotawus 2:17

Matapla aŋatà kà, adagay kà bokuba gorodzu uwana akufla aya aw, ahadz sləɓ vok. La tataka azladza uwaga la abà kà, Himene atà la Filet la abà,

2 Piyer 3:3

Tatak uwana asa à gi aŋa mapəh à akul kaykay kà: La kaslà uwana gudəŋ à vok adàdəv à gay kà, azladza tadà­pəhahla vok ala uwana tadàɗah dèwdèw mawi­siga, uwana asa à atà gesina. Azladza uwaga tadà­kəɗaslah akul.

Mafətàla 17:16

Azla­dərew kulo uwaga kanəŋà atà, ŋgaha la tatagà uwaga la aslasl gəl aŋha la uwana tadàzin vok à mis masla mazaɓ zilga uwaga ala. Tadàhəl tatak à mis uwaga ala, tadàməl à ahəŋ la godega deyday. Matəm à ahəŋ aŋha kà tadàtəl à gay.

Mafətàla 20:15

Baŋa dza uwana sləm aŋha matse­tse­rayga la wakità aŋa sifa la afik aw kà, tadàduw à gudùh akàl à abà, aŋa tetuwa bay.

Mafətàla 21:8

Ama azladza uwana tasakal à tsəh ala, la azladza uwana tadiŋ gəl à Yesu à vok aw, la azlaməna ləv mawi­siga, la azlaməna makaɗ dza, la azlaməna mabila, la azlaməna maɗàh məzla, la azlaməna manəf mazlazlay, la azlaməna fida kà, tadà­wits atà à gudùh akàl uwana à abà maɗehəŋ à abà gà la huleli. Uwaga la uwana agay mamətsay masəla.”