Yakuba 4:11 - Wakità Zəzagəla Wakità Aŋa Makəs Vok Slawda Mawga (Cameroun)

¹¹ Azla­deda, kapəhaw mawi­siga à azladza anik à vok aw, dza uwana apəh mawi­siga lakəl aŋa masla magay aŋha, ŋgaha atsəɗal gay à tsəh, kiya uwaga kà, apəh mawi­siga lakəl aŋa mapəhay aŋa Zəzagəla. Masla kà, atsəɗ gay à mapəhay à tsəh babay. Kayyà, baŋa katsəɗ gay à mapəhay à tsəh, kak kanəfa masla aw, katsəɗal gay à tsəh pəra.

Yakuba 4:11 ပူးပေါင်းရင်းမြစ်များ

1 Piyer 2:1

Tsa ndzer Zəzagəla adavà à akul sifa mawga uwanay kà, wùtsàw mawi­siga ala gesina, katsəɗaw gay aya aw, kagaw azlaməna magolla dza aya aw, kaɗahaw à adi aya aw, kazuwaw vok aŋa dza aya aw.

WAKITÀ UWANA POL ATSETSÈR À AZLA ROM Lettre de Paul aux Romains 2:1

Kak uwana ‘Gi masla maɗàh seriya à azladza anik à gəl’, kagoɗ, kasəl la gəl aŋak kà, kadàtəfay la huma seriya aŋa Zəzagəla aw, baməraka kadàgay uwi. Ndzer, la gay aŋak la uwana kàda­biyla vok seriya à gəl.

Yakuba 5:9

Azla­deda gulo katse­tseslaw vok gay à vok kà akul à akul aw, ŋgaha kà Zəzagəla aŋa makəs akul la seriya aw. Tsə̀ɓàwwal sləm, masla seriya kà atsa à waŋ, aga la gay gamagày.

Luka 6:37

“Kaɗahaw seriya à azladza anik à gəl aw, ŋgaha Zəzagəla adà­ɗa­ha­kulla seriya à gəl suwaŋ aw; kaɗəkaw seriya à azladza à gəl aw, ŋgaha Zəzagəla adà­ɗəka­kulla seriya à gəl suwaŋ aw, matsawaŋ azladza anik ala, ŋgaha Zəzagəla adà­ma­tsa­kul­laŋ ala suwaŋ.

1 Korintiya 4:5

Kà uwaga kà, kaɗahaw seriya à azladza à gəl dadàŋ aw, say kakudaw mavakay uwana Zəzagəla akədə̀v à ahəŋ dadàŋ. La vuɗ uwana Sufəl Kristu adà­zla­ŋalay, adàsəlla à uda à uɗaka ala azla­tatak uwana la mələs la abà lakana. Uwana azladza tadzugway la ləv aŋatà la tsəh kà, adàsəlla à uda babay. Kiya uwaga kà, Zəzagəla adàzləɓ kəla uwa­be­yuwi lakəl aŋa sləray aŋha uwana aɗahàŋ. Baŋa dza aɗahàŋ məŋga, azləɓ masla məŋga suwaŋ, ama baŋa dza aɗahàŋ kay aw, mazləɓay atsəhal suwaŋ.

Efedəya 4:31

Sàwla azla­tatak ɗe­ha­kakga à uda la ləv aŋkul la tsəh gesina la maf dza à ləv à abà la mapak ləv. Kabayaw vok gay aw, katsakaw vok mago­ɗahay à gəl aw, ŋgaha bay, kagaw azlaməna makəsa­fər aw.

2 Korintiya 12:20

Guba aza à gi kà, kà mok uwana gədàda à awtày à slaka akul babay, kadànəŋaw gi bokuba uwana kayahaw babay kəla. Guba aza à gi, kà maɓəz akul à gəl la magazlay, la maŋor, la mapak ləv, la matsən vok a gay aw, la azlagay wadzaw wadzawga, la azla­kaskas, la azla­zlapay ŋgaha la azla­masàh gəl anik anik la abà gesina, à uwana asa à gi aw.

2Timotawus 3:3

Tadà­gahay dzaŋ­dzaŋ, vok mahamay aŋatà adàgay la ahəŋ aw, tadà­gahay azlaməna masàh gəl, ziruwi aŋatà adà­gahay la ahəŋ aw, tsetsi dadàŋ aŋatà la ahəŋ aw, tadàgay azlaməna məzam aŋa dziriga.

1Timotawus 3:11

Azlamis aŋatà babay kà taga azlamis delga, taga azlaməna masàh gəl aw, taga azla­tələmmaga, taga azla­dzi­riga la azla­tatak gesina la abà.

WAKITÀ UWANA POL ATSETSÈR À AZLA ROM Lettre de Paul aux Romains 7:7

Kakay gəgoɗay mi? Mapəhay aŋa Zəzagəla ma tsakana takay? Awaŋ, tsakana ɗiki­ɗiki aw. Ama agayŋa mapəhay agay la ahəŋ, awkà naka gəsəl tsakana aw. Agayŋa mapəhay agoɗay: Kaɗahaw adi aw, awkà naka gəsəl adi aw.

WAKITÀ UWANA POL ATSETSÈR À AZLA ROM Lettre de Paul aux Romains 2:13

Kà uwana Zəzagəla adàpaka dza ala dziriga la huma aŋha la masəl mapəhəy pəra aw, say la maɗàh uwana apə̀h à abà, kiya uwaga kà agay dziriga la huma Zəzagəla.

Yakuba 1:25

Ama kà aŋa dza uwana anərəz azla­mapəhay aŋa Zəzagəla, uwana tavà à anu makor gəl kà, ŋgaha anəfa tetəvi aŋa mapəhay uwaga lela, Zəzagəla adà­pisla gay à vok kà sləray uwaga. Dza uwana atsəɓ sləm à azla­mapəhay uwaga ŋgaha avikaŋ aw kà, akəs gay aŋha lela. Kità kà, Zəzagəla apisla gay à vok la sləray uwana la abà, aɗehəŋ gesina.

Titus 2:3

Pə̀h à azla­makoz mis bokuba uwanay babay: ‘Ɗa­hàwwàŋ kà uwana la tetəvi aŋa Zəzagəla la tsəh lela. Kaka­làhàw sləm aŋa azladza anik ala aw, kagaw azla­mayà aŋa guzu aw, ŋgaha tapawla azladza anik, uwana akəs vok lela!’

Yakuba 1:16

Azlabəza gay ləv gulo, dza avavar akul aw.

Yakuba 1:19

Azlabəza gay ləv gulo, dzùgwàw à uwanay. Kəla kà, kəla uwa­be­yuwi aŋkul afa sləm à gay aŋa azladza anik, uwana tapəhay kà, tapəh katskats la zlaw­z­lazlaw aw, tagàh azlaməna mapak ləv katskats babay aw.

Yakuba 2:8

Makəs mapəhay aŋa makoray uwana aɗuwa azlaanik dèwdèw, uwana tatsetsèr à wakità Zəzagəla à abà kà, kà delga. Mapəhay uwanay agoɗ: ˈWòyà masla magay aŋak kalkal bokuba uwana kawoya gəl aŋak.ˈ Aŋa kiya uwaga kà, delga kaɗa­hawwaŋ.

Yakuba 5:7

Azla­deda, kà uwaga gəgoɗ à akul, basàwwàŋ tsəràh à kaslà uwana Sufəl gami awul à ahəŋ. Dzùgwàw lakəl aŋa masla mapəs guf, akud matsəɗ tatak aŋha la mabasiŋ. Akud iyaw madzəɓa iyaw tsəràh à madiy aŋha aŋa iyaw.

Yakuba 5:10

Azla­deda gulo, dzùgwàw à azlaməna mapəh à atà gay à ahàl uwana uwarà, tapàhàh sləm aŋa Zəzagəla. Tapàwla azla­tatak la atà la afik, bokuba uwana tasàh ŋgərpa, ŋgaha tadzà à ahəŋ la mabasiŋ la abà.