Yahuda 1:25 - Wakità Zəzagəla Wakità Aŋa Makəs Vok Slawda Mawga (Cameroun)

²⁵ Məzləɓà Zəzagəla la gəl aŋha, aslə̀l à waŋ Sufəl gami Yesu Kristu kà masla aŋa maɓəl anu. Mazləɓay agay la masla, azladza gesina tata­taslla ahàl. Masla la uwana məŋ Sufəl gami, maslay aŋha adza à ahəŋ aŋa tsəràh à awtày. Kiya uwaga dagay madzəka ŋgaha tsəràh à lakana, ŋgaha aŋa tsəràh à awtày bay. Amen.

Yahuda 1:25 ပူးပေါင်းရင်းမြစ်များ

Mata 6:13

Tə̀fà à anu kà seteni aŋa mapapat anu, kà anu aŋa masak à madiŋal gel à vok aw, Ama tə̀fà à anu la ahàl aŋa seteni.” ((Kà uwana makoray, maslay ŋgaha la mazləɓay kà la ahàl aŋak aŋa tsəràh à awtày. Amen!))

Luka 1:47

Ləv gulo adahənla la marabay à kà Zəzagəla masla maɓəl gi.

Yuhana 4:22

Akul azla Sama­riya kasəlaw tatak uwana kadəvawwal kuɗa aw; ama anu, anu azla Yahu­diya kà, məsəl tatak uwana mədəval kuɗa, kà uwana maɓəlay kà, asa à uda kà la azla Yahu­diya la abà.

Yuhana 5:44

Akul asa à akul mayàh mazləɓay aŋa azladza anik anik, ŋgaha kayahaw mazləɓay uwana asa à ahəŋ la slaka Zəzagəla dziriga aw. Ŋgaha ma kakay kadiŋaw gəl à vok ma?

WAKITÀ UWANA POL ATSETSÈR À AZLA ROM Lettre de Paul aux Romains 11:33

Kay ndzer, dzəɓa aŋha səla aw aŋa Zəzagəla kà məŋga, matsi­hila aŋha kà zəŋzəŋ, aɗuwa azla­tatak gesina, asəl tatak gesina bay. Madzugway aŋha kà dza aɓəz kà aw. Zla­zlaɗa kà dza matsən maɗehəŋ aŋha.

WAKITÀ UWANA POL ATSETSÈR À AZLA ROM Lettre de Paul aux Romains 11:36

Haɗay ndzer kà, dza la ahəŋ aw, kà uwana masla la uwana aɗahà tatak gesina. Tatak uwaga gesina tadza à ahəŋ la sifa kà, kà masla, masla la uwana Sufəl lakəl aŋatà. Məzləɓà masla aŋa koksi­koksi. Amen!

WAKITÀ UWANA POL ATSETSÈR À AZLA ROM Lettre de Paul aux Romains 16:27

Məzləɓà Zəzagəla aŋa tsəràh à awtày. Masla kokuɗa gəl aŋha la uwana akor matsi­hila dziriga, məzləɓà masla la sləm aŋa Sufəl gami Yesu Kristu. Amen!

Efedəya 1:8

Avà à anu vok mahamay la mahənla la pawasla, bokuba magoɗay kà, apakànula kà azlaməna matsi­hila gà, aɗahàŋ kiya uwaga kà, kà anu aŋa masəlay haŋkəli aŋha à tsəh.

Efedəya 3:10

Lagonay kà, Zəzagəla adapəhla ala la tataka azlaməna madiŋal gəl à vok la abà, kà azla­ma­lika la azla­su­fəl aŋatà tadànəŋ azlaməna madiŋal gəl à vok, ŋgaha atà aŋa masəl matsi­hila aŋa Zəzagəla. Kà uwana matsi­hila aŋha kà gərgər la azla­tetəvi anik anik.

Efedəya 3:21

Məzləɓà masla, anu azlaməna maham à ahəŋ məna gay Zəzagəla gesina, ŋgaha Yesu Kristu bay. Məzləɓà masla koksi­koksi aŋa tsəràh à awtày! Amen.

1Timotawus 1:17

Zəzagəla la uwana Sufəl uwana amətsay aw, dza anəŋəŋ aw, masla kokuɗa gəl aŋha, la uwana maslay la masləkaway la mazləɓay agay la masla aŋa koksi­koksi. Amen.

1Timotawus 2:3

aganay tatak uwana ahəɗ, ŋgaha akəs à Zəzagəla gami masla maɓəl anu à gəl.

Titus 2:10

Ŋgaha babay kà, katsatsakw ahàl la azla­tatak aŋkul la vok aw, ɗahàwwàŋ kà azla­tatak delga pəra, kà azlaməŋga aŋkul aŋa masəlay kà akul azladza dziriga haɗay’, pə̀h à atà. Baŋa azla­mayà taɗehəŋ kiya uwaga kà, azladza tadàsləkaw azla­tatak uwana mətapla à azladza lakəl aŋa Zəzagəla, masla maɓəl anu.

Titus 2:13

Məɗahaŋ kiya uwanay, kà maf gəl gami à mavakay uwana à afik, Yesu Kristu Sufəl gami adà­zla­ŋalay la mazləɓay aŋha, uwana adàpəhanula Yesu masla Sufəl Zəzagəla gami məŋga.

Titus 3:4

Baməraka məɗàh kiya uwanay kà, kaslà anik, Zəzagəla uwana aɓə̀l anu, apə̀hla ala kà aɗàh delga à azladza, ŋgaha awoya anu kaykay.

Ibəranəŋkowen 13:8

Bokuba Yesu uwana dagay uwarà, lakana bay bà masla, masla aya adàɓəɗla vok aw, adàdza à ahəŋ uwaga aŋa tsəràh à awtày.

1 Piyer 4:11

Dza uwana la maslay kà mapəh gay anik apah azlagay uwaga à uwana asà à waŋ la slaka Zəzagəla, dza uwana la maslay kà mazlak azladza anik, azlaka atà la ndzəɗa uwana Zəzagəla avàl. Ɗa­hàwwàŋ kiya uwanay kà azladza aŋa mazləɓay Zəzagəla la tatak gesina la abà, kà made­golay Yesu Kristu, masla uwana la maslay la mazləɓay aŋa koksi­koksi! Amen.

2 Piyer 1:1

Gi Səmon Piyer, gi uwana gi mayà aŋa Yesu Kristu, gi masla matapla la slaka aŋha bay, à uwana gətsetser à akul wakità uwanay, akul uwana kadiŋaw gəl à Yesu à vok kalkal bokuba uwana mədiŋal gəl à vok babay, anu gesina məɓəzà à tatak uwaga la slaka gà. Yesu Kristu aɗahà uwaga kà aŋami gesina, kà uwana masla kà dziriga. Masla kà Zəzagəla la gəl aŋha, ŋgaha masla maɓəl anu babay.

2 Piyer 3:18

Kà aŋa uwaga kà: Dàw à huma la manəf Sufəl gami Yesu Kristu, masla maɓəl anu, ŋgaha masla aŋa mapi­sa­kulla gay à vok kaykay, ŋgaha aya, kà akul aŋa masəl masla kaykay aya suwaŋ. Delga kà, azladza tazləɓ masla lagonay, ŋgaha aŋa tsəràh à awtày. Amen.

Mafətàla 1:6

Masla mapa­ka­nula kà tsəhay aŋha, kà uwana masla Sufəl gà gà. Masla aɗahàŋ kiya uwanay, kà anu aŋa magay azlaməna makaɗ tatak babay, kà mazlak Zəzagəla Baba aŋha, dza atəm à ahəŋ aŋa mazləɓay aw, zləɓàw masla gesina. Maslay atsa à waŋ kà la slaka aŋha koksi­koksi. Amen.