Yahuda 1:13 - Wakità Zəzagəla Wakità Aŋa Makəs Vok Slawda Mawga (Cameroun)

¹³ Tagahay kà bokuba azlaiyaw uwana tagaŋ­tsay la dərəv la afik, atà la titi aw. Falfafal, tagoɗay bokuba iyaw uwana la dərəv la afik, tsakana aŋatà kà apəhla à vok ala, la uɗaka la abà, bokuba mahəra­papay aŋa iyaw, uwana amətsal à tsəh ala. Tagahay bokuba azla­tse­tsiliŋ uwana taɓaɗ vok. Zəzagəla ada­ɗa­hatàŋ slaka mələs gà à ahəŋ taɓa­ɗamma. La abatà la uwana tadàdz à ahəŋ aŋa tsəràh à awtày.

Yahuda 1:13 ပူးပေါင်းရင်းမြစ်များ

Filipiya 3:19

Baŋa kaslà aŋatà adàdəv à gay kà, tadàda à akàl à abà, kà uwana tanəfà tatak ziruwi gà, ama tarabay lakəl aŋa uwaga, tadzugway kà azla­tatak aŋa gudəŋ à vok uwanay pəra.

2Timotawus 3:13

Ama azlaməna magolla dza tadàda à huma à gay kà kaykay, kà mava­varàh azladza anik à bada à abà, atà la aslasl gəl aŋatà, kà tadà­va­varah gəl aŋatà.

2 Piyer 2:17

Lakəl aŋa azlaməna matapla fida uwaga à azladza kà, atà kà tagay bokuba azla­mukwà uwana takakəzehay aya aw, tagahay bokuba azla­ha­baga uwana afaɗ ada­dasiŋla. Zəzagəla adàɗah slaka à ahəŋ kà aŋatà la mələs taɓa­ɗam­maga la abà.

Yahuda 1:6

Azla­ma­lika babay, uwana tazigə̀nà gəl la kokuɗa mav à atà aŋa Zəzagəla, atà tazà vok la slaka uwana Zəzagəla aɓə̀k atà à abà, kà Zəzagəla ahə̀l atà, awaɗàh atà, ŋgaha aɓə̀k atà à mələs taɓa­ɗam­maga à abà aŋa koksi­koksi, tsəràh à kaslà uwana Kristu adàsa à waŋ kà maɗàh seriya à azladza gesina à gəl.

Mafətàla 20:10

Seteni uwana azà­hà­tàla kà, takə̀s, taduw à gudùh à abà la masla mapəhal gay à ahàl fidaga uwatà. Tadàsa ŋgərpa mavakay la mahənay la abà la abatà aŋa tsəràh à awtày.

Mafətàla 21:8

Ama azladza uwana tasakal à tsəh ala, la azladza uwana tadiŋ gəl à Yesu à vok aw, la azlaməna ləv mawi­siga, la azlaməna makaɗ dza, la azlaməna mabila, la azlaməna maɗàh məzla, la azlaməna manəf mazlazlay, la azlaməna fida kà, tadà­wits atà à gudùh akàl uwana à abà maɗehəŋ à abà gà la huleli. Uwaga la uwana agay mamətsay masəla.”