Sləray 15:5 - Wakità Zəzagəla Wakità Aŋa Makəs Vok Slawda Mawga (Cameroun)

⁵ Ama azlaməna madiŋal gəl à vok anik, uwana taguwà à uda la maham à ahəŋ aŋa azla Farisəya la abà kà, tagòɗ kà: “Say makadav azlaməna madiŋal gəl à vok uwana à uda azla Yahu­diya aw, ŋgaha mətapatàla aya makəs mapəhay aŋa Musa dadàŋ kəla.”

Sləray 15:5 ပူးပေါင်းရင်းမြစ်များ

Mata 3:7

Ama mok uwana Yuhana anəŋà azla Farisəya la azla Sadu­kiya aŋuvaw tatsà à waŋ à slaka aŋha kà maɗa­hatàŋ batem kà, agòɗ à atà: “Maham à ahəŋ aŋa matsapa: uwa apə̀h à akul kà kadàtəfaw à seriya aŋa Zəzagəla uwana la gay ala, adàsa à waŋ aw uwa?

Sləray 15:1

Azladza anik tasà à waŋ la Yahu­diya, tahàd à Anti­yews, tagòɗ à azla­deda: “Kaslawwalla vok kà maɓəlay aw, say baŋa kakədəvaw vok à uda, bokuba uwana mapəhay aŋa Musa apəh dàŋ.”

Sləray 15:24

Mətsənàŋ kà azladza anik tasà à uda la tataka gami la abà la abanay, tadà à awtày kà maka­ɗa­kulla gəl à vok, ŋgaha la mav à akul madzugway la gay aŋatà. Anu kà, məpə̀h à atà gay à ahàl lakəl aŋa uwaga aw.

Sləray 21:20

Mok uwana tatsə̀n uwaga la slaka aŋha kà, tazlə̀ɓà Zəzagəla, tagòɗ à Pol: “Deda à kanəŋà uwana apakà vok la abanay la slaka azla Yahu­diya tsi. Azla Yahu­diya dəbow dəbew tapakà azla­ma­diŋal gəl à vok. Ama gesina kà tanəfa gay aŋa wakità seriya aya.

Sləray 24:14

Ama aganay uwana gəsàk ala à uda: Gi la ahəŋ la masləkaway Zəzagəla aŋa azla­baba gami, la manəf tetəvi mawga ‘Uwana fida’, kagoɗaw. Ama tekeɗik gədiŋ gəl à uwana à vok la wakità seriya la abà gesina, la aŋa azlaməna mapəh à atà gay à ahàl kà mapàh à azladza.

Sləray 24:5

Mənəŋàŋ dza uwanay, kà masla matsən sləm aw gà, kà uwana masla la uwana atàz magazlay ala la tataka azla Yahu­diya aŋa gudəŋ à vok gesina, ŋgaha kà masla la uwana məŋga aŋa maham à ahəŋ aŋa azla Nazaret aya.

Sləray 28:22

Ama lagwa asà à anu matsən madzugway aŋak lagwa zlà, kà uwana məsəl kà baməraka la mali kà, tapəsèw azladza uwana tanə̀f uwanay kak la abà lagwa.”

Sləray 5:17

Məŋ madza­haga aŋa azlaməna mav tatak à Zəzagəla la azla­uwana tagà la masla, bokuba magoɗay azla Sadu­kiya, tagà la maŋor lakəl aŋa azlaməna matapla, ŋgaha tadzəkà matərəɓ atà.

1 Korintiya 7:18

Baŋa dza makədəv à uda gà, la mok uwana Zəzagəla azalàl kà: Kà mana mi, agoɗ aw. Baŋa dza kokuɗa makədəv à uda gà, à mok uwana Zəzagəla azalal kà, ayàh makədəv à uda aya aw.

Galatiya 2:11

Mok uwana Piyer adasa à waŋ à Anti­yews, gəslàhal məlo à gəl la huma aŋa azladza, kà uwana aɗahà sləray la tetəvi aŋha aw.

Galatiya 2:14

Mok uwana gənəŋàŋ, kà tawìs tetəvi aŋa gay marabəŋ ala kà, gəgòɗ à Piyer la huma aŋa azladza uwatà gesina: ‘Kak, uwana kak zil Yahu­diya, kadzà à ahəŋ la abanay kà bokuba kak zil Yahu­diya aw, kadzà à ahəŋ kiya kak zil Yahu­diya aw, kayyà, kà mana kagoɗ à azladza uwana azla Yahu­diya aw kà tadza à ahəŋ bokuba azla Yahu­diya zla ma?’