WAKITÀ UWANA POL ATSETSÈR À AZLA ROM Lettre de Paul aux Romains 2:8 - Wakità Zəzagəla Wakità Aŋa Makəs Vok Slawda Mawga (Cameroun)

⁸ Ama azladza anik uwanay tafa asik à Zəzagəla à gəl, takweskà dziriga, say mawi­siga la uwana tanəfa. Ndzer, kà aŋa azlatsəhay dza uwaga kà Zəzagəla adàpaka à atà ləv à gəl aŋatà, ŋgaha adàdukw à atà seriya à gəl.

WAKITÀ UWANA POL ATSETSÈR À AZLA ROM Lettre de Paul aux Romains 2:8 ပူးပေါင်းရင်းမြစ်များ

WAKITÀ UWANA POL ATSETSÈR À AZLA ROM Lettre de Paul aux Romains 1:18

Ndzer, Zəzagəla apəh à anu la paraka kà masla la mapak ləv gà dagay la zagəla kà tsakana gesina uwana azladza taɗehəŋ, ŋgaha kà uwana tasləkaway Zəzagəla aw. Adàɗaha à atà seriya à gəl, kà uwana la tatak mawi­siga uwaga taɗehəŋ kà aɗəɗ gay à azladza à ahəŋ kà masəl dziriga.

WAKITÀ UWANA POL ATSETSÈR À AZLA ROM Lettre de Paul aux Romains 10:16

Ama la tataka azlaməna matsəɓ sləm à gay uwanay kà, dza dəŋ à uwana takə̀s gay uwaga aw. Masla mapəhal gay ahàl Yesayya agòɗ kà: ˈSufəl, uwa à uwana adiŋ gəl à mapəhay gami à vok uwa? Dza dəŋ aw!ˈ agòɗ.

WAKITÀ UWANA POL ATSETSÈR À AZLA ROM Lettre de Paul aux Romains 15:18

Kà uwana gəpəhay lakəl aŋa tatak anik aw, say uwana Yesu afà à gi à ahàl. Masla avà à gi ndzəɗa, kà madla azladza uwana azla Yahu­diya aw à huma Zəzagəla, kà atà aŋa makəs masla. Aɗahàŋ kiya uwanay kà, kà azlagay uwana gəpəh, ŋgaha azla­tatak uwana gəɗahaŋ.

WAKITÀ UWANA POL ATSETSÈR À AZLA ROM Lettre de Paul aux Romains 6:17

Haɗay aw ay, uwarà kagàw mayà aŋa tsakana, ama lagonay kà, kiya uwaga aya aw. Kakə̀sàw gay uwana atàpakulla, kakə̀sàw azla­tatak uwana atàpakulla la ləv tekula, kikay məgoɗ à Zəzagəla kà uwaga.

WAKITÀ UWANA POL ATSETSÈR À AZLA ROM Lettre de Paul aux Romains 9:22

Iyay, agayŋa Zəzagəla asal magay bokuba masla maŋàl masik uwaga ma aɓəz kakay? Asal kà azladza tasəlay kà masla la mapak ləv gà lakəl aŋa azlaməna tsakana, ŋgaha masla la maslay. Kità aba­sàtàŋ baməraka taɗa­hàhla ləv à Zəzagəla à huɗ, kay, kà atà kà azlayla à atà à mamətsay.

1 Korintiya 11:16

Ama baŋa dza asal mats gay lakəl aŋa uwaga kà, sə̀làw kà, anu kà məsəl madz à ahəŋ anik aw, amiyaka azlaməna gay Zəzagəla babay kà tasəl tetəvi anik babay aw.

2 Korintiya 12:20

Guba aza à gi kà, kà mok uwana gədàda à awtày à slaka akul babay, kadànəŋaw gi bokuba uwana kayahaw babay kəla. Guba aza à gi, kà maɓəz akul à gəl la magazlay, la maŋor, la mapak ləv, la matsən vok a gay aw, la azlagay wadzaw wadzawga, la azla­kaskas, la azla­zlapay ŋgaha la azla­masàh gəl anik anik la abà gesina, à uwana asa à gi aw.

Galatiya 5:20

tasləkaw azla­ma­zlazlay, tasàh nalko­kodzi, fàh vok guvəl à adi, tagazlay, azla­maŋor, azlaməna ləv, tadzugw kà à gəl aŋatà pəra, tatsakla, tatsəna vok à gay aw.

Filipiya 1:17

Ama azladza anik uwaga kà, tapəh gay aŋa Yesu Kristu kà, kà uwana asa à atà magay məŋga kà gi, tapəhay kà la matsəp gay à gay, tayàh maz à gi à ŋgərpa à abà la daŋay.

Filipiya 2:3

Kadzugwaw kà à gəl aŋkul pəra aw, kaɗahaw zlapay aw, wùlàwla gəl à vəɗah, nə̀ŋàwwàŋ azladza anik kà bokuba taɗuwa akul.

2Tesaloniki 1:8

Kiya uwaga Sufəl gami Yesu adàsa à ahəŋ la magol akàl la abà, kà madà­ɗahla seriya à azladza uwana à gəl tapəsew Zəzagəla, ŋgaha azla­uwana à gəl takweska gay marabəŋ lakəl aŋha.

Titus 3:9

Baŋa azladza tabay vok gay dey­dayga kà, kada à abà aw. Baŋa tapəhay lakəl aŋa azla­baba madzi­dziga aŋa uwarà, kada à abà aw, kabay vok gay lakəl aŋa mapəhay aŋa Musa bay aw, kagazllaw akul nna aw, uwaga kà tatak kuso­ŋuga deyday gà pəra.

Ibəranəŋkowen 10:27

Dza uwana aɗehəŋ kiya uwaga kà guba akəs, kà uwana Zəzagəla adà­dukwla seriya à gəl, seriya uwaga kà adàgay kà bokuba akàl ŋəɗəh ŋəɗəhga, uwana adà­ba­ɓəh azlaməna məzam aŋa Zəzagəla à gay.

Ibəranəŋkowen 11:8

Kà uwana Abəraham adìŋ gəl à Zəzagəla à vok, akə̀s gay aŋha à mok uwana: ‘Hàd à gudəŋ anik à abà’, Zəzagəla agòɗal, à uwana asàl mavàl. Ahàd à abatà baməraka asə̀l slaka uwatà babay aw.

Ibəranəŋkowen 5:9

Mok uwana adaɗah sləray aŋha kà, apakà masla maɓəl azladza, uwana takə̀s gay aŋha, ŋgaha aɓə̀l atà kà aŋa tetuwa.

Yakuba 3:14

Ama baŋa kaɗahaw maŋor à azladza anik à vok, ŋgaha akul la ləv səla, ŋgaha kadzugwaw kà lakəl aŋkul pəra, kiya uwaga kà, katsaw zlapay deyday aw, ŋgaha kapəhaw mawi­siga à dziriga à gəl bay aw.

Yakuba 3:16

La slaka uwana azladza maŋor gà la ahəŋ kà, tadzugway kà à gəl aŋatà pəra, azla­tatak tada à vok la tetəvi aya aw, ŋgaha azla­tatak mawi­siga gesina tadàyyi à tsəh lakəl aŋa uwaga.

1 Piyer 3:1

Akul azlamis, hòyàw yewdi aŋa azlazil aŋkul. Baŋa kaɗa­hàwwàŋ kiya uwanay, azlazil aŋkul uwana tasəl gay Zəzagəla aw, tadàɓəɗla madz à ahəŋ, tadàdiŋ gəl à Zəzagəla à vok kà madz à ahəŋ delga aŋa azlamis aŋatà.

1 Piyer 4:17

Kaslà kà adaslay à uwana Zəzagəla aɗah seriya à azladza à gəl. Adàɗah seriya kà azlaaŋha à gəl dadàŋ. Kayyà, baŋa adà­ɗe­həŋ kà azladza aŋha à gəl dadàŋ, ma kakay adàpaka vok la azladza uwana tatsəɓ sləm à gay marabəŋ aw ma?

Mafətàla 14:10

atà tadàsa ŋgərpa la ahàl aŋa Zəzagəla. Tetuwa namnamga adàgay la abà ɗiki­ɗiki aw. Azladza uwana tadàday à akàl à abà uwana makoɗa à ahəŋ gà la huleli, kiya uwanay à uwana tadàsa ŋgərpa la huma azla­ma­lika aŋa Zəzagəla, ŋgaha la huma aŋa magadzaw.

Mafətàla 16:19

Kiya uwaga məŋ huɗ gudəŋ apəslakàhla makər, ŋgaha azlahuɗ gudəŋ, uwana la gudəŋ la vok gesina, tawàslla babay. Katskats awulà à Zəzagəla à gəl, à mawi­siga aŋa gudəŋ Babila. Apakà ləv məŋga lakəl aŋha, la mapak ləv aŋha la abà kà, asà à atà azla­magol ŋgərpa, la magoɗay: “Sàw à gay.”