Mafətàla 4:10 - Wakità Zəzagəla Wakità Aŋa Makəs Vok Slawda Mawga (Cameroun)

¹⁰ Bà kəla uwana taɗehəŋ kiya uwaga kà, azla­ma­dza­haga dzik səla gəl aŋha ufaɗ uwaga kà, takədeɗ à ahəŋ la huma Zəzagəla, uwana madza madzayga la kursi Sufəl la afik, ŋgaha masla uwana la sifa aŋa koksi­koksi, atà tazləɓa masla, tahalàh gara­musa lakəl ala, taɓakàh à vəɗah la huma aŋha.

Mafətàla 4:10 ပူးပေါင်းရင်းမြစ်များ

Mata 2:11

Tadà à gày, tanəŋàŋ bəzi vərna la iyà aŋha Mari­yama. Takədèɗàh à ahəŋ, tazlə̀ɓà bəzi, tapàlla kazlaŋa aŋatà ala, ŋgaha tavàhal azla­tatak: Luwà­luwà, matərsin, ŋgaha la mir.

Luka 24:52

Kiya uwaga tazləɓà, ŋgaha tawùlla à Uru­sa­lima la marabay məŋga.

1 Korintiya 15:10

Ama la vok mahamay aŋa Zəzagəla adapakagəla, à dza uwana kanəŋàwwàŋ lagwa, la vok mahamay aŋha lakəl gulo kà apakà deyday aw. Gəɗahà sləray aŋuvaw ɗaɗuwa à gay aŋa azlaməna matapla anik gesina, uwaga kà gi gəɗahàŋ aw, ama vok mahamay aŋa Zəzagəla uwana la gi la abà.

Mafətàla 10:6

Masla azùw mawaɗay la sləm aŋa Zəzagəla uwana adəv à gay aw, à masla uwana aɗahà zagəla, ŋgaha la azla­tatak uwana la afik gesina, aɗahà kutso la azla­tatak uwana la abà gesina, ŋgaha aɗahà iyaw aya la azla­tatak uwana la iyaw la abà gesina aya gotənaŋ.

Mafətàla 11:16

Mok uwana takə̀ɗ gəl à uwaga, azla­ma­dza­haga dzik səla gəl aŋha ufaɗ uwana tadzàhà madzay la kursi la afik, la huma Zəzagəla takàsà gəl à ahəŋ la huma aŋha, tazləɓà,

Mafətàla 15:4

Haɗay Sufəl, uwana adàhoy yewdi aŋak aw kagoɗ uwa? Uwa à uwana gəzləɓ kà aw adà­goɗay uwa? Dza tsi­ka­slaga, kà kak tekula pəra. Azladza gudəŋ à vok gesina tadàsa à waŋ à huma aŋak, Kà mazləɓ ka, kà uwana azladza gesina tanəŋa uwana kaɗahàŋ, kà la tetəvi aŋha.ˈ

Mafətàla 15:7

Kiya uwaga tekula la tataka aŋa azladza ufaɗ uwaga la abà la sifa, avàh à azla­ma­lika məɗəf uwaga tasà luwà­luwà məɗəf. La azla­tasà uwatà la abà mapak ləv aŋa Zəzagəla adahən à abà. Zəzagəla gami uwana aga la ahəŋ aŋa koksi­koksi, masla la mapak ləv gà lakəl aŋa azladza.

Mafətàla 19:4

Kiya uwaga azla­ma­dza­haga dzik səla gəl aŋha ufaɗ uwatà, ŋgaha la azla­tatak ufaɗ uwatà la sifa, takədèɗ à ahəŋ la huma Zəzagəla uwana aga la kursi la afik, tasləkàw Zəzagəla tagòɗ: “Məzləɓa Zəzagəla! Amen!”

Mafətàla 4:2

Katskats Masasəɗok Zəzagəla akə̀s gi, ŋgaha gənəŋà kursi Sufəl la zagəla la afik, dza nɗzəɗaffa la afik.

Mafətàla 4:4

Kursi anik dzik səla gəl aŋha ufaɗ uwatà la afik azla­ma­dza­haga tadzàh madzay la afik dikəts tatsòkwàh kà azla­lukut me­ɗe­kuga à abà, gara­musa aga atà lakəl, azla­ga­ra­musa uwatà kà maɗehəŋ ga la luwà­luwà.

Mafətàla 4:9

Kiya uwaga azla­tatak ufaɗ uwaga la sifa tahaba à dza madza madzayga uwaga la kursi Sufəl la afik, masla uwana adzà à ahəŋ aŋa tsəràh à awtày, mazləɓay, la maslay, la kikay agay la masla.

Mafətàla 5:14

Mok uwana tahabay kiya uwanay azla­tatak ufaɗ uwaga tagòɗ: “Amen”, ŋgaha azla­ma­dza­haga uwaga takədèɗ à azla­uwana à ahəŋ la kursi la afik, ŋgaha tasləkàw atà aya.

Mafətàla 5:8

Mok uwana adazəɓay kà, azla­tatak ufaɗ uwaga la sifa, ŋgaha la azla­ma­dza­haga dzik səla gəl aŋha ufaɗ uwaga takədèɗ à ahəŋ gesina aŋatà, ŋiziŋ agà atà la ahàl gesina, kəla uwa­be­yuwi aŋatà azla­tasà dewni la ahàl aŋatà, mahənlaga la kidzidzi. Uwaga apəhla ala kà madəv kuɗa aŋa azlaməna gay Zəzagəla.

Mafətàla 7:11

Azla­ma­lika gesina tatsàzl à makəla kursi, ŋgaha à makəla aŋa azla­ma­dza­haga, ŋgaha à azla­tatak ufaɗ uwatà la sifa. Atà takədèɗàh à huma kursi, la makas gəl à vəɗah, ŋgaha tasləkàw Zəzagəla,