Mafətàla 17:8 - Wakità Zəzagəla Wakità Aŋa Makəs Vok Slawda Mawga (Cameroun)

⁸ Tatagà uwaga kanəŋàŋ kà, agà la sifa uwarà, ama lagwa kà la sifa aya aw. Zewk kà, adàwula à uda la afək zəŋzəŋga uwatà la abà aya. Baŋa adasa à uda kà, Zəzagəla adàkəɗay tsokw­fasl. La mok uwana Zəzagəla adzəkà maŋal gudəŋ à vok, atsetsèr sləm aŋa azladza uwana tadàɓəza sifa à wakità aŋa sifa à abà, ama azladza anik la ahəŋ kà, sləm aŋatà la wakità aŋa sifa la abà aw. La kaslà uwana tadànəŋ tatagà uwaga kà, ləv adàval atà à gay, kà uwana agà la sifa uwarà. Ama lagwa kà la sifa aya aw, ama zewk kà adàwula à uda.”

Mafətàla 17:8 ပူးပေါင်းရင်းမြစ်များ

Mata 25:34

Kiya uwaga Sufəl adà­goɗay à azla­uwana la ahàl kaf aŋha lakəl: ‘Sàw à waŋ akul uwana Baba gulo adapis akul gay à vok, ŋgaha ɓə̀zàw à makoray uwana aga maɗa­ha­kullaŋ à ahəŋ gà dagay madzəka gudəŋ à vok.

Luka 10:20

Ama kəla kà, karabaw kà uwana azla­ma­sasəɗok mawi­siga takəs gay aŋkul aw, ama kà, ràbàw kà, kà uwana sləm aŋkul matse­tse­rayga la wakità aŋa sifa la abà, la zagəla la afik!”

Luka 8:31

Azla­zagəla zagəla uwaga tadə̀v kuɗa à Yesu kà mawits atà à afək zəŋzəŋga à abà aw.

Yuhana 17:24

“Baba, kak kavà à gi atà, asa à gi kà atà tagay la slaka uwana gədàgay, ŋgaha kà atà aŋa manəŋ mazləɓay gulo, uwana kavà à gi, kà uwana kawoya gi dagay uwana kaləg maɗàh gudəŋ à vok.

Sləray 15:18

Kiya uwaga à uwana Sufəl Zəzagəla agòɗ, à uwana apə̀hla uwaga ala dagay uwarà la viyaŋu.ˈ”

Efedəya 1:4

Zəzagəla atsa­tsà­mànì anu la Yesu Kristu dagay uwarà, à mok uwana aləg maɗàh gudəŋ à vok kà, kà anu aŋa magay azlaaŋha, kokuɗa mawi­siga la huma aŋha bay.

Titus 1:2

Gəɗahàŋ kiya uwanay kà, kà azladza aŋa masəlay kà atà la sifa adəv à gay aw la Zəzagəla, uwana aɗàh fida aw. Amiyaka gudəŋ à vok kà adadzəka vok dadàŋ, à uwana Zəzagəla apə̀h gay aŋa sifa uwaga à azladza à ahəŋ aw.

1 Piyer 1:20

La kaslà uwana aləg maɗàh gudəŋ à vok, Zəzagəla akə̀sànì masla, ŋgaha lagonay la kaslà uwana gudəŋ à vok adəv à gay, Zəzagəla adàfətalla à ama ala, la dazu­waya, kà masla aŋa maɓəl akul.

Mafətàla 11:7

Ŋgaha mok uwana tadàdəv maz gay aŋatà à gay, tatak fəta asa à uda la afək zəŋzəŋga la abà, akəs atà la guvəl, aɗuwa atà, ŋgaha akaɗ atà.

Mafətàla 17:11

Tatagà uwaga la aslasl gəl aŋha, uwana agà la sifa uwarà, ŋgaha masla la sifa aya aw. Masla tekula la tataka aŋa azla­su­fəl məɗef bay, masla adà­pakay sufəl mamtəgis. Baŋa adà­zla­ŋazlay kà, Zəzagəla adàkəɗay aŋa tetuwa.”

Mafətàla 17:2

Kiya uwaga azla­su­fəl aŋa gudəŋ à vok taɗa­hàhà mabila la masla, ŋgaha atàpla maɗàh mabila aŋha à azladza la mabiy azladza gudəŋ à vok, ŋgaha tadà à maɗàh uwaga à abà babay.”

Mafətàla 20:10

Seteni uwana azà­hà­tàla kà, takə̀s, taduw à gudùh à abà la masla mapəhal gay à ahàl fidaga uwatà. Tadàsa ŋgərpa mavakay la mahənay la abà la abatà aŋa tsəràh à awtày.

Mafətàla 20:12

Ŋgaha aya kà, gənəŋà azla­uwana tamàtsàh gesina, azla­ma­golga la azla­bəzaga, atà tatsàzl à huma kursi aŋa Zəzagəla. La abatà azla­wa­kità mapazl vok gà la ahəŋ, la azla­wa­kità uwatà la abà, à uwana tatse­tsèràh maɗehəŋ aŋa azladza à abà tadza à ahəŋ la sifa aŋa tsəràh. Mok uwana tapəzlay wakità, Zəzagəla aɗahà seriya à azladza uwana à gəl tamàtsàh uwarà. Aɗahà atà seriya la tetəvi aŋha, kalkal bokuba uwana taɗa­hàhàŋ à uwana tatsetsèr à wakità uwaga à abà.

Mafətàla 20:15

Baŋa dza uwana sləm aŋha matse­tse­rayga la wakità aŋa sifa la afik aw kà, tadàduw à gudùh akàl à abà, aŋa tetuwa bay.

Mafətàla 3:10

Kak kafà sləm à gay gulo! Kabasaŋ, kà uwaga gi babay gədàfa à ka sləm, kà kak aŋa madà­diya à matərəɓay uwana à abà, adàsiya azladza gudəŋ à vok à gəl gesina aw.

Mafətàla 3:5

Azla­uwana taguwà à uda la abà la makəɗaslay kiya uwanay, gədà­tsokwah atà à lukut me­ɗe­kuga à abà, gədàwis sləm aŋatà ala la wakità aŋa sifa la abà tetuw aw, la mok uwana gədàgay la huma aŋa Baba gulo la azlamalika aŋha. La dazu­waya gədàpəhay kà, azladza uwanay kà gədà­goɗay ndzer kà: Azla­aŋulo.