Luka 8:10 - Wakità Zəzagəla Wakità Aŋa Makəs Vok Slawda Mawga (Cameroun)

¹⁰ Yesu agòɗ à atà: “Akul kà, kaɓə̀zàw nasiri aŋa masəl godega aŋa wakità Zəzagəla. Ama kà aŋa azladza anik kà, apəhatàla kà la gay la gay la abà pəra: ˈKà atà aŋa manəŋəŋ, ama bokuba tanəŋaŋ aw, kà atà aŋa matsənəŋ ama bokuba tatsənaŋ aw.ˈ”

Luka 8:10 ပူးပေါင်းရင်းမြစ်များ

Mata 11:25

La mok uwatà Yesu agòɗ: “Iyay Baba, Sufəl ana zagəla ŋgaha aŋa vəɗah, ‘Kikay’, gəgoɗ à ka, kà uwana kafatə̀la à azla­be­zaga la à ama ala tatak nasiri gà uwana kahàɗ à azlaməna masəl tatak uwana à adi, ‘Mədawur gəl’, tagòɗ.

Mata 16:17

Kiya uwaga Yesu agòɗal: “Kak la marabay, Səmon kona aŋa Yuhana, kà uwana dza asik à uwana apə̀hakala dziriga uwaga aw, ama Baba gulo uwana la zagəla la afik la uwana apə̀hakala uwaga.

Mark 4:11

Yesu agòɗ à atà: “Akul kà, Zəzagəla avà à akul nasiri aŋa makoray aŋha, ama azladza anik tatsən tatak gesina kà say la gay la gay la abà pəra.

Mark 4:12

Kà uwaga à uwana: ˈTanərzay la yewdi aŋatà babay, ama tanəŋaŋ la dziriga aw, Tatsəɓal sləm la sləm aŋatà babay, ama tatsənaŋ la dziriga aw, Kiya uwaga kà atà aŋa mawul à slaka Zəzagəla aw, ŋgaha Zəzagəla aŋa amatsa à atà tsakana aŋatà ala aw!ˈ”

Yuhana 12:40

ˈZəzagəla aguləfàh atà ala, ada­tsakah à atà haŋkəli à ama, kà yewdi aŋatà aŋa manəŋla aw, kà haŋkəli aŋatà aŋa masəl tatak aw. Ŋgaha kà atà aŋa magola vok à slaka gulo, kà gi aŋa mawur atà ala aya aw.ˈ Zəzagəla agòɗ.

WAKITÀ UWANA POL ATSETSÈR À AZLA ROM Lettre de Paul aux Romains 16:25

Məzləɓà Zəzagəla uwana avà à akul ndzəɗa kà madz à ahəŋ lela la tetəvi aŋha la tsəh. Bokuba uwana apə̀h à azladza la mok uwana gəzà à atà gay marabəŋ lakəl aŋa Yesu Kristu. Gay mahaɗ vok à ahəŋ gà aŋa Zəzagəla bay kà, apəhay à anu kà kalkal la uwaga. Kà uwana tatak uwaga kà, Zəzagəla afətàla à azladza la adi ala dagay uwarà aw.

1 Korintiya 12:11

Uwaga kà bà Masasəɗok tekula gà, gà la uwaga à uwana aɗàh uwaga gesina, masla avà maslay à dza gərga­gər bokuba uwana asal.

Kolosəya 2:2

Gəɗehəŋ kiya uwanay, kà ləv aŋkul aŋa magay la ndzəɗa, ŋgaha kà akul aŋa mawoy vok akul à akul, la ləv tekula. Asa à gi babay kà, kasəlaw dziriga uwana Zəzagəla afə̀tal à ama ala, lakəl aŋa Kristu, kà akul aŋa madz à ahəŋ la abà lela, ŋgaha Zəzagəla aŋa mapi­sa­kulla gay à vok kà aŋa uwaga. Tatak uwana Zəzagəla afə̀ta­nula à ama ala kà, kà Yesu Kristu.

1Timotawus 3:16

La tetəvi aŋa matapla uwaga, Zəzagəla apəhlaŋ ala, ŋgaha apə̀hanula maday gami la tetəvi aŋha la tsəh. Gay uwaga kà aɗuwa tatak gesina ndzer, uwaga lakəl aŋa dza, uwana apə̀hla vok ala, bokuba dza la sləɓ vok. Masasəɗok tsi­kasla apə̀hla masla ala, kà dza dziriga, ŋgaha azla­ma­lika tanəŋàŋ. Azladza tatsənàŋ mapəhay aŋha, tazàhà gay aŋha à azladza uwana tasəl Zəzagəla aw, ŋgaha azladza gudəŋ à vok tadiŋ gəl à masla à vok. La lig aŋa uwaga la ahəŋ kà, Zəzagəla azə̀ɓ à zagəla à slaka mazləɓay gà à abà.