Luka 6:20 - Wakità Zəzagəla Wakità Aŋa Makəs Vok Slawda Mawga (Cameroun)

²⁰ Yesu anərə̀z azlaməna matapla la slaka aŋha agòɗ: “Marabay agay la akul uwana azlaməna kuɗa lagwa, kà uwana makoray Zəzagəla kà adàgay kà aŋkul.

Luka 6:20 ပူးပေါင်းရင်းမြစ်များ

Mata 11:5

Azla­gu­ləf tanəŋla, azla­deri taday, azlaməna akàl zagəla tawarla, azla­ma­da­gazlam bay tatsən sləm, azla­ma­zim­nekiɗ tawal à uda, azlaməna kuɗa babay tatsən gay marabay.

Mata 25:34

Kiya uwaga Sufəl adà­goɗay à azla­uwana la ahàl kaf aŋha lakəl: ‘Sàw à waŋ akul uwana Baba gulo adapis akul gay à vok, ŋgaha ɓə̀zàw à makoray uwana aga maɗa­ha­kullaŋ à ahəŋ gà dagay madzəka gudəŋ à vok.

Mata 5:1

Mok uwana Yesu anəŋà maham à ahəŋ dza uwaga, ahàd à gudəŋ à afik adzà madzay la abatà, azlaməna matapla aŋha tasà à waŋ à slaka aŋha.

Luka 12:32

“Maham à ahəŋ bəziga, guba akəs akul aw, kà uwana asa à Baba kà masla aŋa mav à akul makoray aŋha.

Luka 13:28

La abatà la uwana kadà­tawaw, la mapaɗ sliɗ la tsəh ala təra­wawa, la mok uwana kadànəŋaw Abəraham, Isak, Yakuba, ŋgaha la azlaməna mapəh à atà gay à ahàl, kà mapàh à azladza gesina la makoray Zəzagəla, te­ke­ɗika akul kà akul mawits akul à uda gà.

Luka 14:15

Mok uwana tatsə̀n gay uwaga kà, tekula la tataka aŋa azladza uwana la tatak may la adi, agòɗ à Yesu: “Tsa kətà kà, marabay agay la dza uwana adàzuw tatak may aŋha la makoray aŋa Zəzagəla!”

Luka 16:25

Ama Abəraham agoɗal: ‘Iyay bəzi gulo, dzùgw tsi, kazùw matsiɗay la mok uwana kalə̀g la sifa, ama Lazar kà asà ŋgərpa məŋga. Lagonay kà, adaɓəz à matsiɗay suwaŋ la abanay, ŋgaha kà kak, kadaɓəɗ à matərəɓay à abà.

Luka 4:18

ˈMa­sasəɗok ana Sufəl Zəzagəla lakəl gulo, Akə̀sànì gi, kà gi aŋa madla gay matsi­ɗayga à azlaməna kuɗa. Aslə̀l gi à waŋ kà, kà gi aŋa mapəh gay mapəlla à azlaməna daŋay, Kà mavàh yewdi à azla­gu­ləf, Ŋgaha kà mataf azla­uwana tas ŋgərpa.

Sləray 14:22

Kəla gudəŋ uwana tadàhà à abà kà, tadzərə̀ɗàhà azlaməna madiŋal gəl à vok ala, kà matsizl à madiŋal gəl à vok à afik. “Haɗay kà, mad à makoray Zəzagəla kà, say maguw à uda kà la azla­magol ŋgərpa la abà dadàŋ.”

2 Korintiya 6:10

Amiyaka mədagay la mazaw la gəl la abà məŋga kà, məda à huma à gay la marabay. Məkor tatak məŋga la gudəŋ uwanay la vok aw, ama aŋuvaw məpak azladza ala kà azla­go­robu la tetəvi aŋa Zəzagəla la tsəh. Haɗay kà, bokuba məkor tatak aw, ama tatak gesina kà, anu məkoray la huma aŋa Zəzagəla.

2 Korintiya 8:2

Madiŋal gəl à vok aŋatà kà adzəkà vok kà la matap atà aŋa azlaŋ­gərpa la afik məŋga, ama bà la uwaga bay kà, tagà la marabay məŋga məŋga, baməraka takor tatak aw babay kà tahamà gay à tatak à vok məŋga.

2 Korintiya 8:9

Kasəlaw vok mahamay aŋa Sufəl gami Yesu Kristu. Masla kà gorobu, ama akəs magay kuɗa kà akul. Uwana aɗahà, uwaga apakà gəl aŋha ala, kà masla kuɗa kà, kà akul aŋa magay azla­go­robu la madiŋal gəl à vok la abà gesina.

1Tesaloniki 1:6

Akul, kanəfaw madz à ahəŋ gami, ŋgaha la aŋa Sufəl Yesu babay, kasàw ŋgərpa məŋga kà gay uwaga, ama kakə̀sàw gay aŋa Zəzagəla la ləv aŋkul la tsəh la marabay uwana Masasəɗok tsi­kasla avà à akul.

2Tesaloniki 1:5

Azla­tatak uwanay gesina apəhanula, kà Zəzagəla adàɗah seriya la dziriga. Kasaw ŋgərpa kà makoray Zəzagəla, la uwaga la uwana adà­zlayla akul aŋa mad à slaka makor gəl à abà.

Yakuba 1:12

Marabay agay la dza uwana abasa azla­ma­guray uwaga lela gesina, adàɓəza sifa adəv à gay aw, uwana Zəzagəla apəh à ahəŋ kà aŋa azla­uwana tawoya masla.

Yakuba 2:5

Azlaməna gay ləv gulo, fàwal sləm lela, kasəlaw kà Zəzagəla atsa­tsà­mànì azlaməna kuɗa aŋa gudəŋ à vok uwanay, kà atà aŋa madiŋ gəl à Yesu à vok aw, takay? Ŋgaha kà atà aŋa maɓəzal ləmana dziriga gà. Atsa­tsà­mànì atà, kà atà aŋa maɓəzal makoray, uwana apə̀h à ahəŋ kà mavày azla­uwana tawoya masla.

Mafətàla 2:9

Gəsəl matərəɓay uwana katərəɓay, gəsəl kà kak masla kuɗa aŋa gudəŋ à vok. Ama la slaka gulo kà kak gorobu. Gəsəl mawi­siga uwana azladza tapə̀h à kak à vok babay. Məna mapəh à ka uwaga à vok kà: ‘Anu azla Yahu­diya’, tagoɗ. Ama tsa, azla Yahu­diya kà aŋa gay gà pəra, maham à ahəŋ aŋatà kà aŋa seteni.