Luka 4:18 - Wakità Zəzagəla Wakità Aŋa Makəs Vok Slawda Mawga (Cameroun)

¹⁸ ˈMa­sasəɗok ana Sufəl Zəzagəla lakəl gulo, Akə̀sànì gi, kà gi aŋa madla gay matsi­ɗayga à azlaməna kuɗa. Aslə̀l gi à waŋ kà, kà gi aŋa mapəh gay mapəlla à azlaməna daŋay, Kà mavàh yewdi à azla­gu­ləf, Ŋgaha kà mataf azla­uwana tas ŋgərpa.

Luka 4:18 ပူးပေါင်းရင်းမြစ်များ

Mata 11:5

Azla­gu­ləf tanəŋla, azla­deri taday, azlaməna akàl zagəla tawarla, azla­ma­da­gazlam bay tatsən sləm, azla­ma­zim­nekiɗ tawal à uda, azlaməna kuɗa babay tatsən gay marabay.

Mata 12:18

Zəzagəla agòɗ: ˈA aganay masla sləray gulo uwana gəkə̀sànì, Uwana gəwoyàŋ ŋgaha marabay gulo lakəl aŋha. Gədà­sləl Masasəɗok gulo à gəl aŋha, Ŋgaha adàz gay seriya gulo à azlatsəhay gudəŋ à vok gesina.

Mata 12:20

Adà­davla à gay à mazuwa manəlfa­hayga à vok aw, Ŋgaha akàl fənəs uwana atəm à ahəŋ ŋuliza bay kà, adà­dəvla à gay à vok aw. Masla adàdz à ahəŋ kiya uwanay tsəràh à maɗàh dziriga à gudəŋ à vok gesina.

Mata 4:16

Tsəhay uwana adz à ahəŋ la mələs la abà, Adànəŋ magol uɗaka. Azla­uwana tadz à ahəŋ la dzəgay aŋa mamətsay la abà bay, Uɗaka adàpəhatàla vok.ˈ

Mata 5:3

“Marabay agay la azladza uwana tasəl la gəl aŋatà kà azlaməna kuɗa, kà uwana makoray Zəzagəla kà aŋatà!

Luka 4:17

Tavàl à ahàl wakità aŋa Yesayya, masla mapəhal gay à ahàl, à ahàl, apapàs wakità uwatà à uda ŋgaha abə̀z à slaka anik uwana tatsetsèr kà:

Luka 6:20

Yesu anərə̀z azlaməna matapla la slaka aŋha agòɗ: “Marabay agay la akul uwana azlaməna kuɗa lagwa, kà uwana makoray Zəzagəla kà adàgay kà aŋkul.

Luka 7:22

Kiya uwaga awùlla gay à azlaməna masləl atà à waŋ gà aŋa Yuhana: “Dàw, kadàpəhaw à Yuhana uwana kanəŋàwwàŋ la uwana katsənàwwàŋ: ˈAzla­gu­ləf tanəŋla, azla­deri taday, azlaməna akàl zagəla tawarla, azla­ma­da­gazlam tatsən sləm, azla­ma­zim­nekiɗ tawul à uda la mamətsay. Ŋgaha gay matsi­ɗayga babay adatsən à azlaməna kuɗa.ˈ

Yuhana 1:41

Teraŋa dadàŋ, Andəre agagàm la deda aŋha Səmon, agòɗal: “Kay, mədanəŋ Kristu, bokuba magoɗay: dza uwana Zəzagəla afàl dzakwa à gəl!”

Yuhana 12:46

Gi kà, gəsà à waŋ à gudəŋ à vok kà bokuba gi uɗaka, kəla dza uwana adiŋ gi gəl à vok kà, adz à ahəŋ la mələs la abà aw.

Yuhana 3:34

Dza uwana Zəzagəla aslə̀lla à waŋ apəhay gay aŋa Zəzagəla, kà uwana ahənə̀ŋ ala la Masasəɗok aŋha.

Sləray 10:38

Kasəlaw à uwana Zəzagəla aslə̀l Masasəɗok aŋha à ahəŋ, à Yesu zil Nazaret à gəl, ŋgaha kasəlaw babay, à uwana Yesu augu­zàhàh la azla­gu­dəŋ la abà gesina la maɗehəŋ delga la mawar azladza uwana ala, atà la ahàl aŋa seteni. Ndzer kà, Zəzagəla agà la masla.

Sləray 26:18

kà kak aŋa mapəzlla atà yewdi, kà kak aŋa masəlla atà à uda la mələs la abà, ŋgaha kadala atà à uɗaka à abà, katəf atà la ndzəda aŋa seteni la abà, kà atà aŋa mad à masal aŋa Zəzagəla à abà, kà atà aŋa maɓəz mama­tsila tsakana aŋatà. Kà slaka aŋatà aŋa magay la tataka aŋa azla­uwana la abà, tadiŋ gəl à Yesu à vok à uwana Zəzagəla ada­tsa­tsa­mani atà’, Yesu agòɗ.”

Sləray 4:26

Azla­su­fəl aŋa gudəŋ à vok taɗahà vok à ahəŋ kà aŋa guvəl, Ŋgaha azlaməŋga bay tatsə̀n vok gay Lakəl aŋa Sufəl Zəzagəla ŋgaha lakəl aŋa Kristu aŋha, (Masla mafal dzakwa à gəl gà).ˈ

Sləray 4:27

Ndzer, apakà vok la abanay la Uru­sa­lima, Herod la Pontsəyus Pilatus, la azladza à uda gà ŋgaha la azlatsəhay Isərayel tahamà gay à vok gesina lakəl aŋa Yesu, magamza tsi­ka­slaga aŋha, uwana mafal dzakwa à gəl gà.

Kolosəya 1:13

Zəzagəla Baba atə̀fa­nula à makoray aŋa mələs la abà, masla la uwana aɓə̀k anu à makoray aŋa Kona aŋha uwana à abà, awoyaŋ.

Yakuba 2:5

Azlaməna gay ləv gulo, fàwal sləm lela, kasəlaw kà Zəzagəla atsa­tsà­mànì azlaməna kuɗa aŋa gudəŋ à vok uwanay, kà atà aŋa madiŋ gəl à Yesu à vok aw, takay? Ŋgaha kà atà aŋa maɓəzal ləmana dziriga gà. Atsa­tsà­mànì atà, kà atà aŋa maɓəzal makoray, uwana apə̀h à ahəŋ kà mavày azla­uwana tawoya masla.

1 Piyer 2:9

Te­ke­ɗika, kà aŋkul azlatsəhay uwana Zəzagəla akə̀sànì akul, akul maham à ahəŋ məna mav tatak à Zəzagəla, akul tsəhay tsi­ka­slaga aŋha. Masla atsa­tsà­mànì à akul, kà akul aŋa mazin à azladza aŋha azla­tatak məŋga, uwana la abà aɗa­hàhàŋ. Masla la uwana ahə̀l akul à uda la mələs la abà, ŋgaha aɓə̀k akul à uɗaka aŋha à abà, uwana apə̀hla à akul ala, kà akul dzəɓa aŋha səla aw gà.