Luka 20:17 - Wakità Zəzagəla Wakità Aŋa Makəs Vok Slawda Mawga (Cameroun)

¹⁷ Ama Yesu anərə̀z atà la magoɗay: “Uwanay tatsetsèr, ma mana asal mapəhla ala tak ma? ˈAkur uwana azlaməna maŋal gày tapəsèw kà, Masla la uwana adagay akur mawaɗ gày gesina.ˈ

Luka 20:17 ပူးပေါင်းရင်းမြစ်များ

Mata 21:42

“Iyay”, Yesu agòɗ à atà: “Kadzèŋàw didi à uwana matse­tseray apəhay aw takay? ˈAkur uwana azlaməna maŋal gày tamə̀l ala kà, Masla la uwana adapak akur mawaɗ gày, Kiya uwaga la uwana Sufəl aɗehəŋ, Ŋgaha uwaga kà akəsa à vok kà aŋami kà manəŋ uwaga!ˈ”

Mark 10:23

Yesu anəŋà azlaməna matapla la slaka aŋha à adi, agòɗ à atà: “Zla­zlaɗa kà aŋa dza galepi kà mad à makoray Zəzagəla!”

Mark 12:10

Haɗay, kadzèŋàw gay uwanay la wakità Zəzagəla la abà: ˈAkur uwana azlaməna maŋal gày tamə̀lla kà, masla la uwana adapak akur mawaɗ gày.

Mark 3:5

Yesu atsəkà à atà yewdi à gay la mazinal à gəl. Ama apàk ləv məŋga kà madzugway mawi­siga aŋatà. Kiya uwaga agòɗ à dza uwatà: “Biyà ahàl ala!” La kirim yewdi awùr ala.

Luka 19:41

Mok uwana Yesu azlàbə̀z à huɗ gudəŋ kà, adzəkà matuway à uwana ada­nəŋəŋ

Luka 22:37

Kà uwana la dziriga kà tatak uwana tatsetsèr lakəl gulo kà say agəɗ à afik, ˈMasla kà, tatugwla la azlaməna tsakana.ˈ La haɗay kà, uwana tatsetsèr lakəl gulo kà adagəɗ à afik.”

Luka 22:61

Sufəl Yesu agòla vok, anəŋà à Piyer à adi, ŋgaha awùl à Piyer à gəl, à gay aŋa sufəl uwana apə̀hal à vok à abà uwarà: ‘Gurayŋa mew­g­dza­galaŋ ada­wiyay lakana kà asik makər kà, kadà­goɗay kà, kasəl gi aw.’

Luka 24:44

La lig la ahəŋ agòɗ à atà: “Mok uwana gi la akul gəgòɗ à akul kà: Tatak uwana matse­tse­rayga lakəl gulo la wakità aŋa Musa la abà la azla­uwana la wakità aŋa azlaməna mapəh à atà gay à ahàl la abà kà mapàh à azladza anik, ŋgaha la uwana la mahabay aŋa David la abà gesina kà, azlayla kà vok apakà vok haɗay.”

Yuhana 15:25

Ama uwaga apakà vok kà, kà magəɗ uwana à afik tatsetsèr à wakità mapəhay à abà: ˈTa­da­zingəŋ vok ala kà kiga pəra.ˈ” Yesu agòɗ à atà.

Sləray 4:11

Lakəl aŋa Yesu uwanay, à uwana wakità Zəzagəla apə̀h lakəl aŋha agòɗ: ˈAkur uwana akul azlaməna maŋal gày kadù­wàwla, masla la uwana adapak akur mawaɗ gày.ˈ

Efedəya 2:20

Akul kà bokuba akul azlaakur uwana tahazlla gày, matatukw gày kà azlaməna asik, la azlaməna mapəh à atà gay ahàl kà mapahàh à azladza, ŋgaha Yesu Kristu la gəl aŋha kà, akur mawaɗ gày, akəs azlaanik.

1 Piyer 2:6

Kiya uwanay tatsetsèr à wakità Zəzagəla à abà: ˈNə̀ŋàwwàŋ, gəfa akur tekula à gudəŋ uwana sləm aŋha Siyon, kà aŋa maŋal gày gulo, azlaakur anik tadàdal à gəl. Gəyà­hànì kà uwana dzəɓa aŋha səla aw, kəla dza uwana adiŋ gəl à masla à vok ziruwi, adàkəsay tetuwa aw.ˈ