Luka 11:13 - Wakità Zəzagəla Wakità Aŋa Makəs Vok Slawda Mawga (Cameroun)

¹³ Akul azla­ma­wi­siga nəma, ama kasəlaw mav tatak delga à azlabəza aŋkul, ŋgaha zlà ma ada­məraka Baba uwana la zagəla la afik takay. A masla uwana avàhay Masasəɗok aŋha à azladza uwana tanaval?”

Luka 11:13 ပူးပေါင်းရင်းမြစ်များ

Mata 5:16

Kiya uwaga la uwana uɗaka aŋkul auɗay la huma aŋa azladza gudəŋ à vok kəla suwaŋ, kà azladza gudəŋ à vok aŋa manəŋ sləray aŋkul kà delga, ŋgaha atà tadà­zləɓ Baba aŋkul uwana la zagəla la afik.”

Mata 5:45

Kà akul aŋa magay azlabəza aŋa Baba aŋkul uwana la zagəla la afik. Kà uwana avəɗ afats à azlaməna tsakana, kiya aŋa azladza dziriga babay. Ŋgaha asuw iyaw à azladza dziriga, asuw à azlaməna tsakana babay.

Mata 6:14

“Baŋa kaba­sawwaŋ à azladza anik uwana taɗa­hà­kulla mawi­siga à vok, Baba aŋkul uwana la zagəla la afik adà­ba­sa­kulaŋ suwaŋ.

Mata 6:30

Zəzagəla adàw lukut à azlakəsaf uwana à vok la fəta bay lakana, te­ke­ɗika lebəŋ kà tadà­ya­kats à akàl à abà: ŋgaha ma azlayla kà vok aɗuwa à akul à vok ɗaɗuwa aŋatà babay aw takay? Akul kà madiŋal gel à vok à tsəh kà akul ala.

Mata 6:32

Uwaga kà, azla­uwana tasəl Zəzagəla aw, la uwana tayàh tatak uwaga koksi­koksi. Ama Baba aŋkul uwana la zagəla kà, asəl tatak uwana kanawkuɗa aŋha.

Mata 7:11

Iyay, akul azla­ma­wi­siga nəma, ama kasəlaw mavày tatak delga à azlabəza aŋkul, ŋgaha ma asa à məraka Baba aŋkul uwana la zagəla ay? Aɗuwa à akul la mav tatak delga à azladza uwana tanaval tatak!”

Luka 11:12

Awma baŋa anaval slaslay ma avàl aliz ay?

Luka 11:2

Yesu agòɗ à atà: “Baŋa kadəvaw kuɗa kà, gòɗàw kà: Baba, Sləm aŋak tsi­kaslaga agay masəlay gà, la slaka azladza. Ŋgaha makoray aŋak atsa à waŋ.

Luka 18:7

Kətà zlà ma, Zəzagəla kà adàɗah dziriga à azla­uwana atsa­tsà­mànì atà aw, kagoɗaw takay? Adàɗah dziriga à azla­uwana tanàval tatak mavakay la mahənay gesina. Ŋgaha vok ahamàl kà atà babay aya.

Yuhana 4:10

Yesu awulà ala: “Agayŋa kasəl tatak uwana Zəzagəla avày kà, ŋgaha naka kasəl dza uwana anava à ka iyaw masay kà, naka kak la uwana kanaval iyaw sifa, ŋgaha naka avà kà uwaga.”

Sləray 2:38

Piyer agòɗ à atà: “Pə̀hàw gay la ləv ala, ŋgaha kəla uwa­be­yuwi aŋkul taɗa­halla batem la sləm aŋa Yesu Kristu kà tsakana aŋkul aŋa mama­tsilla. Ŋgaha Zəzagəla adàvà à akul Masasəɗok aŋha.

WAKITÀ UWANA POL ATSETSÈR À AZLA ROM Lettre de Paul aux Romains 5:17

Ndzer kà, dza tekula aɗahà tsakana, ŋgaha tsakana akə̀s dza à gay gesina kà madegolay dza tekula uwaga. Ama dza anik, à Yesu Kristu aɗahàŋ kà sləray anik. Kà made­golay masla, Zəzagəla avà mapis gay à vok la maɗuw à vok aŋha. Ŋgaha tadàɓəz sifa, tadà­koray koksi­koksi, kà made­golay Yesu Kristu.

WAKITÀ UWANA POL ATSETSÈR À AZLA ROM Lettre de Paul aux Romains 7:18

Gəsəl kà delga la ahəŋ la gi la abà aw, à gi dza uwana gi dza asik aw. Kay kà, asa à gi maɗàh delga nəma, ama gəslala vok aw, kà uwaga.

WAKITÀ UWANA POL ATSETSÈR À AZLA ROM Lettre de Paul aux Romains 8:32

Zəzagəla kà akweslà bəzi aŋha aw, aslə̀l à waŋ kà masla aŋa mamətsay kà, kà aŋami gesina. Tsa Zəzagəla avà à anu Kona aŋha ma, sako­raka azla­tatak anik la uwana avà à anu aw takay?

Titus 3:3

Pə̀h à atà kiya uwaga, kà uwana anu babay uwarà məga azla­ku­soŋu babay, mədza­dzà­ŋàhà gəl gami ala. Tetəvi dziriga aŋa Zəzagəla azà anu à adi, kà uwana mətawàh kà maɗàh azla­tatak mawi­siga à tsəh pəra, məgà kà azla­ma­wi­siga, tetuw tetuw məfàhà à adi à tatak aŋa azladza anik à tsəh. Azladza tapəsèwàh anu, ŋgaha anu babay məpəsèwàh atà suwaŋ.