2 Korintiya 10:6 - Wakità Zəzagəla Wakità Aŋa Makəs Vok Slawda Mawga (Cameroun)

⁶ Anu kà mədàɗah vok à ahəŋ kà matsərəkwàh azla­uwana takəs gay aw, à baŋa akul kà akul azlaməna makəs dziriga aŋa Zəzagəla.

2 Korintiya 10:6 ပူးပေါင်းရင်းမြစ်များ

2 Korintiya 2:9

Uwana gətsetser à akul kà, kà akul aŋa masəl dziriga aŋha, kà gi aŋa masəlay à baŋa kakəsaw gay gulo aŋa tetuwa.

2 Korintiya 7:15

Mok uwana adà à awtày à slaka aŋkul kà, kakə̀sàw masla la ahàl səla, kasləkàwàw gesina aŋkul, kakə̀sàw gay aŋha. Baŋa adzugway lakəl aŋa uwaga kà, mawoy akul aŋha kà azalà vok à gəl.

2 Korintiya 13:2

Gay aŋa mapəh à azladza uwana à vok à abà taɗahàŋ tsakana la tataka aŋkul la abà, ŋgaha azla­ma­təm à ahəŋ gà gesina kà, gəpəh à akul bokuba uwana gəpə̀h à akul dagay la madzəka à mok, uwana gəgà la slaka akul kà masəla. Baŋa gədàda à awtày kà, gədà­ɗaha à atà seriya à gəl la paraka.

2 Korintiya 13:10

Wakità uwanay gətsetser kà, la mok uwana gələg mabəz à slaka aŋkul dadàŋ. Kà uwana baŋa gədàda à awtày kà, asa à gi aŋa matsətsəhakulla la gay dzaŋ­d­zaŋga aw. Kà uwana Sufəl Zəzagəla avà à gi ndzəɗa aŋha kà maka­làhla akul à vəɗah aw, ama say kà matsizlla akul ala pəra.

3Yuhana 1:10

Gay gà la uwaga, gədàpəhay la paraka azla­tatak mawi­siga gesina uwana aɗahàŋ à azla­deda gami à vok, à mok uwana gədàgay la tataka aŋkul la abà. Masla apə̀h à anu azlagay maksa­fər à vok, azla­fida gesina uwana apəhay lakəl gami. Ama bà uwaga pəra aw. Kaykay aya kà, akə̀s azla­deda gami uwana tadà à awtày aw, ŋgaha aɗàɗ gay à azladza à ahəŋ, kà makas atà aya, la tataka azlaməna gay Zəzagəla la abà, ŋgaha akàs atà à uda la gày Zəzagəla la abà.

1Timotawus 1:20

La tataka aŋatà la abà Himene atà la Ale­kəsander la ahəŋ, uwana gəɓə̀k atà à seteni à ahàl kà atà aŋa maguray, ŋgaha kà atà aŋa maɓəz tetəvi aŋa mawi­siga lakəl aŋa Zəzagəla aya aw.

1 Korintiya 4:21

Mana à uwana asa à akul lagwa ma? Gəda à awtày ma la azəva la ahàl ay, awma la masal ŋgaha la ləv tələmma ay?

WAKITÀ UWANA POL ATSETSÈR À AZLA ROM Lettre de Paul aux Romains 2:23

Kayyà, katsaw zlapay kà kaykay la magoɗay kà: ‘Məsəl mapəhay aŋa Zəzagəla’, kagoɗaw, ama kà kalawla mapəhay aŋha ala, kiya uwaga kà, kawisaw sləm aŋa Zəzagəla ala.