Tito 3:14 - Mixteco del suroeste de Tlaxiaco Oaxaca

¹⁴ Jee rá ñanitáꞌán‑ó íyó kutu̱ꞌva ráa kɨtíñú ráa saꞌá ráa tiñu váꞌa, sáva kɨtuvi ráa jín rá ñɨvɨ jíniñúꞌún ya̱ kutekuꞌ rává, jee sáva nkuéꞌnu ka̱ꞌá ráa.

Tito 3:14 ပူးပေါင်းရင်းမြစ်များ

Mateo 21:19

Jee niniꞌ re̱ꞌ ɨɨn yutun higo íñɨ́ yuíchí, jee ña̱kuyatin re̱ꞌ jie̱ꞌe̱ꞌ‑e, soo ni ntu̱náꞌ higo níꞌínꞌ re̱ꞌ, chi ntu̱náꞌ nínta, chi kua̱chi nayúkuꞌ‑u nééꞌ. Saájee nkachiꞌ re̱ꞌ nu̱u̱nꞌ yutun higo vá: ―Ni nsáꞌ kuun ka̱ꞌ ya̱ vixíꞌ nu̱u̱nꞌ nú nɨ́ɨ́nkání ―nkachiꞌ re̱ꞌ. Jee kuísá nnachi yutun higo vá.

Mateo 7:19

Saájee ntáká yutun ya̱ ntu jiáꞌa ya̱ vixíꞌ váꞌa, jee jiéꞌnéꞌ maa, jee chuꞌun maa nu̱u̱nꞌ ñuꞌúnꞌ.

Juan 15:16

Chi nsú ránoꞌó nka̱ji rán nuꞌuꞌ, chisaꞌ nuꞌuꞌ nka̱ji ni̱ꞌ ránoꞌó ya̱ kɨꞌɨ rán nu̱u̱nꞌ ni̱ꞌ, jee ñani ni̱ꞌ ránoꞌó kuneeꞌ tiñu si̱kɨ̱ꞌ rán, sáva saꞌá rán tiñu ni̱ꞌ kuéntáꞌ kúun uva, sáva tiñu váꞌa vá kino̱o‑o kutú‑u. Sáva néni ɨɨn ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee taji re̱ꞌ maa nu̱u̱nꞌ rán.

Juan 15:8

Jee retú jiáꞌnu rán sáni kuíni Ndiosíꞌ, kúvi rán kuéntáꞌ yokúꞌúꞌ kúun víꞌí uva jee yaꞌá kúvi ya̱ stúvi rán ya̱ kúñáꞌnú Ndiosíꞌ, jee suni sukuán kúvi nijia rán rá ñɨvɨ ya̱ súkuáꞌa ni̱ꞌ ránoꞌó níkɨ́nꞌ rán nuꞌuꞌ.

Hechos 18:3

Jee nkino̱o re̱ꞌ jín ráa jee nsa̱tíñú re̱ꞌ jín ráa. Chijie̱ꞌ ɨɨn nu̱u̱nꞌ ni tiñu yɨ́tíñú‑u jín ráa, ya̱ sáꞌá ráa vesayo saꞌma.

Hechos 20:35

Jee jie̱ꞌe̱ꞌ nsa̱ꞌá ni̱ꞌ nɨꞌɨ yaꞌá, jee suꞌva nna̱stúvi ni̱ꞌ ya̱ íyó satíñú ni̱ꞌin‑ó sukuán, sáva chineí‑ó rá ñɨvɨ kúmániꞌ nu̱u̱nꞌ. Naku̱ꞌun iniꞌ rán tu̱ꞌun ya̱ nkachiꞌ I̱toꞌoꞌ‑ó Jesús: “Netuꞌ kúvi‑ó ka̱ꞌ ku̱ꞌva‑ó nsú ká natɨɨn‑ó.”

Romanos 12:13

Jee chineí rán ya̱ jíniñúꞌún rá ñɨvɨ nsa̱ꞌá sɨ́ɨ́n Ndiosíꞌ ráa sáva kɨꞌɨ ráa nu̱u̱nꞌ Cristo. Jee koo ma̱ni̱ꞌ iniꞌ rán ku̱ꞌva rán ntíꞌ veꞌi rán kino̱o rá ñɨvɨ yɨ́ꞌɨ́ ráa nu̱u̱nꞌ Cristo ya̱ jíka ráa ichi.

Romanos 15:28

Saáva sáá sijínu ni̱ꞌ tiñu yaꞌá ya̱ kɨ̱ꞌɨ̱nꞌ ni̱ꞌ kɨ̱na̱ka ni̱ꞌ ya̱ nna̱sokoꞌ ráa, jee sáá kene ni̱ꞌ kɨ̱ꞌɨ̱nꞌ ni̱ꞌ nu̱u̱nꞌ ñuunꞌ España jee kua̱jiaaꞌ ni̱ꞌ nu̱u̱nꞌ nééꞌ rán ni ichi kua̱jia̱ꞌa ni̱ꞌ.

Efesios 4:28

Jee ñɨvɨ ya̱ sákuíꞌná, jee koto sákuíꞌná‑a ka̱ꞌ, chisaꞌ íyó satíñú‑u jín naꞌá‑a tiñu kúvi ya̱ váꞌa, sáva ni̱ꞌi̱nꞌ‑i ya̱ ku̱ꞌva‑a nu̱u̱nꞌ inka ñɨvɨ ya̱ jíniñúꞌún.

Filipenses 1:11

Chi jiáꞌnu na̱a̱ꞌ víꞌí rán sáꞌá Jesús ya̱ kúvi re̱ꞌ Cristo, chi kínóo na̱a̱ꞌ rán nu̱u̱nꞌ re̱ꞌ sáꞌá re̱ꞌ, jee suꞌva stúvi re̱ꞌ ya̱ viiꞌ nasɨ́kuitɨꞌ kúñáꞌnú Ndiosíꞌ jee nakuetúꞌún ñɨvɨ maa.

Filipenses 4:16

Chi sáá nneeꞌ ni̱ꞌ ne̱ ñuunꞌ Tesalónica ni ka̱ꞌ, jee ɨɨn u̱vi̱ꞌ íchí nchu̱ichí rán ya̱ niniñúꞌún ni̱ꞌ.

Filipenses 4:17

Nsáꞌ núkú ni̱ꞌ, ya̱ taji rán ta̱ꞌvi̱ꞌ nu̱u̱nꞌ ni̱ꞌ, chisaꞌ núkú ni̱ꞌ ya̱ si̱kɨ̱ꞌ ka̱ꞌ kaa ta̱ꞌvi̱ꞌ ya̱ taji Ndiosíꞌ nu̱u̱nꞌ rán, jie̱ꞌe̱ꞌ ya̱ váꞌa sáꞌá rán.

Colosenses 1:10

Suꞌva jíkánꞌ táꞌvíꞌ ránꞌ nu̱u̱nꞌ Ndiosíꞌ, sáva kaka na̱a̱ꞌ rán sánikua̱ꞌ íyó kueꞌnu ñɨvɨ ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó, sáva suꞌva sukuáni kuva̱ꞌa iniꞌ re̱ꞌ kune̱ꞌyá re̱ꞌ na̱sa jíka rán. Jee suꞌva saꞌá rán nta̱ká tiñu váꞌa, kuéntáꞌ ɨɨn yutun jiáꞌa ya̱ vixíꞌ váꞌa. Jee kukueꞌeꞌ ka̱ꞌ kukáꞌnú noo iniꞌ rán na̱sa iniꞌ Ndiosíꞌ.

1 Tesalonicenses 2:9

Chi, ránoꞌó ñanitáꞌán, náꞌán rán ya̱ nsa̱tíñú ni̱ꞌin ráníꞌ jee nnu̱nasɨ́ yɨ́ɨ́ ránꞌ. Nuví niñuꞌ nsa̱tíñú ránꞌ sáva ni̱ꞌi̱nꞌ ránꞌ ya̱ jíniñúꞌún ránꞌ, sáva ntu nkúvi ránꞌ ɨɨn tiñu véi nu̱u̱nꞌ ni ɨɨn ránoꞌó, sáá káchítu̱ꞌún ránꞌ tu̱ꞌun váꞌa Ndiosíꞌ nu̱u̱nꞌ ránoꞌó.

2 Tesalonicenses 3:8

Ni ntu nyájíꞌ ráníꞌ ya̱ nsi̱kútaꞌviꞌ ni ɨɨn ñɨvɨ nu̱u̱nꞌ ránuꞌuꞌ. Chi va̱ni nuví va̱ni yakuááꞌ, nni̱kó néí ránꞌ nsa̱tíñú téyɨ́ɨ́ ránꞌ, sáva ntu kúvi ránꞌ tiñu véi nu̱u̱nꞌ ni ɨɨn ránoꞌó, jie̱ꞌe̱ꞌ ya̱ kutekuꞌ ránꞌ.

Tito 2:8

jín ya̱ kaꞌanꞌ na̱a̱ꞌ va̱ꞌa nú tu̱ꞌun na̱a̱ꞌ, ya̱ ni ɨɨn ñɨvɨ nkúvi natai̱chi̱ꞌ maa, jee sáva kukanuun ñɨvɨ núníꞌin jín noꞌó, chi nkúvi kaꞌanꞌ niva̱ꞌa ráa kune̱ꞌyá ráa yó.

Tito 3:8

Tu̱ꞌun yaꞌá ví máá na̱a̱ꞌ nijia. Jee kuíni ni̱ꞌ, ya̱ íchí sanáaꞌ ni̱ꞌin nú rá tu̱ꞌun yaꞌá nu̱u̱nꞌ rá ñɨvɨ kúneí iniꞌ ráa Ndiosíꞌ, sáva kɨtíñú ráa saꞌá ráa rá tiñu váꞌa. Jee ya̱ váꞌa víꞌí ví rá tu̱ꞌun yaꞌá, jee íyótiñu‑u nu̱u̱nꞌ rá ñɨvɨ.

2 Pedro 1:8

Chi retú sáꞌá rán rá tiñu yaꞌá jee saꞌ víꞌí káꞌ sáꞌá rán maa, jee ni nsáꞌ kueꞌnu ka̱ꞌá rán, jee kene tiñu váꞌa ya̱ váji nu̱u̱nꞌ ya̱ jíníꞌ rán iniꞌ I̱toꞌoꞌ‑ó Jesús ya̱ kúvi Cristo.