Tito 2:6 - Mixteco del suroeste de Tlaxiaco Oaxaca

⁶ Suni sukuán xiníꞌvɨ́ꞌ nú iniꞌ rá te̱e súchí ka̱ꞌ ya̱ kani kájí iniꞌ ráa

Tito 2:6 ပူးပေါင်းရင်းမြစ်များ

1 Tesalonicenses 5:6

Saáva koto ñúꞌún iniꞌ‑ó kuéntáꞌ rá inka ñɨvɨ ya̱ kuéntáꞌ kíxíꞌ ráa chi ntu tɨ́ɨn ráa tu̱ꞌun Jesús. Chisaꞌ nito koo‑ó jee kuꞌun kájí iniꞌ‑ó.

1 Timoteo 5:1

Koto kúxeenꞌ nú nu̱u̱nꞌ ɨɨn te̱e ñáꞌnú, soo nakutíñú nú nu̱u̱nꞌ re̱ꞌ kuéntáꞌ káꞌánꞌ nú jín tátáꞌ nú. Jee nakutíñú va̱ꞌa nú nu̱u̱nꞌ rá te̱e súchí ka̱ꞌ, kuéntáꞌ kúvi ráa rá ñaniꞌ nú,

1 Pedro 5:5

Jee sunisaá ni ránoꞌó te̱súchí, chiꞌi rán maárán xi̱ntíín rá te̱e kúñáꞌnú nu̱u̱nꞌ rán. Jee ntáká rán kuꞌun tu̱ꞌun ñúꞌún láꞌví iniꞌ rán jín ɨɨn inka táꞌán rán chi: Ndiosíꞌ jee íñɨ́ re̱ꞌ si̱kɨ̱ꞌ rá ñɨvɨ ñútéyɨ́ɨ́ iniꞌ, soo va̱ꞌa iniꞌ re̱ꞌ chíneí re̱ꞌ rá ñɨvɨ ya̱ ñúꞌún tu̱ꞌun láꞌví iniꞌ ráa.

1 Juan 2:13

Tée ni̱ꞌ nu̱u̱nꞌ ránoꞌó, rá tátáꞌ, chi ma̱ni̱ꞌ rán jín maáréꞌ ya̱ ya íyó ne̱ tiempúꞌ xíꞌnañúꞌún. Tée ni̱ꞌ nu̱u̱nꞌ ránoꞌó, rá te̱e súchí, chi nku̱neí rán jín kui̱ꞌna̱ꞌ kúñáꞌnú ya̱ ntu kúvi sikúvi re̱ꞌ iniꞌ ránoꞌó nu̱u̱nꞌ kua̱chi. Tée ni̱ꞌ nu̱u̱nꞌ ránoꞌó rá kuáchí lúlí, chi ma̱ni̱ꞌ rán jín Tátáꞌ‑ó Ndiosíꞌ.