Tito 2:5 - Mixteco del suroeste de Tlaxiaco Oaxaca

⁵ jín ya̱ kuꞌun kájí iniꞌ ráa, jín ya̱ koo ninuꞌun ráa, jín ya̱ kuneen kuéntáꞌ ráa veꞌi ráa, jín ya̱ koo ñunkúún iniꞌ ráa, jín ya̱ kɨꞌɨ ráa chi̱ji naꞌá yɨɨ́ ráa, sáva nkákuíyuꞌú inka ñɨvɨ jie̱ꞌe̱ꞌ Tu̱ꞌun Ndiosíꞌ.

Tito 2:5 ပူးပေါင်းရင်းမြစ်များ

Génesis 18:9

Jee ni̱ka̱tu̱ꞌún ráa re̱ꞌ: ―¿Né núꞌ íyó ñasɨ́ꞌɨ́ nú Sara? ―nkachiꞌ ráa nu̱u̱nꞌ re̱ꞌ. Jee nna̱xiníkó re̱ꞌ: ―Nééꞌ ña iniꞌ veꞌi saꞌma yaꞌá ―nkachiꞌ re̱ꞌ nu̱u̱nꞌ ráa.

Génesis 3:16

Nkachiꞌ Ndiosíꞌ nu̱u̱nꞌ ñaꞌan vá: ―Xiníꞌin yɨɨ́ ni̱ꞌ kuyajiꞌ iniꞌ nú sáá kuneeꞌ kue̱ꞌi̱ꞌ nú. Kuteꞌneꞌ iniꞌ nú sáá xtaꞌvíꞌ nú rá se̱ꞌya nú. Niyo iniꞌ nú kutóó nú yɨɨ́ nú. Jee maáréꞌ kosoꞌ re̱ꞌ nu̱u̱nꞌ nú.

Hechos 9:36

Ñuunꞌ Jope nééꞌ ɨɨn ñaꞌan níkɨ́nꞌ ña ichi Jesús, ya̱ naní ña Tabita, ya̱ tu̱ꞌun griego kuíni káchíꞌ Dorcas. Ñaꞌan yaꞌá sáꞌá víꞌí ña tiñu váꞌa, jee sáꞌá víꞌí ña caridad nu̱u̱nꞌ rá láꞌví.

Hechos 9:39

I̱ña̱jée nke̱chí Pedro jee kua̱ꞌa̱nꞌ re̱ꞌ jín ráa. Sáá nkenta ráa jín re̱ꞌ, ña̱na̱ka ráa re̱ꞌ iniꞌ veꞌi yósóꞌ táꞌán vá. Jee nkuti̱yu̱ꞌ ntáká rá ñaꞌan náꞌví nu̱u̱nꞌ Pedro, jee náꞌyúꞌ ráa. Jee xínéꞌénꞌ ráa rá saꞌma kání ñúnkáꞌnú jín rá saꞌma sáꞌá ya̱ nsa̱ꞌá ña sáá ntekuꞌ ña jín ráa.

Romanos 14:16

Koto sáꞌá nú tiñu ya̱ kuvi kaꞌanꞌ niva̱ꞌa inka ñɨvɨ jie̱ꞌe̱ꞌ vá sú jíníꞌ nú ya̱ íyó va̱ꞌa‑a.

Romanos 2:24

Chi suꞌva vá níso nu̱u̱nꞌ Tutuꞌ nééꞌ Tu̱ꞌun Ndiosíꞌ: “Rá ñɨvɨ rá inka nación ya̱ ntu kúvi Israel káꞌánꞌ kuáá ráa si̱kɨ̱ꞌ Ndiosíꞌ jie̱ꞌe̱ꞌ ránoꞌó.”

1 Corintios 11:3

Soo kuíni ni̱ꞌ ya̱ kuniꞌ rán ya̱ yósóꞌ Cristo nu̱u̱nꞌ ntáká te̱e kuéntáꞌ yósóꞌ xi̱ni̱ꞌ nu̱u̱nꞌ yɨkɨkúñu. Jee yósóꞌ ɨɨn te̱e nu̱u̱nꞌ ñasɨ́ꞌɨ́ re̱ꞌ kuéntáꞌ yósóꞌ xi̱ni̱ꞌ. Jee yósóꞌ Ndiosíꞌ nu̱u̱nꞌ Cristo.

1 Corintios 14:34

jee suni sukuán koo jín ntáká rá ñaꞌan ya̱ nútútú jín‑ó, ya̱ níín kuneeꞌ ráña chi ntu̱ví yɨ́netuꞌ kaꞌanꞌ ráña, chisaꞌ íyó chiꞌi ña maáña xi̱ntíín yɨɨ́ ña sánikua̱ꞌ suni káchíꞌ tu̱ꞌun ntee Moisés ya̱ kúvi ley.

Efesios 5:33

Jee suni jie̱ꞌe̱ꞌ yukuán kúvi ya̱ ta ɨɨn ta ɨɨn rán ya̱ kúvi te̱e íyó ñasɨ́ꞌɨ́ íyó kunu̱u̱nꞌ nú ñasɨ́ꞌɨ́ nú, kuéntáꞌ ñúnúunꞌ nú maánú. Jee ñaꞌan ya̱ kúvi ñasɨ́ꞌɨ́ ɨɨn te̱e íyó koo ya̱ ñáꞌnú ña nu̱u̱nꞌ yɨɨ́ ña.

Colosenses 3:18

Ránoꞌó ñaꞌan nta̱na̱ꞌá, chiꞌi rán maárán naꞌá yɨɨ́ rán, chi yaꞌá íyó na̱a̱ꞌ ya̱ suꞌva sáꞌá rá ñaꞌan ya̱ yɨ́ꞌɨ́ ráa nu̱u̱nꞌ I̱toꞌoꞌ‑ó.

1 Timoteo 5:10

jee retú túvi ya̱ váꞌa sáꞌá ña nu̱u̱nꞌ inka ñɨvɨ, jee retú nsi̱kuéꞌnu va̱ꞌa ña se̱ꞌya ña, jee retú ni̱yo ma̱ni̱ꞌ iniꞌ ña, ya̱ njia̱ꞌa ña ntíꞌ veꞌi ña kino̱o ñɨvɨ jíka ichi, jee retú nsa̱ꞌá ña tiñu suꞌva, sáva kootiñu ña nu̱u̱nꞌ rá ñɨvɨ yɨ́ꞌɨ́ nu̱u̱nꞌ Cristo, sú tiñu láꞌví ví‑i ya̱ nna̱kete ña jie̱ꞌe̱ꞌ ráa, jee retú nchi̱neí ña rá ñɨvɨ nóꞌo, jee retú nyɨ̱tíñú ña nsa̱ꞌá ña nta̱ká nu̱u̱nꞌ ya̱ váꞌa.

1 Timoteo 6:1

Nta̱ká ñɨvɨ ya̱ kúvi musúꞌ, ya̱ yɨ́ꞌɨ́ naꞌá ɨɨn i̱toꞌoꞌ, íyó ku̱ꞌvayuꞌú ráa ya̱ íyó saꞌá ñáꞌnú ráa nu̱u̱nꞌ i̱toꞌoꞌ ráa, sáva nkákuíyuꞌú ñɨvɨ kune̱ꞌyá ráa Ndiosíꞌ jín tu̱ꞌun re̱ꞌ ya̱ xínéꞌénꞌ‑ó.

Tito 2:4

sáva sikújia ráña iniꞌ rá ñaꞌan súchí ka̱ꞌ, ya̱ kunu̱u̱nꞌ ráa rá yɨɨ́ ráa, jín ya̱ kunu̱u̱nꞌ ráa rá se̱ꞌya ráa,