Tito 2:3 - Mixteco del suroeste de Tlaxiaco Oaxaca

³ Jee suni sukuán xinéꞌénꞌ nú rá ñaꞌan ñáꞌnú, ya̱ kaka na̱a̱ꞌ ráña, ya̱ kɨtíñú ráña nu̱u̱nꞌ Ndiosíꞌ, jín ya̱ nkákuíyuꞌú ráña, jín ya̱ nsú máá tiñu jíꞌi sáꞌá ráña, jín ya̱ xinéꞌénꞌ ráña ya̱ váꞌa,

Tito 2:3 ပူးပေါင်းရင်းမြစ်များ

Romanos 1:29

Jee chítú ráa jín ntáká tiñu ya̱ ntu íyó na̱a̱ꞌ, [jín kúkuáchi ráa jín ñɨvɨ ya̱ ntu ntánáꞌá jín ráa], máá kánéꞌí ví ráa, máá kuíni víꞌí ráa ka̱ꞌ, manúniváꞌa sáꞌá ráa, chítú ráa jín máá tiñu uꞌvi iniꞌ ráa, sáꞌá ráa ni̱yɨ, sáꞌá ráa tuntíxín, máñáꞌ ráa, sukuáni ñúꞌún niva̱ꞌa iniꞌ ráa, máá tuntúꞌún káꞌánꞌ xi̱ni̱ꞌ táꞌán ráa,

Romanos 16:2

Jee sáá kenta ña i̱ña̱ꞌ jee nákutíñú ni̱ꞌ jie̱ꞌe̱ꞌ ña nu̱u̱nꞌ rán sáva nakuatáꞌví rán ña jie̱ꞌe̱ꞌ yɨ́ꞌɨ́ ña nu̱u̱nꞌ Cristo, sánikua̱ꞌ íyó nakuatáꞌví‑ó ñɨvɨ ya̱ nsa̱ꞌá sɨ́ɨ́n Ndiosíꞌ nkene‑e nu̱u̱nꞌ ya̱ niváꞌa sáva kɨtíñú ráa nu̱u̱nꞌ re̱ꞌ. Jee chineí rán ña rénákúvi ya̱ jíniñúꞌún ña ránoꞌó. Chi nchi̱neí nijia ña kue̱ꞌe̱ꞌ víꞌí rá ñɨvɨ, ne̱ suni nuꞌuꞌ ranika̱ꞌ.

Efesios 5:3

Soo koto sáꞌá rán ni koto káꞌánꞌ rán jie̱ꞌe̱ꞌ tiñu sáꞌá téní ni ɨɨn rán, ni ya̱ sáꞌá ni ɨɨn rán ntáká nu̱u̱nꞌ tiñu ya̱ ntu̱ví íyó ninuꞌun, ni tiñu ya̱ saꞌá uꞌvi iniꞌ ni ɨɨn rán, sáva ni ɨɨn ñɨvɨ ntu̱náꞌ kúvi kachiꞌ ráa ya̱ sáꞌá rán maa. Chi ntu íyó saꞌá ránoꞌó sukuán ya̱ nsa̱ꞌá sɨ́ɨ́n Ndiosíꞌ ránoꞌó ya̱ nkɨ́ꞌɨ rán ka̱ꞌ nu̱u̱nꞌ ya̱ niváꞌa.

1 Timoteo 3:11

Suni sukuán, rá ñaꞌan íyó kueꞌnu ñáꞌnú ráña, jee íyó kuvi ráa rá ñaꞌan, ya̱ ntu sátúꞌún ráña si̱kɨ̱ꞌ inka ñɨvɨ, jín ya̱ ntu jíꞌi víꞌí ráña nixiꞌ, jín ya̱ sukuáni síkúnkuvi ráña nɨꞌɨ ya̱ káchíꞌ ráña ya̱ kúvi kuneí iniꞌ ñɨvɨ ráña.

1 Timoteo 3:8

Suni sukuán, rá te̱e ya̱ nééꞌ si̱kɨ̱ꞌ ráa ya̱ chíneí ráa rá ñɨvɨ kúneí iniꞌ rává Cristo, íyó kuvi ráa te̱e jiáꞌnu ñáꞌnú, jee íyó kuvi ráa te̱e saɨn iniꞌ jín ya̱ nsú máá tiñu jíꞌi sáꞌá ráa, jín ya̱ nkóo uꞌvi iniꞌ ráa ya̱ nku̱núunꞌ ráa xu̱ꞌún ya̱ nsáꞌ níꞌínꞌ ninuꞌun.

1 Timoteo 5:23

Jie̱ꞌe̱ꞌ xtáña̱ꞌán chi̱ji nú jín jie̱ꞌe̱ꞌ yɨ́táꞌán yɨ́táꞌán ni kúꞌvíꞌ nú, koto jíꞌi nú kua̱chi nute ni. Koꞌo nú yakuꞌ nute nu̱xi vinúꞌ, sáva kutátán iniꞌ nú.

Tito 1:7

Chi te̱e kúñáꞌnú ya̱ kuatíñú Ndiosíꞌ kumí re̱ꞌ rá ñɨvɨ kúneí iniꞌ ráa Cristo, saáva maáréꞌ íyó kuvi re̱ꞌ ɨɨn te̱e: ya̱ ntu kúvi chikua̱chi ñɨvɨ, jín ya̱ ntu jiáni téyɨ́ɨ́ iniꞌ, jín ya̱ ntu xe̱e̱nꞌ iniꞌ, jín ya̱ ntu jíꞌi víꞌí nixiꞌ jee ntu jíni, jín ya̱ ntu núkú tuntíxín, jín ya̱ ntu uꞌvi iniꞌ xu̱ꞌún, ya̱ ntu níꞌinꞌ ninuꞌun vá.

Tito 2:4

sáva sikújia ráña iniꞌ rá ñaꞌan súchí ka̱ꞌ, ya̱ kunu̱u̱nꞌ ráa rá yɨɨ́ ráa, jín ya̱ kunu̱u̱nꞌ ráa rá se̱ꞌya ráa,

Hebreos 5:12

Chi ya̱ va̱ji kue̱ꞌe̱ꞌ víꞌí tiempúꞌ ya̱ jíníꞌ rán Tu̱ꞌun Ndiosíꞌ, jee mestrúꞌ ya̱ kúvi rán réáꞌ sukuán ví‑i. Soo ni ntu̱ví, chisaꞌ jíniñúꞌún rán ya̱ tukuni naxinéꞌénꞌ ɨɨn ñɨvɨ ránoꞌó rá tu̱ꞌun yánká ya̱ xíꞌnañúꞌún xínéꞌénꞌ ránꞌ jie̱ꞌe̱ꞌ Tu̱ꞌun Ndiosíꞌ. Chi nkenta kúvi rán kuéntáꞌ ɨɨn nchíkɨ́n ya̱ jíniñúꞌún i̱i̱ꞌ‑i xu̱kui nsú káꞌ neyu.

Apoclipsis 2:20

’Soo súka̱ꞌ sukuán íyó soo íyó ɨɨn kua̱chi si̱kɨ̱ꞌ rán nu̱u̱nꞌ ni̱ꞌ. Chi yɨ́netuꞌ rán néꞌyá rán nu̱u̱nꞌ ɨɨn ñaꞌan naní Jezabel ya̱ káchíꞌ ña nika̱ꞌ ya̱ kúvi ña ñaꞌan ya̱ nákani ña tu̱ꞌun kéne yuꞌú Ndiosíꞌ, soo ntu̱ví. Jee xínéꞌénꞌ ña jee xínáꞌví ña rá musúꞌ ni̱ꞌ ya̱ yɨ́tíñú ráa nu̱u̱nꞌ ni̱ꞌ, sáva saꞌá téní ráa, jín ya̱ kajiꞌ ráa rá sókóꞌ ñɨvɨ nu̱u̱nꞌ rá santúꞌ ñunéꞌyúꞌ.