Tito 2:11 - Mixteco del suroeste de Tlaxiaco Oaxaca

¹¹ Chi ntu̱vi nu̱u̱nꞌ nɨꞌɨ ñɨvɨ ya̱ íyó mániꞌ iniꞌ Ndiosíꞌ néꞌyá re̱ꞌ ñɨvɨ sáá nta̱jí re̱ꞌ Cristo, ya̱ nátavaꞌ re̱ꞌ ñɨvɨ nu̱u̱nꞌ kua̱chi ráa xinánitáꞌvíꞌ re̱ꞌ ráa.

Tito 2:11 ပူးပေါင်းရင်းမြစ်များ

Mateo 28:19

Saáva kuáꞌán rán xinéꞌénꞌ rán tu̱ꞌun váꞌa ni̱ꞌ nu̱u̱nꞌ ñɨvɨ ntáká rá ñuunꞌ sáva kuneí iniꞌ ráa nuꞌuꞌ jee ki̱vɨ ráa xi̱ntíín ni̱ꞌ ya̱ sukuáꞌa ráa tu̱ꞌun ni̱ꞌ, jee sikuánuté rán ráa nu̱u̱nꞌ súví Tátáꞌ‑ó Ndiosíꞌ jín Se̱ꞌya re̱ꞌ, jín Ta̱chi̱ꞌ Ííꞌ re̱ꞌ.

Marcos 16:15

Jee nkachiꞌ re̱ꞌ nu̱u̱nꞌ ráa: ―Kuáꞌán rán kua̱íyó ñɨ̱vɨ́, jee stekútu̱ꞌún rán tu̱ꞌun váꞌa jie̱ꞌe̱ꞌ nuꞌuꞌ nu̱u̱nꞌ rá ñɨvɨ kua̱íyó ñɨ̱vɨ́, ya̱ nsa̱ꞌá Ndiosíꞌ.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.

Lucas 3:6

Sáva ntáká rá ñɨvɨ kuniꞌ ráa na̱ja sikíji Ndiosíꞌ ya̱ sikáku re̱ꞌ ñɨvɨ. Sukuán káchíꞌ nu̱u̱nꞌ tutuꞌ ntee Isaías.

Juan 1:14

Jee maáréꞌ ya̱ kúvi Tu̱ꞌun vá nkenta nkuvi re̱ꞌ ɨɨn te̱e ñunéꞌyúꞌ jee nneeꞌ re̱ꞌ nteñu‑ó. Jee niniꞌ ránꞌ ya̱ viiꞌ nasɨ́kuitɨꞌ kúñáꞌnú re̱ꞌ. Kúñáꞌnú re̱ꞌ chi Se̱ꞌya métúꞌún Ndiosíꞌ kúvi re̱ꞌ ya̱ váji ne̱ nu̱u̱nꞌ Tátáꞌ‑ó Ndiosíꞌ. Jee ntántúníꞌ íyó mániꞌ iniꞌ re̱ꞌ néꞌyá re̱ꞌ yó jee mani kúvi re̱ꞌ ya̱ nááꞌ ya̱ saꞌ víꞌí káꞌ stúvi ya̱ nááꞌ jie̱ꞌe̱ꞌ Ndiosíꞌ.

Juan 1:9

Jee maáréꞌ ya̱ kúvi ñuꞌunꞌ nijia ya̱ túúnꞌ iniꞌ ánímaꞌ nta̱ká rá ñɨvɨ. Nkiji re̱ꞌ iniꞌ ñɨ̱vɨ́ yaꞌá.

Hechos 11:23

Sáá nkenta re̱ꞌ yukuán, niniꞌ re̱ꞌ ya̱ va̱ꞌa nsa̱ꞌá Ndiosíꞌ nu̱u̱nꞌ ráa chi ma̱ni̱ꞌ re̱ꞌ néꞌyá re̱ꞌ ráa. Jee nnusɨ̱ɨ̱ꞌ iniꞌ Bernabé. Jee nna̱chuꞌun neí re̱ꞌ iniꞌ ráa kukáñá víꞌí iniꞌ ánímaꞌ ráa ya̱ kuiñɨ na̱a̱ꞌ ráa jín I̱toꞌoꞌ‑ó.

Hechos 13:43

Sáá ntu̱ꞌu̱ꞌ ya̱ nnu̱tútú ráa, jee kue̱ꞌe̱ꞌ rá ñɨvɨ Israel jín rá ñɨvɨ ya̱ ntu kúvi Israel, ya̱ nni̱vɨ ráa ñujiínꞌ Israel jee néñu̱ꞌun ráa Ndiosíꞌ, jee nnikɨnꞌ ráa Pablo jín Bernabé. Jee nkaꞌanꞌ rává jín ráa, jee nna̱kutíñú rává nu̱u̱nꞌ ráa ya̱ kuni̱ꞌin ráa nu̱u̱nꞌ Ndiosíꞌ, sáva nachituvi re̱ꞌ ráa.

Hechos 13:47

Chi sukuán nta̱túníꞌ I̱toꞌoꞌ‑ó nu̱u̱nꞌ ránꞌ: Ñani ni̱ꞌ nó, sáva kúvi nú kuéntáꞌ ɨɨn ñuꞌunꞌ nu̱u̱nꞌ rá ñɨvɨ ntu kúvi Israel. Sáva stekútu̱ꞌún nú tu̱ꞌun ni̱ꞌ ne̱ nu̱u̱nꞌ nɨ́ꞌɨ ichi ñɨ̱vɨ́, jie̱ꞌe̱ꞌ na̱sa nanitáꞌvíꞌ ráa.

Hechos 17:30

Soo tióꞌ ya̱ta̱ꞌ ntu nsa̱ꞌá kuéntáꞌ Ndiosíꞌ ya̱ ntu jíníꞌ rá ñɨvɨ jie̱ꞌe̱ꞌ re̱ꞌ. Soo vitan tátúníꞌ re̱ꞌ nu̱u̱nꞌ kua̱íyó ñɨvɨ nu̱u̱nꞌ nɨꞌɨ ñɨ̱vɨ́ ya̱ nakani iniꞌ ráa ñujiínꞌ ráa.

Hechos 20:24

Ntu sáꞌá ni̱ꞌ kuéntáꞌ maáníꞌ sú kaꞌniꞌ ráa nuꞌuꞌ. Kua̱chi kuíni ni̱ꞌ sijínu ni̱ꞌ ichi ni̱ꞌ, jee sikúnkuvi ni̱ꞌ tiñu ntaji I̱toꞌoꞌ‑ó, Jesús, nu̱u̱nꞌ ni̱ꞌ. Tiñu vá ví ya̱ istúvi ni̱ꞌ tu̱ꞌun váꞌa jie̱ꞌe̱ꞌ íyó mániꞌ iniꞌ Ndiosíꞌ, sú ntu̱náꞌ íyó ni̱ꞌin‑ó maa.

Romanos 10:18

Soo káchíꞌ ni̱ꞌ: ¿Á ntiáꞌan teso̱ꞌo ráa maa? Maá nááꞌ nijia ya̱ nteso̱ꞌo ráa maa. Káchíꞌ nu̱u̱nꞌ Tutuꞌ Ííꞌ: Nu̱u̱nꞌ nta̱ká ichi nu̱u̱nꞌ ñu̱ꞌún yaꞌá ñe̱te̱nuun tu̱ꞌun re̱ꞌ tékútu̱ꞌún‑u, jín ne̱ nu̱u̱nꞌ jínu ñɨ̱vɨ́ yaꞌá nkenta tu̱ꞌun ráa jie̱ꞌe̱ꞌ re̱ꞌ.

Romanos 5:15

Soo kua̱chi ya̱ nsa̱ꞌá Adán ntu kúnuún jín ta̱ꞌvi̱ꞌ ya̱ nsi̱kútaꞌviꞌ saɨn Ndiosíꞌ nu̱u̱nꞌ‑ó. Chi jie̱ꞌe̱ꞌ ya̱ njia̱ꞌa ɨɨn ni te̱e nu̱u̱nꞌ tu̱ꞌun nta̱túníꞌ Ndiosíꞌ jee ni̱ꞌi̱ꞌ kue̱ꞌe̱ꞌ víꞌí ñɨvɨ. Soo ntántúníꞌ víꞌí ka̱ꞌ kúvi ya̱ íyó mániꞌ iniꞌ Ndiosíꞌ néꞌyá re̱ꞌ yó jín ta̱ꞌvi̱ꞌ ya̱ nsi̱kútaꞌviꞌ víꞌí re̱ꞌ nu̱u̱nꞌ kue̱ꞌe̱ꞌ ñɨvɨ jie̱ꞌe̱ꞌ íyó mániꞌ iniꞌ ɨɨn ni te̱e, ya̱ suvi ví Jesús ya̱ kúvi Cristo.

Romanos 5:2

Chi suni Cristo nsa̱ꞌá ya̱ nkívɨ‑ó nu̱u̱nꞌ ya̱ íyó mániꞌ iniꞌ Ndiosíꞌ néꞌyá re̱ꞌ yó, sú ntu íyó ni̱ꞌi̱nꞌ‑ó maa. Jee íñɨ́ ni̱ꞌin‑ó jín ya̱ íyó mániꞌ iniꞌ Ndiosíꞌ néꞌyá re̱ꞌ yó. Jee kúsɨ́ɨꞌ iniꞌ ánímaꞌ‑ó chi íyó tu̱neí iniꞌ‑ó kúnáaꞌ iniꞌ‑ó ya̱ taji re̱ꞌ nu̱u̱nꞌ‑ó ya̱ viiꞌ kúñáꞌnú‑ó jín re̱ꞌ.

2 Corintios 6:1

Jee saáva ránuꞌuꞌ, táꞌán sátíñú kúvi ránꞌ jín Ndiosíꞌ, jee jíkánꞌ táꞌvíꞌ ránꞌ nu̱u̱nꞌ ránoꞌó ya̱ koto níꞌínꞌ ka̱ꞌá rán ya̱ ma̱ni̱ꞌ iniꞌ Ndiosíꞌ néꞌyá re̱ꞌ ránoꞌó.

Gálatas 2:21

Ntu kújiááꞌ iniꞌ ni̱ꞌ ya̱ váꞌa ntaji Ndiosíꞌ nu̱u̱nꞌ‑ó ya̱ íyó mániꞌ iniꞌ re̱ꞌ néꞌyá re̱ꞌ yó ya̱ ntu íyó ni̱ꞌi̱nꞌ‑ó. Chi retú kino̱o na̱a̱ꞌ‑ó nu̱u̱nꞌ Ndiosíꞌ jee sííyo re̱ꞌ kua̱chi‑ó jie̱ꞌe̱ꞌ ya̱ núkú‑ó ya̱ saꞌá‑ó ya̱ káchíꞌ ley vá, sú ntu kúvi sukuán, soo retánꞌ sukuán, yukuán jee kuéntáꞌ ntu níyotiñu ya̱ ni̱ꞌi̱ꞌ Cristo jie̱ꞌe̱ꞌ‑ó, nékúvi.

Efesios 2:5

Jee asúnika̱ꞌ nkuvi‑ó kuéntáꞌ ñɨvɨ níꞌiꞌ nu̱u̱nꞌ re̱ꞌ, jie̱ꞌe̱ꞌ ya̱ njia̱ꞌa‑ó nu̱u̱nꞌ ya̱ tátúníꞌ Ndiosíꞌ, soo nsa̱ꞌá re̱ꞌ ya̱ kutekuꞌ‑ó nɨ́ɨ́nkání jín Cristo. (Chi jie̱ꞌe̱ꞌ ya̱ íyó mániꞌ iniꞌ re̱ꞌ néꞌyá re̱ꞌ yó nna̱tavaꞌ re̱ꞌ yó nu̱u̱nꞌ kua̱chi‑ó nsi̱káku re̱ꞌ yó.)

Efesios 2:8

Chi jie̱ꞌe̱ꞌ ya̱ íyó mániꞌ iniꞌ Ndiosíꞌ néꞌyá re̱ꞌ ránoꞌó jee nna̱tavaꞌ re̱ꞌ ránoꞌó nu̱u̱nꞌ kua̱chi rán nsi̱káku re̱ꞌ ránoꞌó jie̱ꞌe̱ꞌ ya̱ kúneí iniꞌ rán Cristo, sú ntu íyó ni̱ꞌi̱nꞌ rán maa. Soo nsú ránoꞌó sáꞌá maa, chisaꞌ kúvi‑i ta̱ꞌvi̱ꞌ nsi̱kútaꞌviꞌ Ndiosíꞌ nu̱u̱nꞌ rán.

Colosenses 1:23

Jee sukuán sáꞌá re̱ꞌ, nu̱u̱nꞌ na̱a̱ꞌ nijia ya̱ kúníꞌin rán kúkutú rán kúneí iniꞌ rán Cristo, jee íñɨ́ ni̱ꞌin rán. Jee ntu núsɨ́ɨ́n rán nu̱u̱nꞌ ya̱ íyó tu̱ꞌun neí iniꞌ‑ó ya̱ nanitáꞌvíꞌ‑ó, ya̱ táji tu̱ꞌun váꞌa jie̱ꞌe̱ꞌ Cristo nu̱u̱nꞌ‑ó, ya̱ nteso̱ꞌo rán. Chi tu̱ꞌun váꞌa yaꞌá tékútu̱ꞌún‑u kua̱íyó rá ñuunꞌ ñɨ̱vɨ́ yaꞌá. Jee nuꞌuꞌ Pablo nkenta kúvi ni̱ꞌ ɨɨn ya̱ jiátíñú Ndiosíꞌ nuꞌuꞌ stékútu̱ꞌún ni̱ꞌ tu̱ꞌun váꞌa vá.

Colosenses 1:6

Tu̱ꞌun vá nkenta nu̱u̱nꞌ rán, sáni kénta‑a nu̱u̱nꞌ rá ñɨvɨ nɨꞌɨ ñɨ̱vɨ́. Sáꞌá tu̱ꞌun váꞌa vá ya̱ váꞌa iniꞌ ráa, sánikua̱ꞌ ɨɨn yutun váꞌa kúun ya̱ vixíꞌ váꞌa, jee jiáꞌnu ka̱ꞌ tu̱ꞌun vá iniꞌ ráa. Suꞌva sáꞌá tu̱ꞌun vá sánikua̱ꞌ suni sukuán sáꞌá‑a jín rán ne̱ sáá ki̱vɨ̱ꞌ nteso̱ꞌo rán maa, jee nku̱káꞌnú noo iniꞌ rán ya̱ nááꞌ nijia íyó ma̱ni̱ꞌ iniꞌ Ndiosíꞌ néꞌyá re̱ꞌ yó, sú ntu íyó ni̱ꞌi̱nꞌ‑ó ya̱ koo ma̱ni̱ꞌ iniꞌ re̱ꞌ kune̱ꞌyá re̱ꞌ yó.

2 Tesalonicenses 2:16

I̱ña̱jée, máá maá I̱toꞌoꞌ‑ó, Jesucristo, jín Tátáꞌ‑ó, Ndiosíꞌ, suviráa ñúnúunꞌ ráa yó. Saáva násaváꞌa ráa iniꞌ‑ó nɨ́ɨ́nkání, jee nsa̱ꞌá ráa ya̱ íyó tu̱neí iniꞌ‑ó ya̱ váꞌa saꞌá ráa nu̱u̱nꞌ‑ó, jie̱ꞌe̱ꞌ íyó mániꞌ iniꞌ ráa néꞌyá ráa yó.

1 Timoteo 1:14

Jee ni̱yo ma̱ni̱ꞌ nasɨ́kuitɨꞌ iniꞌ I̱toꞌoꞌ‑ó nne̱ꞌyá re̱ꞌ nuꞌuꞌ, sú ntu íyó níꞌin ni̱ꞌ maa. Suꞌva nsa̱ꞌá re̱ꞌ, ya̱ kuneí iniꞌ ni̱ꞌ re̱ꞌ, jín ya̱ kunu̱u̱nꞌ ni̱ꞌ rá ñɨvɨ, chi yɨ́ꞌɨ́ ni̱ꞌ nu̱u̱nꞌ Cristo Jesús.

1 Timoteo 2:4

jee kuíni re̱ꞌ ya̱ nɨꞌɨ ñɨvɨ ni̱ꞌi̱nꞌ ráa ya̱ natavaꞌ re̱ꞌ ráa nu̱u̱nꞌ kua̱chi ráa nanitáꞌvíꞌ ráa, jín ya̱ kenta kukáꞌnú iniꞌ ráa ya̱ naáꞌ.

2 Timoteo 1:10

Soo vitan nstúvi kájí re̱ꞌ ya̱ íyó mániꞌ iniꞌ re̱ꞌ néꞌyá re̱ꞌ yó, chi nta̱jí re̱ꞌ Cristo Jesús, ya̱ nátavaꞌ re̱ꞌ yó nu̱u̱nꞌ kua̱chi‑ó síkáku re̱ꞌ yó. Sú jíꞌí‑ó soo Cristo síjíta re̱ꞌ maa ya̱ nki̱nóo‑ó suꞌva chi stúvi re̱ꞌ nu̱nijínꞌ jín tu̱ꞌun váꞌa re̱ꞌ jie̱ꞌe̱ꞌ Jesús ya̱ kutekuꞌ‑ó jín re̱ꞌ nɨ́ɨ́nkání, jee ni nku̱víꞌ‑ó ka̱ꞌ.

2 Timoteo 4:17

Soo máá I̱toꞌoꞌ‑ó ni̱ñɨ jín ni̱ꞌ jee nchi̱neí nchituvi re̱ꞌ nuꞌuꞌ, sáva sikúnkuvi ni̱ꞌ kachitu̱ꞌún ni̱ꞌ tu̱ꞌun váꞌa re̱ꞌ, sáva teso̱ꞌo nta̱ká ñɨvɨ ya̱ ntu kúvi Israel maa. Jee nsi̱káku re̱ꞌ nuꞌuꞌ nu̱u̱nꞌ tu̱nóꞌó xinóꞌo ñɨvɨ xe̱e̱nꞌ niva̱ꞌa, kuéntáꞌ kua̱ꞌ réáꞌ nsi̱káku re̱ꞌ nuꞌuꞌ nu̱u̱nꞌ maá yuꞌú nikaꞌa.

Hebreos 12:15

Kumí rán maárán sáva ni ɨɨn rán koto xínóo‑o ya̱ váꞌa táji Ndiosíꞌ nu̱u̱nꞌ‑ó jie̱ꞌe̱ꞌ íyó mániꞌ iniꞌ re̱ꞌ yó, sáva ni ɨɨn rán nkújia tu̱ꞌun ñúꞌún táꞌvi iniꞌ ñɨvɨ nteñu rán, ya̱ saꞌá níní‑i iniꞌ rá ñanitáꞌán‑ó jee stívɨ́‑ɨ kue̱ꞌe̱ꞌ ráa kuéntáꞌ yu̱ku̱ꞌ u̱va̱ꞌ.

Hebreos 2:9

Soo vitan jee jíníꞌ‑ó ya̱ ɨɨn te̱e nnu̱un‑u ntíꞌ ka̱ꞌ kuñáꞌnú yakuꞌ ka̱ꞌ nsú káꞌ kúñáꞌnú rá najiáꞌáꞌ ííꞌ re̱ꞌ yakuꞌ ni tiempúꞌ. Jee kúvi te̱e vá Jesús. Soo vitan jee nna̱xináa Ndiosíꞌ re̱ꞌ kúñáꞌnú víꞌí re̱ꞌ, jín ya̱ nɨꞌɨ kuitɨꞌ nakuatáꞌví ráa re̱ꞌ, jie̱ꞌe̱ꞌ ya̱ nnoꞌo re̱ꞌ ya̱ níꞌiꞌ re̱ꞌ, sáva kuviꞌ re̱ꞌ jie̱ꞌe̱ꞌ ntáká ñɨvɨ jie̱ꞌe̱ꞌ íyó mániꞌ iniꞌ Ndiosíꞌ néꞌyá‑a yó.