Tito 2:10 - Mixteco del suroeste de Tlaxiaco Oaxaca

¹⁰ jín ya̱ nsákuíꞌná ráa, chisaꞌ kuvi ráa ñɨvɨ na̱a̱ꞌ sáva kuvi kuneí iniꞌ i̱toꞌoꞌ ráa maáráa jín nɨꞌɨ ya̱ sáꞌá ráa, sáva sukuán sikútú viiꞌ ráa tu̱ꞌun xínéꞌénꞌ‑ó jie̱ꞌe̱ꞌ Ndiosíꞌ, ya̱ sáꞌá‑a ya̱ nanitáꞌvíꞌ‑ó.

Tito 2:10 ပူးပေါင်းရင်းမြစ်များ

Mateo 24:45

’¿Né ɨɨn kuvi musúꞌ ya̱ ñúꞌún kájí xi̱ni̱ꞌ‑i síkúnkuvi na̱a̱ꞌ va̱ꞌa‑a, ya̱ ñani i̱toꞌoꞌ xí tiñu‑u maa sáva kuneen kuéntáꞌ‑a rá inka ka̱ꞌ táꞌán musúꞌ‑u veꞌi re̱ꞌ sáva ku̱ꞌva‑a kajiꞌ ráa máá hora íyó ku̱ꞌva maa rúja?

Mateo 5:16

Jee suꞌva íyó kueꞌnu na̱a̱ꞌ va̱ꞌa rán sáva kúvi rán kuéntáꞌ ñuꞌunꞌ stúúnꞌ rán nu̱u̱nꞌ rá ñɨvɨ jee kune̱ꞌyá ráa ya̱ váꞌa sáꞌá rán, sáva nakuetúꞌún ráa Tátáꞌ rán Ndiosíꞌ ya̱ nééꞌ antivɨ́ súkún.

Lucas 1:47

jee né ánímaꞌ ni̱ꞌ kúsɨ́ɨꞌ iniꞌ ni̱ꞌ nu̱u̱nꞌ Ndiosíꞌ ya̱ nátavaꞌ re̱ꞌ nuꞌuꞌ nu̱u̱nꞌ kua̱chi ni̱ꞌ sikáku re̱ꞌ nuꞌuꞌ.

Lucas 1:80

Jee sáá ñaꞌnu te̱e lúlí vá jee nku̱nei iniꞌ ánímaꞌ‑a. Jee nneeꞌ‑e nu̱u̱nꞌ ñu̱ꞌún saɨn nu̱u̱nꞌ ntu̱ví ñɨvɨ, ne̱kua̱ꞌ nkenta ki̱vɨ̱ꞌ ya̱ nna̱stúvi‑i maáa nu̱u̱nꞌ rá ñɨvɨ ñuunꞌ Israel.

Lucas 16:10

’Ɨɨn ñɨvɨ ya̱ na̱a̱ꞌ síkúnkuvi‑i ɨɨn tiñu lúlí jee suni na̱a̱ꞌ síkúnkuvi‑i kue̱ꞌe̱ꞌ tiñu. Jee ɨɨn ñɨvɨ ya̱ ntu náaꞌ‑a jín yakuꞌ tiñu jee suni ni nsáꞌ na̱a̱ꞌ‑a jín kue̱ꞌe̱ꞌ tiñu.

Juan 12:6

Sú nkachiꞌ re̱ꞌ sukuán, soo nsú jie̱ꞌe̱ꞌ ya̱ kúnáꞌví nijia iniꞌ re̱ꞌ rá láꞌví, chisaꞌ jie̱ꞌe̱ꞌ ni ka̱ꞌ ya̱ maáréꞌ kúvi ɨɨn te̱e kuíꞌná. Chi maáréꞌ kúvi te̱e ya̱ nééꞌ si̱kɨ̱ꞌ re̱ꞌ kúmí re̱ꞌ ñunu xu̱ꞌún nu̱u̱nꞌ rá táꞌán te̱e súkuáꞌa Jesús ráa, jee tɨ́ɨn kuíꞌná re̱ꞌ yakuꞌ xu̱ꞌún nu̱u̱nꞌ chúꞌun ráa ya̱ kúmí re̱ꞌ.

1 Corintios 4:2

Chi rá ñɨvɨ ya̱ néen kuéntáꞌ tiñu i̱toꞌoꞌ ráa íyó sikúnkuvi va̱ꞌa ráa maa.

Efesios 4:1

Saájee nuꞌuꞌ Pablo, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ I̱toꞌoꞌ‑ó, náxiníꞌvɨ́ꞌ ni̱ꞌ iniꞌ rán ya̱ kueꞌnu na̱a̱ꞌ rán ichi Ndiosíꞌ, sánikua̱ꞌ íyó kaka rán ya̱ kúvi rán ñɨvɨ ya̱ nkana Ndiosíꞌ kɨtíñú rán nu̱u̱nꞌ re̱ꞌ.

Filipenses 1:27

Ñáꞌnú ka̱ꞌ ví ya̱ kueꞌnu na̱a̱ꞌ rán nu̱u̱nꞌ Ndiosíꞌ na̱kua̱ꞌ íyó kueꞌnu rá ñɨvɨ ya̱ tɨɨn tu̱ꞌun va̱ꞌa Cristo. Jee suꞌva, vasúꞌ kua̱jiaaꞌ kune̱ꞌyá ni̱ꞌ ránoꞌó, áxí vasúꞌ koo íká ni̱ꞌ nu̱u̱nꞌ rán, jee teso̱ꞌo ni̱ꞌ, ya̱ nuún íñɨ́ ni̱ꞌin rán jín tu̱ꞌun va̱ꞌa vá, jín ya̱ nuún ñúꞌún iniꞌ rán, jín ya̱ nuún nunasɨ́ tútú ni̱ꞌin rán sátíñú rán nu̱u̱nꞌ tu̱ꞌun va̱ꞌa Jesús ya̱ kúneí iniꞌ rán.

Filipenses 4:8

Jee nu̱u̱nꞌ nɨ́ꞌɨ ka̱ꞌ kachiꞌ ni̱ꞌ ka̱ꞌ nu̱u̱nꞌ rán, ránoꞌó ñaniꞌ jín ku̱ꞌva. Kuꞌun iniꞌ rán jie̱ꞌe̱ꞌ nta̱ká tu̱ꞌun na̱a̱ꞌ, jín jie̱ꞌe̱ꞌ nta̱ká tiñu ya̱ íyó ñáꞌnú, jín jie̱ꞌe̱ꞌ nta̱ká tiñu ya̱ íyó na̱a̱ꞌ, jín jie̱ꞌe̱ꞌ nta̱ká tiñu ya̱ íyó ninuꞌun, jín jie̱ꞌe̱ꞌ nta̱ká tiñu ya̱ sáꞌá ya̱ níní viiꞌ kuvi iniꞌ ñɨvɨ, jín jie̱ꞌe̱ꞌ nta̱ká tiñu ya̱ sáꞌá ñáꞌnú ñɨvɨ nu̱u̱nꞌ‑u. Retú íyó tiñu ya̱ íyó váꞌa, jee retú íyó tiñu ya̱ íyó níꞌínꞌ‑i ya̱ nakuetúꞌún ñɨvɨ jie̱ꞌe̱ꞌ‑e, kuꞌun iniꞌ rán maa.

1 Timoteo 1:1

Nuꞌuꞌ Pablo, ya̱ níso ni̱ꞌ tiñu apóstol Cristo Jesús, ya̱ nchu̱ichí re̱ꞌ nuꞌuꞌ sánikua̱ꞌ nta̱túníꞌ Ndiosíꞌ jín Cristo Jesús, ya̱ níso ni̱ꞌ tiñu yaꞌá. Jee Ndiosíꞌ ví ya̱ natavaꞌ re̱ꞌ yó nu̱u̱nꞌ kua̱chi‑ó síkáku re̱ꞌ yó. Jee Jesús nísotíñú re̱ꞌ ya̱ kúvi re̱ꞌ Cristo, [ya̱ ñani Ndiosíꞌ maáréꞌ sáva tatúníꞌ re̱ꞌ ñɨ̱vɨ́], jee íyó tu̱neí iniꞌ‑ó ya̱ saꞌá re̱ꞌ ya̱ nkachiꞌ re̱ꞌ.

1 Timoteo 5:17

Rá te̱e kúñáꞌnú, ya̱ yósóꞌ va̱ꞌa nu̱u̱nꞌ rá ñanitáꞌán, ya̱ níkɨ́nꞌ ichi Cristo, jee íyó ni̱ꞌi̱nꞌ ráa si̱kɨ̱ꞌ ka̱ꞌ ya̱ sáñáꞌnú rá ñanitáꞌán nu̱u̱nꞌ ráa, jín ya̱ ku̱ꞌva rán ya̱ꞌvi ráa. Víꞌí ka̱ꞌ ya̱ maáráa stékútu̱ꞌún Tu̱ꞌun Ndiosíꞌ jee xínéꞌénꞌ ráa maa, íyó ni̱ꞌi̱nꞌ ráa ya̱ꞌvi ráa.

1 Timoteo 6:1

Nta̱ká ñɨvɨ ya̱ kúvi musúꞌ, ya̱ yɨ́ꞌɨ́ naꞌá ɨɨn i̱toꞌoꞌ, íyó ku̱ꞌvayuꞌú ráa ya̱ íyó saꞌá ñáꞌnú ráa nu̱u̱nꞌ i̱toꞌoꞌ ráa, sáva nkákuíyuꞌú ñɨvɨ kune̱ꞌyá ráa Ndiosíꞌ jín tu̱ꞌun re̱ꞌ ya̱ xínéꞌénꞌ‑ó.

1 Timoteo 6:3

Ré néni ɨɨn ñɨvɨ xínéꞌénꞌ tu̱ꞌun íyó sɨ́ɨ́n, ya̱ ntu káꞌánꞌ nuún jín tu̱ꞌun na̱a̱ꞌ I̱toꞌoꞌ‑ó Jesús ya̱ kúvi Cristo, jee ya̱ ntu íyó na̱kua̱ꞌ xínéꞌénꞌ Ndiosíꞌ jie̱ꞌe̱ꞌ ichi na̱a̱ꞌ sáni kuíni Ndiosíꞌ ya̱ kaka‑ó,

Tito 1:3

Jee vitan re nkenta tiempúꞌ ñani re̱ꞌ, ya̱ stúvi re̱ꞌ tu̱ꞌun re̱ꞌ, jín ya̱ káchítu̱ꞌún ni̱ꞌ maa. Chi nte̱tíñú re̱ꞌ nuꞌuꞌ saꞌá ni̱ꞌ maa, sáni nta̱túníꞌ re̱ꞌ. Jee suvire̱ꞌ ví ya̱ sáꞌá re̱ꞌ ya̱ nanitáꞌvíꞌ‑ó.

Tito 3:4

Soo Ndiosíꞌ, ya̱ nátavaꞌ re̱ꞌ yó nu̱u̱nꞌ kua̱chi‑ó síkáku re̱ꞌ yó, sáá nstúvi re̱ꞌ ya̱ kúváꞌa iniꞌ re̱ꞌ néꞌyá re̱ꞌ yó, jín ya̱ ñúnúunꞌ re̱ꞌ ñɨvɨ,

1 Pedro 2:12

Jee kueꞌnu va̱ꞌa rán nteñu rá ñɨvɨ ya̱ ntu jíníꞌ ráa Tu̱ꞌun Ndiosíꞌ, sáva súka̱ꞌ káꞌánꞌ rá ñɨvɨ si̱kɨ̱ꞌ rán kuéntáꞌ kua̱ꞌ sáꞌá rán tiñu níváꞌa, soo kuniꞌ rá ñɨvɨ vá rá tiñu váꞌa sáꞌá rán, jee nakuetúꞌún ráa Ndiosíꞌ ki̱vɨ̱ꞌ niji tuku Cristo sanáaꞌ re̱ꞌ sáni ya̱ nááꞌ.

1 Pedro 3:16

Soo másúꞌ koo iniꞌ rán naxiníkó rán nu̱u̱nꞌ ráa, jee kaꞌanꞌ yɨ́ñúꞌún rán jín ráa, jee kueꞌnu na̱a̱ꞌ rán ya̱ jíníꞌ rán ya̱ ntu íyó si̱kɨ̱ꞌ rán, sáva sáá káꞌánꞌ niva̱ꞌa ráa si̱kɨ̱ꞌ rán kukanuun ráa jie̱ꞌe̱ꞌ tu̱ꞌun niváꞌa ya̱ káꞌánꞌ ráa jie̱ꞌe̱ꞌ va̱ꞌa jiáꞌnu rán jie̱ꞌe̱ꞌ yɨ́ꞌɨ́ rán nu̱u̱nꞌ Cristo.

2 Juan 1:9

Nta̱ká ñɨvɨ ya̱ jiáꞌa ka̱ꞌ nu̱u̱nꞌ tu̱ꞌun na̱a̱ꞌ, jee ntu kínóo kutú ráa jín tu̱ꞌun nxi̱néꞌénꞌ Cristo, jee ntu̱ví íyó Tátáꞌ‑ó Ndiosíꞌ jín ráa. Jee ñɨvɨ ya̱ kínóo kutú‑u jín tu̱ꞌun vá jee Tátáꞌ‑ó Ndiosíꞌ jín suni máá Se̱ꞌya re̱ꞌ íyó ráa jín ñɨvɨ vá.