Tito 1:9 - Mixteco del suroeste de Tlaxiaco Oaxaca

⁹ Jee íyó kuiñɨ ni̱ꞌin re̱ꞌ jín tu̱ꞌun na̱a̱ꞌ ya̱ kúvi kúneí iniꞌ‑ó sáni nxi̱néꞌénꞌ‑ó, sáva kuvi nasáneí re̱ꞌ iniꞌ rá ñɨvɨ jín tu̱ꞌun na̱a̱ꞌ váꞌa ya̱ xinéꞌénꞌ re̱ꞌ. Jee suni sáva kuvi nachuꞌun re̱ꞌ ichi na̱a̱ꞌ ñɨvɨ ya̱ núníꞌin ráa káꞌánꞌ ráa si̱kɨ̱ꞌ tu̱ꞌun váꞌa Ndiosíꞌ.

Tito 1:9 ပူးပေါင်းရင်းမြစ်များ

Hechos 18:28

Chi ni̱ꞌin nna̱chuꞌun náaꞌ nijinꞌ re̱ꞌ rá ñɨvɨ Israel ichi. Chi ña̱tíñú‑u Tutuꞌ Ííꞌ níso Tu̱ꞌun Ndiosíꞌ, sáva nstúvi kájí‑i, ya̱ Jesús ví Cristo, [ya̱ ñani Ndiosíꞌ tatúníꞌ ñɨ̱vɨ́].

1 Corintios 14:24

Soo retú ntáká rán nákani rán tu̱ꞌun kéne yuꞌú Ndiosíꞌ, jee retú ki̱vɨ ɨɨn ñɨvɨ ya̱ ntu̱ví jínúꞌ iniꞌ‑i Cristo áxí ɨɨn ñɨvɨ ya̱ ntiáꞌan kutu̱ꞌva‑a jie̱ꞌe̱ꞌ vá, saájee jie̱ꞌe̱ꞌ tu̱ꞌun káchíꞌ ntáká rán sijínúꞌ‑u iniꞌ ñɨvɨ vá ya̱ ñɨvɨ kua̱chi kúvi‑i, jee Tu̱ꞌun Ndiosíꞌ ya̱ nákani ntáká rán sáꞌá‑a ya̱ nakuniꞌ ñɨvɨ vá tiñu niváꞌa sáꞌá‑a.

1 Tesalonicenses 5:21

Chisaꞌ kototúníꞌ rán nɨꞌɨ jee tɨɨn rán ya̱ váꞌa.

2 Tesalonicenses 2:15

Saáva, ránoꞌó ñanitáꞌán, kuiñɨ ni̱ꞌin rán jín tu̱ꞌun nxi̱néꞌénꞌ ránꞌ ránoꞌó, jee tɨɨn ni̱ꞌin rán maa, va̱ni tu̱ꞌun yuꞌú ránꞌ nkachiꞌ ránꞌ nu̱u̱nꞌ ránoꞌó áxí va̱ni ntee ránꞌ maa nu̱u̱nꞌ tutuꞌ nta̱jí ránꞌ nu̱u̱nꞌ ránoꞌó.

1 Timoteo 1:10

jín nu̱u̱nꞌ ñɨvɨ kúsíkɨ́ jín inka ñɨvɨ ya̱ ntu kúvi ñasɨ́ꞌɨ́ re̱ꞌ áxí ntu kúvi yɨɨ́ ña, jín nu̱u̱nꞌ rá ñɨvɨ kívɨ ráa ñujiínꞌ xeꞌne, jín nu̱u̱nꞌ ñɨvɨ sákuíꞌná ráa ñɨvɨ, jín nu̱u̱nꞌ ñɨvɨ túꞌún, jín nu̱u̱nꞌ ñɨvɨ sánáaꞌ ráa nu̱u̱nꞌ tu̱ꞌun káꞌánꞌ ráa jín tu̱ntúꞌún nu̱u̱nꞌ ñɨvɨ, jín nu̱u̱nꞌ ñɨvɨ ya̱ sáꞌá néni ɨɨn tiñu, ya̱ íyó sɨ́ɨ́n nu̱u̱nꞌ tu̱ꞌun jíníꞌ‑ó ya̱ tu̱ꞌun na̱a̱ꞌ ví ya̱ káꞌánꞌ‑a

1 Timoteo 1:15

Tu̱ꞌun na̱a̱ꞌ ví yaꞌá. Jee íyó tɨɨn nɨꞌɨ ñɨvɨ tu̱ꞌun yaꞌá, ya̱ káchíꞌ, ya̱ Cristo Jesús ya̱ nkiji nu̱u̱nꞌ ñɨ̱vɨ́, sáva natavaꞌ re̱ꞌ rá ñɨvɨ kua̱chi nu̱u̱nꞌ kua̱chi ráa sikáku re̱ꞌ ráa. Jee nuꞌuꞌ, ña̱ko̱so̱ꞌ ni̱ꞌ ka̱ꞌ nu̱u̱nꞌ ya̱ nsa̱ꞌá ni̱ꞌ kua̱chi mánasɨ́ nijia.

1 Timoteo 1:19

Jee kuni̱ꞌin, ya̱ kúneí iniꞌ nú Cristo. Jee kueꞌnu na̱a̱ꞌ nú ya̱ kuniꞌ nú ya̱ ntu níso kua̱chi si̱kɨ̱ꞌ nú. Íyó sava ñɨvɨ nsu̱kuíta ichi vá, jee nxi̱náánꞌ ráa ya̱ kúneí iniꞌ ráa Cristo.

1 Timoteo 4:9

Tu̱ꞌun na̱a̱ꞌ ví yaꞌá, jee íyó tɨɨn ñɨvɨ ñɨ̱vɨ́ maa.

1 Timoteo 6:3

Ré néni ɨɨn ñɨvɨ xínéꞌénꞌ tu̱ꞌun íyó sɨ́ɨ́n, ya̱ ntu káꞌánꞌ nuún jín tu̱ꞌun na̱a̱ꞌ I̱toꞌoꞌ‑ó Jesús ya̱ kúvi Cristo, jee ya̱ ntu íyó na̱kua̱ꞌ xínéꞌénꞌ Ndiosíꞌ jie̱ꞌe̱ꞌ ichi na̱a̱ꞌ sáni kuíni Ndiosíꞌ ya̱ kaka‑ó,

2 Timoteo 1:13

Tɨɨn nú tu̱ꞌun na̱a̱ꞌ nteso̱ꞌo nú ya̱ nxi̱néꞌénꞌ ni̱ꞌ noꞌó, sáva kúvi ichi kunikɨnꞌ nú, sáá kuneí iniꞌ‑ó Cristo, jín sáá kunu̱u̱nꞌ nú Ndiosíꞌ jín ñɨvɨ, jie̱ꞌe̱ꞌ yɨ́ꞌɨ́‑ó nu̱u̱nꞌ Cristo Jesús.

2 Timoteo 2:2

Jee nta̱ká tu̱ꞌun, ya̱ nteso̱ꞌo nú ya̱ nkachiꞌ ni̱ꞌ nu̱u̱nꞌ nú ichinúúnꞌ kue̱ꞌe̱ꞌ ñɨvɨ ya̱ kúvi stúvi ráa maa, jee natetíñú nú tu̱ꞌun vá nu̱u̱nꞌ inka rá te̱e na̱a̱ꞌ, ya̱ síkúnkuvi va̱ꞌa ráa, ya̱ kuvi naxinéꞌénꞌ ráa maa nu̱u̱nꞌ rá inka ñɨvɨ.

2 Timoteo 2:25

jee íyó koo másúꞌ iniꞌ‑i sáá nachuꞌun‑u ichi váꞌa rá ñɨvɨ núníꞌin jín tu̱ꞌun na̱a̱ꞌ. Sa̱naanꞌ ku̱ꞌva Ndiosíꞌ nakani iniꞌ ráa, ne̱ kenta kukáꞌnú iniꞌ ráa tu̱ꞌun na̱a̱ꞌ.

2 Timoteo 3:14

Soo noꞌó, kuni̱ꞌin nú jín ya̱ nku̱tu̱ꞌvá nú, ya̱ jínúꞌ iniꞌ nú. Chi suvinú vá jíníꞌ nú iniꞌ rá ñɨvɨ ya̱ nxi̱néꞌénꞌ maa noꞌó.

2 Timoteo 4:3

Chi kiji tiempúꞌ ya̱ ni nsáꞌ keꞌneꞌ iniꞌ rá ñɨvɨ teso̱ꞌo ráa tu̱ꞌun na̱a̱ꞌ va̱ꞌa ya̱ xínéꞌénꞌ‑ó, chi sáni níyo iniꞌ maáráa, jee nukú ráa kue̱ꞌe̱ꞌ te̱e ya̱ xínéꞌénꞌ tu̱ꞌun sáni táꞌán iniꞌ ráa teso̱ꞌo ráa.

Tito 1:11

Íyó kasɨꞌ‑ó yuꞌú rá ñɨvɨ ya̱ sáꞌá suꞌva, chi stívɨ́ ráa nɨꞌɨ ñɨvɨ sava rá veꞌi. Chi xínéꞌénꞌ ráa tu̱ꞌun ya̱ ntu íyó xinéꞌénꞌ ráa, sáva ni̱ꞌi̱nꞌ ráa xu̱ꞌún, ya̱ nsáꞌ ninuꞌun níꞌínꞌ ráa maa.

Tito 2:1

Soo noꞌó, kachiꞌ nú tu̱ꞌun ya̱ íyó sánikua̱ꞌ kúvi tu̱ꞌun na̱a̱ꞌ váꞌa xínéꞌénꞌ‑ó.

Judas 1:3

Ránoꞌó ñaniꞌ jín ku̱ꞌva ya̱ ñúnúunꞌ ni̱ꞌ, na̱ ka̱ꞌ kúvi iniꞌ ni̱ꞌ ya̱ tee ni̱ꞌ nu̱u̱nꞌ rán jie̱ꞌe̱ꞌ tu̱ꞌun ya̱ nátavaꞌ Ndiosíꞌ yó nu̱u̱nꞌ kua̱chi‑ó sikáku re̱ꞌ ránoꞌó jín suni nuꞌuꞌ ranika̱ꞌ. Soo jíniñúꞌún ni̱ꞌ ya̱ íyó tee ni̱ꞌ tutuꞌ nu̱u̱nꞌ ránoꞌó sáva nasáneí ni̱ꞌ iniꞌ rán sáva nama rán tu̱ꞌun Jesús ya̱ jínúꞌ iniꞌ‑órán sáva kino̱o kutú ninuꞌun tu̱ꞌun re̱ꞌ, chi ɨɨn íchíni nɨ́ɨ́nkání ntaji re̱ꞌ maa nu̱u̱nꞌ maáórán ya̱ nsa̱ꞌá sɨ́ɨ́n re̱ꞌ yó sáva kuvi‑ó ñɨvɨ maáréꞌ.

Apoclipsis 2:25

Soo kua̱chi vá kunikɨnꞌ kutú rán maá tu̱ꞌun na̱a̱ꞌ ya̱ jínúꞌ iniꞌ rán ya̱ níkɨ́nꞌ rán, nekuaꞌ niji ni̱ꞌ.

Apoclipsis 3:11

’Jee ñamani nenta ni̱ꞌ, saáva kunikɨnꞌ kutú rán kuiñɨ rán jín tu̱ꞌun ni̱ꞌ ya̱ jínúꞌ iniꞌ rán, sáva ni ɨɨn ntu̱náꞌ kuneí naneeꞌ ta̱ꞌvi̱ꞌ ni̱ꞌi̱nꞌ rán.

Apoclipsis 3:3

Jee naku̱ꞌun iniꞌ rán tu̱ꞌun na̱a̱ꞌ ya̱ nníꞌinꞌ rán ya̱ nteso̱ꞌo rán, jee kunikɨnꞌ rán maa, jee nakani iniꞌ rán. Chi retú ntu̱ví íyó nito rán maárán, jee sa̱naanꞌ ni kenta ni̱ꞌ nu̱u̱nꞌ rán kuéntáꞌ kua̱ꞌ ɨɨn ya̱ kuíꞌná jee xinóꞌo ni̱ꞌ ránoꞌó, jee ni nsáꞌ kuniꞌ rán ná hora kenta ni̱ꞌ.