Tito 1:6 - Mixteco del suroeste de Tlaxiaco Oaxaca

⁶ Rá te̱e vá, íyó kuvi ráa te̱e ya̱ ntu̱náꞌ íyó chikua̱chi ñɨvɨ ráa. Íyó kuvi re̱ꞌ yɨɨ́ métúꞌún ñaꞌan ni ne̱ kuviꞌ ña. Jee rá se̱ꞌya ráa íyó ínúꞌ iniꞌ rává tu̱ꞌun Cristo, jee nkúvi chikua̱chi ñɨvɨ rá se̱ꞌya ráa, chi ntu jiáꞌa sáꞌá rává, chi ni ntu kújiááꞌ iniꞌ rává.

Tito 1:6 ပူးပေါင်းရင်းမြစ်များ

Génesis 18:19

Chi nka̱ji ni̱ꞌ re̱ꞌ sáva tatúníꞌ re̱ꞌ nu̱u̱nꞌ rá se̱ꞌya re̱ꞌ jín nu̱u̱nꞌ rá ichiyúkúnꞌ re̱ꞌ kiji tiempúꞌ ichinúúnꞌ sáva chuꞌun re̱ꞌ ráa ichi I̱toꞌoꞌ kunikɨnꞌ ráa maa sáva saꞌá ráa nɨꞌɨ ya̱ kúvi ya̱ váꞌa jín ya̱ íyó na̱a̱ꞌ sáva sikúnkuvi ni̱ꞌ ya̱ nkachiꞌ ni̱ꞌ saꞌá ni̱ꞌ nu̱u̱nꞌ re̱ꞌ, ya̱ kúvi ni̱ꞌ I̱toꞌoꞌ.”

Lucas 1:5

Sáá tiempúꞌ nkuvi Herodes te̱e nísotíñú ya̱ nta̱túníꞌ re̱ꞌ ñuunꞌ Judea, jee ni̱yo ɨɨn su̱tu̱ꞌ naní Zacarías, ya̱ yɨ́ꞌɨ́ re̱ꞌ nu̱u̱nꞌ ɨɨn rá grupo su̱tu̱ꞌ ya̱ naní grupo vá Abías. Jee ñasɨ́ꞌɨ́ re̱ꞌ naní Elisabet, jee kúvi ña se̱ꞌya ichiyúkúnꞌ va̱ji nu̱u̱nꞌ su̱tu̱ꞌ Aarón.

Efesios 5:18

Jee koto jíꞌi rán nixiꞌ ne̱ ku̱ni rán, ya̱ stívɨ́ rán maárán. Chisaꞌ kukánáa iniꞌ ánímaꞌ rán kɨꞌɨ chitú Ta̱chi̱ꞌ Ííꞌ Ndiosíꞌ ya̱ kuneí‑i kunaka‑a ránoꞌó.

1 Tesalonicenses 5:14

Jee ntañúꞌún ránoꞌó ñanitáꞌán, náxiníꞌvɨ́ꞌ ráníꞌ iniꞌ ránoꞌó ya̱: nachúꞌún rán ichi rá ñɨvɨ kúxí, ya̱ ntu kúníꞌ ráa satíñú ráa. Jee nasáneí rán iniꞌ rá ñɨvɨ núun iniꞌ. Jee nasásɨ́ɨꞌ rán iniꞌ rá ñɨvɨ ntu neí iniꞌ. Jee koo káꞌnú iniꞌ rán jín nɨꞌɨ rá ñɨvɨ.

1 Timoteo 1:9

Íyó tɨɨn kuéntáꞌ‑ó, ya̱ nsú jie̱ꞌe̱ꞌ ñɨvɨ na̱a̱ꞌ ví ya̱ njia̱ꞌa Ndiosíꞌ tu̱ꞌun ley nta̱túníꞌ re̱ꞌ. Chisaꞌ njia̱ꞌa re̱ꞌ maa jie̱ꞌe̱ꞌ ñɨvɨ ntu káníjiá ley jín nu̱u̱nꞌ ñɨvɨ kújiááꞌ iniꞌ, jín nu̱u̱nꞌ ñɨvɨ ntu̱ví íyó Ndiosíꞌ nu̱u̱nꞌ ráa, jee sáꞌá ráa kua̱chi, jín nu̱u̱nꞌ ñɨvɨ ntu̱ví íyó ya̱ ñáꞌnú nu̱u̱nꞌ ráa nu̱u̱nꞌ Ndiosíꞌ, jee kúíchi iniꞌ ráa re̱ꞌ, jín nu̱u̱nꞌ ñɨvɨ ya̱ jiáꞌníꞌ ráa tátáꞌ ráa, jín nánáꞌ ráa, jín inka ñɨvɨ,

1 Timoteo 3:12

Jee te̱e ya̱ nééꞌ si̱kɨ̱ꞌ ráa sáva chíneí ráa rá ñɨvɨ kúneí iniꞌ Cristo, íyó kuvi re̱ꞌ yɨɨ́ métúꞌún ñaꞌan ni ne̱ kuviꞌ ña, jee íyó kosoꞌ va̱ꞌa re̱ꞌ nu̱u̱nꞌ se̱ꞌya re̱ꞌ jín táꞌán veꞌi maáréꞌ.

Tito 1:10

Chi íyó kue̱ꞌe̱ꞌ rá ñɨvɨ kújiááꞌ iniꞌ, jín ya̱ káꞌánꞌ ka̱ꞌá, jín ya̱ xínáꞌví. Jee suꞌva víꞌí ka̱ꞌ sáꞌá rá ñɨvɨ ya̱ xínéꞌénꞌ ráa ya̱ íyó kɨꞌɨ‑ó ñujiínꞌ ñɨvɨ Israel jín ya̱ íyó saꞌá‑ó costumbre rá ñɨvɨ ñuunꞌ Israel, ya̱ káchíꞌ‑ó circuncidar.