Santiago 4:2 - Mixteco del suroeste de Tlaxiaco Oaxaca

² Níyo iniꞌ rán rá nantíñú, jee ntu kúmí rán maa. Jee jiáꞌníꞌ rán, jee sáꞌá uꞌvi iniꞌ rán jie̱ꞌe̱ꞌ nantíñú, jee ntu kúvi ni̱ꞌi̱nꞌ rán maa. Saáva kántátúꞌun rán jee sáꞌá rán tu̱ntíxín. Ntu kúmí rán maa, chi ntu jíkánꞌ rán maa nu̱u̱nꞌ Ndiosíꞌ.

Santiago 4:2 ပူးပေါင်းရင်းမြစ်များ

Juan 16:24

Ne̱ vitan jee ni ntiáꞌan ka̱ka̱nꞌ rán nu̱u̱nꞌ Tátáꞌ ni̱ꞌ nu̱u̱nꞌ súví nuꞌuꞌ. Jee vitan jee íyó ka̱ka̱nꞌ rán jie̱ꞌe̱ꞌ yɨ́ꞌɨ́ rán nu̱u̱nꞌ ni̱ꞌ jee ni̱ꞌi̱nꞌ rán ya̱ taji re̱ꞌ nu̱u̱nꞌ rán, sáva chitú ya̱ kúsɨ́ɨꞌ nasɨ́kuitɨꞌ iniꞌ rán.

Juan 4:10

Jee nna̱xiníkó Jesús nu̱u̱nꞌ ña, jee nkachiꞌ re̱ꞌ: ―Retánꞌ jíníꞌ nú ta̱ꞌvi̱ꞌ ya̱ jiáꞌa Ndiosíꞌ nu̱u̱nꞌ ñɨvɨ, jín retánꞌ jíníꞌ nú né ɨɨn kúvi ni̱ꞌ ya̱ káchíꞌ ni̱ꞌ nu̱u̱nꞌ nú ya̱: taji nú xá ntíꞌ nute koꞌo ni̱ꞌ, jee maánú ka̱ka̱nꞌ táꞌvíꞌ nú nu̱u̱nꞌ ni̱ꞌ, jee taji ni̱ꞌ nute nu̱u̱nꞌ nú ya̱ sáꞌá‑a ya̱ kutekuꞌ ñɨvɨ nɨ́ɨ́nkání jín Ndiosíꞌ ―nkachiꞌ Jesús.

Santiago 1:5

Soo retú néni ɨɨn ránoꞌó kúmániꞌ ta̱nɨ̱ꞌ xi̱ni̱ꞌ‑i, ka̱ka̱nꞌ maa nu̱u̱nꞌ Ndiosíꞌ, jee ku̱ꞌva re̱ꞌ maa nu̱u̱nꞌ‑u. Chi ntu ñúkúꞌvá iniꞌ re̱ꞌ jiáꞌa re̱ꞌ maa nu̱u̱nꞌ nɨꞌɨ ñɨvɨ, jee ni ntu násóyu̱ꞌú re̱ꞌ nu̱u̱nꞌ ñɨvɨ vá jie̱ꞌe̱ꞌ ya̱ jíkánꞌ maa.

Santiago 5:6

Ránoꞌó nsi̱jíta rán ñɨvɨ na̱a̱ꞌ jee ñaꞌniꞌ rán ráa, sú ntu núníꞌin ráa nu̱u̱nꞌ ránoꞌó.

1 Juan 3:15

Jee nta̱ká rá ñɨvɨ ya̱ táꞌvi iniꞌ ráa néꞌyá ráa ñanitáꞌán ráa, jee nu̱u̱nꞌ Ndiosíꞌ kúvi ráa ñɨvɨ ya̱ sáꞌá ni̱yɨ. Jee jíníꞌ‑ó ya̱ ni ɨɨn ñɨvɨ ya̱ sáꞌá ni̱yɨ, ntu ñúꞌún iniꞌ‑i ni̱ꞌi̱nꞌ‑i ya̱ kutekuꞌ‑u nɨ́ɨ́nkání jín Ndiosíꞌ.