Romanos 7:1 - Mixteco del suroeste de Tlaxiaco Oaxaca

¹ Ránoꞌó ñanitáꞌán, káꞌánꞌ ni̱ꞌ jín ñɨvɨ ya̱ jíníꞌ tu̱ꞌun káchíꞌ ley nta̱túníꞌ Ndiosíꞌ. ¿Á ntu jíníꞌ rán ya̱ ley tátúníꞌ nu̱u̱nꞌ ñɨvɨ ni tékúꞌ ñɨvɨ vá?

Romanos 7:1 ပူးပေါင်းရင်းမြစ်များ

Romanos 1:13

Soo, ránoꞌó ñanitáꞌán ni̱ꞌ, kuíni ni̱ꞌ ya̱ kúkáꞌnú iniꞌ rán ya̱ kue̱ꞌe̱ꞌ íchí nñu̱ꞌun iniꞌ ni̱ꞌ kua̱jiane̱ꞌyá ni̱ꞌ ránoꞌó, soo ne̱ vitan íyó ya̱ chítuvi‑i nu̱u̱nꞌ nuꞌuꞌ. Kuíni ni̱ꞌ kua̱jiane̱ꞌyá ni̱ꞌ ránoꞌó sáva taji ni̱ꞌ Tu̱ꞌun Ndiosíꞌ nu̱u̱nꞌ ránoꞌó sáva saꞌá Ta̱chi̱ꞌ Ííꞌ re̱ꞌ tiñu iniꞌ ánímaꞌ rán, kuéntáꞌ nsa̱ꞌá ni̱ꞌ nteñu rá ñɨvɨ rá inka nación.

Romanos 10:1

Ránoꞌó ñaniꞌ jín ku̱ꞌva ni̱ꞌ ya̱ yɨ́ꞌɨ́ rán naꞌá Cristo, ñúkúvi víꞌí iniꞌ ánímaꞌ ni̱ꞌ jie̱ꞌe̱ꞌ rá ñɨvɨ Israel ya̱ natavaꞌ Ndiosíꞌ ráa nu̱u̱nꞌ kua̱chi ráa sikáku re̱ꞌ ráa. Jee jie̱ꞌe̱ꞌ vá jíkánꞌ táꞌvíꞌ ni̱ꞌ nu̱u̱nꞌ Ndiosíꞌ jie̱ꞌe̱ꞌ ráa.

Romanos 10:4

Chi Cristo ví ya̱ nsi̱kúnkuvi nɨꞌɨ ya̱ kuíni Ndiosíꞌ saꞌá‑a jín ley Moisés, sáva nta̱ká rá ñɨvɨ ya̱ kúneí iniꞌ ráa Cristo jee kino̱o na̱a̱ꞌ ráa nu̱u̱nꞌ Ndiosíꞌ.

Romanos 6:14

Chi ntu íyó kuneí kua̱chi jín rán, chi ntu yɨ́ꞌɨ́ rán ka̱ꞌ xi̱ntíín tu̱ꞌun ley ya nta̱túníꞌ Ndiosíꞌ, chisaꞌ yɨ́ꞌɨ́ rán chi̱ji tu̱ꞌun ya̱ íyó mániꞌ iniꞌ Ndiosíꞌ néꞌyá re̱ꞌ ránoꞌó.

Romanos 6:3

¿Á ntu jíníꞌ rán ya̱ ntáká‑ó ya̱ ña̱nuté‑ó sáva ku̱ꞌvayuꞌú‑ó ya̱ kɨꞌɨ‑ó nu̱u̱nꞌ Cristo Jesús, jee suni ña̱nuté‑ó sáva ku̱ꞌvayuꞌú‑ó ya̱ suni ni̱ꞌi̱ꞌ‑ó jín re̱ꞌ?

Romanos 7:6

Jee nyɨ̱ꞌɨ‑ó xi̱ntíín ley vá nékúvi, soo kuéntáꞌ ya̱ ni̱ꞌi̱ꞌ‑ó nu̱u̱nꞌ ley vá saáva vitan nákuíñɨꞌ núne‑ó nu̱u̱nꞌ ley vá. Sáva kɨtíñú‑ó nu̱u̱nꞌ Ndiosíꞌ sáni sáꞌá Ta̱chi̱ꞌ Ííꞌ ya̱ nakueꞌnu‑ó ichi jiáá, jee nsú ichi túꞌú jiáꞌnu‑ó sáni ñaꞌnu‑ó chi̱ji xi̱ntíín ley sáni ntee Moisés nu̱u̱nꞌ tutuꞌ yanaꞌán.

Romanos 9:3

jie̱ꞌe̱ꞌ rá ñanitáꞌán ni̱ꞌ, ya̱ kúvi ñɨvɨ táꞌán tataꞌ ni̱ꞌ, ya̱ kúvi rá ñɨvɨ tataꞌ Israel. Chi kuvi niyo iniꞌ ni̱ꞌ ya̱ xinóꞌo Ndiosíꞌ nuꞌuꞌ jín ya̱ kusɨ́ɨ́n ni̱ꞌ nu̱u̱nꞌ Cristo nékúvi, sáva chunáán ni̱ꞌ maáníꞌ nu̱u̱nꞌ Ndiosíꞌ nu̱u̱nꞌ kua̱chi ráa nékúvi, retú sukuán kúvi natavaꞌ ni̱ꞌ ráa nu̱u̱nꞌ kua̱chi ráa sikáku ni̱ꞌ ráa nékúvi. Chi nna̱keꞌen Ndiosíꞌ ráa sáva kuvi ráa se̱ꞌya re̱ꞌ. Jee nteñu vi̱ko̱ꞌ ñanu̱te̱ꞌ re̱ꞌ nneeꞌ re̱ꞌ jín ráa. Jee nsa̱ꞌá re̱ꞌ tratúꞌ jín ráa. Jee nni̱ꞌi̱nꞌ ráa tu̱ꞌun nta̱túníꞌ re̱ꞌ ya̱ njia̱ꞌa re̱ꞌ nu̱u̱nꞌ Moisés. Jee nxi̱néꞌénꞌ re̱ꞌ ráa na̱sa kuneñu̱ꞌun ráa re̱ꞌ. Jee kue̱ꞌe̱ꞌ jie̱ꞌe̱ꞌ nchi̱sóyuꞌú re̱ꞌ nu̱u̱nꞌ ráa ya̱ saꞌá re̱ꞌ ya̱ váꞌa nu̱u̱nꞌ ráa.

1 Corintios 9:8

Rá tu̱ꞌun yaꞌá ya̱ káchíꞌ ni̱ꞌ ntu kúvi‑i kuáchi rá tu̱ꞌun kéne xi̱ni̱ꞌ rá ñɨvɨ ñɨ̱vɨ́ yaꞌá. Chi, ¿á ntu suni tu̱ꞌun nta̱túníꞌ Ndiosíꞌ ya̱ njiáꞌa re̱ꞌ nu̱u̱nꞌ Moisés, káchíꞌ‑i rá tu̱ꞌun yaꞌá résa?

Gálatas 4:21

Suvirán ya̱ kuíni rán kɨꞌɨ rán xi̱ntíín tu̱ꞌun nta̱túníꞌ Ndiosíꞌ nu̱u̱nꞌ Moisés, jee kachiꞌ rán nu̱u̱nꞌ ni̱ꞌ: ¿Á ntu ntɨɨn kuéntáꞌ rán ya̱ káchíꞌ tu̱ꞌun vá nta̱túníꞌ Ndiosíꞌ, rúsa?