Mateo 7:25 - Mixteco del suroeste de Tlaxiaco Oaxaca

²⁵ Jee nkuun víꞌí sa̱vi̱ꞌ xéénꞌ, jee nna̱ka̱va rá ntekáꞌnú, jee ña̱ki̱ꞌɨ ta̱chi̱ꞌ xéénꞌ jee ña̱ku̱ꞌun‑u veꞌi vá, soo ni ntu̱ví tánɨ́ꞌ‑ɨ, chi yósóꞌ kutú jie̱ꞌe̱ꞌ‑e nu̱u̱nꞌ yu̱u̱ꞌ vá.

Mateo 7:25 ပူးပေါင်းရင်းမြစ်များ

Mateo 16:18

Jee nuꞌuꞌ káchíꞌ ni̱ꞌ nu̱u̱nꞌ nú, ya̱ noꞌó kúvi Pedro. Jee [tu̱ꞌun na̱a̱ꞌ vá ya̱ nkachiꞌ nú], yaꞌá kúvi máá kava káꞌnú nu̱u̱nꞌ samaꞌ ni̱ꞌ veñu̱ꞌun ni̱ꞌ, ya̱ kúvi rá ñɨvɨ kúneí iniꞌ ráa nuꞌuꞌ. Jee nu̱u̱nꞌ íyó rá ánímaꞌ rá ñɨvɨ níꞌiꞌ ntu̱náꞌ kuneí‑i jín rá ñɨvɨ kúneí iniꞌ ráa nuꞌuꞌ.

Mateo 7:24

’Jee saáva nta̱ká ñɨvɨ tésóꞌo ráa rá tu̱ꞌun káꞌánꞌ ni̱ꞌ yaꞌá, jee sáꞌá‑a vá, jee kúvi‑i kuéntáꞌ ɨɨn te̱e nito xi̱ni̱ꞌ, ya̱ ñani re̱ꞌ veꞌi re̱ꞌ nu̱u̱nꞌ yu̱u̱ꞌ.

Mateo 7:26

Jee nta̱ká ñɨvɨ tésóꞌo ráa rá tu̱ꞌun káꞌánꞌ ni̱ꞌ yaꞌá, jee ntu sáꞌá‑a vá, jee kúvi‑i kuéntáꞌ ɨɨn te̱e naanꞌ, ya̱ ñani re̱ꞌ veꞌi re̱ꞌ nu̱u̱nꞌ ñuítɨ́.

Mateo 7:27

Jee nkuun víꞌí sa̱vi̱ꞌ, jee nna̱ka̱va rá ntekáꞌnú, jee ña̱ki̱ꞌɨ ta̱chi̱ꞌ xéénꞌ, jee ña̱ku̱ꞌun‑u veꞌi vá, jee nta̱nɨ̱ꞌ‑ɨ, jee íchí nnaanꞌ nɨꞌɨ veꞌi vá ―nkachiꞌ Jesús nu̱u̱nꞌ rá ñɨvɨ vá.

Hechos 14:22

Yukuán, nna̱chituvi ráa ánímaꞌ rá ñɨvɨ yɨ́ꞌɨ́ nu̱u̱nꞌ Jesús. Nna̱xiníꞌvɨ́ꞌ ráa iniꞌ rává kuni̱ꞌin rává kúneí iniꞌ rává Jesús. Nkachiꞌ ráa: ―Kue̱ꞌe̱ꞌ tu̱nóꞌó nínísaá kunoꞌo‑ó jee ki̱vɨ‑ó nu̱u̱nꞌ tátúníꞌ Ndiosíꞌ.

Efesios 3:17

Sáva kɨꞌɨ Cristo iniꞌ ánímaꞌ rán jie̱ꞌe̱ꞌ ya̱ kúneí iniꞌ rán re̱ꞌ, sáva kuiñɨ ni̱ꞌin rán kuꞌun tu̱ꞌun ñúnúunꞌ re̱ꞌ iniꞌ ránoꞌó, kuéntáꞌ kúkutú yoꞌo yutun jín kuéntáꞌ veꞌi yósóꞌ kutú nu̱u̱nꞌ koo sámáꞌ,

Colosenses 2:7

Jee kaka rán suꞌva jie̱ꞌe̱ꞌ kukutú rán kuiñɨ rán jín re̱ꞌ, kuéntáꞌ kúun ɨɨn yoꞌo yutun, jee kujia iniꞌ rán ya̱ kúneí iniꞌ rán re̱ꞌ, jee kuiñɨ ni̱ꞌin rán ya̱ kúneí iniꞌ rán re̱ꞌ, sánikua̱ꞌ nku̱tu̱ꞌva rán. Jee saꞌ víꞌí káꞌ ku̱ꞌva rán ya̱ kútaꞌviꞌ rán nu̱u̱nꞌ Ndiosíꞌ.

Santiago 1:12

Na̱ ka̱ꞌ netuꞌ ka̱ꞌ ví ñɨvɨ kúníꞌin íñɨ́ ni̱ꞌin sáá nóꞌo‑o tu̱nóꞌó ya̱ jítotúníꞌ yó. Chi sáá kuneí kene na̱a̱ꞌ ñɨvɨ vá, jee ni̱ꞌi̱nꞌ‑i ta̱ꞌvi̱ꞌ ya̱ kutekuꞌ‑u nɨ́ɨ́nkání jín Ndiosíꞌ, ya̱ nchi̱sóyuꞌú re̱ꞌ nu̱u̱nꞌ rá ñɨvɨ ya̱ ñúnúunꞌ ráa re̱ꞌ.

1 Pedro 1:5

Chi jie̱ꞌe̱ꞌ ya̱ kúneí iniꞌ rán ya̱ sáꞌá Ndiosíꞌ jie̱ꞌe̱ꞌ rán, saáva kúmí re̱ꞌ ránoꞌó jín fuersáꞌ ííꞌ ni̱ꞌin re̱ꞌ sáva ni̱ꞌi̱nꞌ rán xinánitáꞌvíꞌ re̱ꞌ ránoꞌó ya̱ íyó stákoo‑o nsa̱ꞌá re̱ꞌ sáva stúvi nijinꞌ re̱ꞌ maa sáá kenta tióꞌ nu̱u̱nꞌ nɨ́ꞌɨ.

1 Pedro 1:7

Sáva kototúníꞌ tu̱nóꞌó ránoꞌó sáva stúvi maá nááꞌ nijia íñɨ́ ni̱ꞌi̱nꞌ rán kúneí iniꞌ rán Cristo, kuéntáꞌ kua̱ꞌ jítotúníꞌ ñɨvɨ ka̱a kuáán oro sáá náteñuꞌunꞌ ráa maa jín ñuꞌunꞌ, sáá jítotúníꞌ ráa oro retú ya̱ váꞌa ví‑i áxí ntu̱ví, soo ya̱ kúneí iniꞌ rán Cristo yɨ́yáꞌvi víꞌí‑i ka̱ꞌ nsú káꞌ oro, ya̱ kúvi‑i nantíñú náánꞌ. Jee retú nkene na̱a̱ꞌ va̱ꞌa ya̱ kúneí iniꞌ rán, jee ni̱ꞌi̱nꞌ rán nakuetúꞌún Ndiosíꞌ ránoꞌó, jee saꞌá yɨ́ñúꞌún jín rán, jee saꞌá ñáꞌnú re̱ꞌ ránoꞌó, ki̱vɨ̱ꞌ nenta nijinꞌ tuku Cristo.

1 Juan 2:19

Jee nteñu maáórán nkene ráa, soo ntu̱ví nkúvi ráa táꞌán‑órán ya̱ yɨ́ꞌɨ́‑órán nu̱u̱nꞌ Jesús. Chi retánꞌ nkuvi ráa táꞌán‑órán, jee nkino̱o ráa jín‑ó, nékúvi. Soo nkene ráa nteñu‑ó kua̱ꞌa̱nꞌ ráa sáva túvi kájí ya̱ nsú táꞌán‑ó kúvi nta̱ká ráa.