Mateo 7:23 - Mixteco del suroeste de Tlaxiaco Oaxaca

²³ Saájee sanáaꞌ ni̱ꞌ nu̱u̱nꞌ ráa: “Ni ntu̱ví jíníꞌ ni̱ꞌ ránoꞌó. Kuiyo rán nu̱u̱nꞌ ni̱ꞌ, ránoꞌó ya̱ máni tiñu niváꞌa nsa̱ꞌá rán”, kachiꞌ ni̱ꞌ.

Mateo 7:23 ပူးပေါင်းရင်းမြစ်များ

Mateo 25:12

’Soo nna̱xiníkó re̱ꞌ nu̱u̱nꞌ ráa, jee nkachiꞌ re̱ꞌ: “Maa nááꞌ vá káchíꞌ ni̱ꞌ nu̱u̱nꞌ rán ya̱ ntu jíníꞌ ni̱ꞌ ránoꞌó”, nkachiꞌ re̱ꞌ nu̱u̱nꞌ ráa.

Mateo 25:41

’Saájee kachiꞌ ni̱ꞌ nu̱u̱nꞌ rá ñɨvɨ íñɨ́ ichi sátín ni̱ꞌ: “¡Kuiyo rán nu̱u̱nꞌ ni̱ꞌ! Chísónínu Tátáꞌ ni̱ꞌ ránoꞌó. Kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ ya̱ káyúꞌ nɨ́ɨ́nkání, nu̱u̱nꞌ ya̱ íyó stákoo nu̱u̱nꞌ kɨ̱ꞌɨ̱nꞌ kui̱ꞌna̱ꞌ kúñáꞌnú jín rá ta̱chi̱ꞌ kíni‑i ya̱ kúvi najiáꞌáꞌ‑a.

Lucas 13:25

Chi kuéntáꞌ ɨɨn te̱e xí veꞌi nakuiñɨꞌ re̱ꞌ jee nakasɨꞌ re̱ꞌ yuvéꞌí, jee sáá nakasɨꞌ re̱ꞌ yuvéꞌí, jee kino̱o rán kuiñɨ rán ta̱ve̱ꞌí, jee sikájián rán yuvéꞌí, jee kachiꞌ rán: “I̱toꞌoꞌ, kune nú sáva ki̱vɨ ráníꞌ”, jee kachiꞌ re̱ꞌ nu̱u̱nꞌ ránú: “Ntu jíníꞌ ni̱ꞌ ránoꞌó ni né núꞌ va̱ji rán”, kachiꞌ re̱ꞌ.

Lucas 13:27

Soo kachiꞌ re̱ꞌ nu̱u̱nꞌ rán: “Ntu̱ví jíníꞌ ni̱ꞌ ránoꞌó ni né núꞌ va̱ji rán. Kuiyo rán nu̱u̱nꞌ ni̱ꞌ kuáꞌán iyo ntáká rán ya̱ sáꞌá rán tiñu niva̱ꞌa.”

Juan 10:14

’Jee nuꞌuꞌ chi kúvi ni̱ꞌ kuéntáꞌ I̱toꞌoꞌ va̱ꞌa xí rá lanchi, ya̱ náka va̱ꞌa ni̱ꞌ rátíꞌ. Jee jíníꞌ va̱ꞌa ni̱ꞌ iniꞌ rá ñɨvɨ maáníꞌ, ya̱ kúvi ráa kuéntáꞌ lanchi ni̱ꞌ, jee suni jíníꞌ va̱ꞌa rá ñɨvɨ maáníꞌ iniꞌ nuꞌuꞌ.

2 Timoteo 2:19

Soo jiákɨ́nꞌ kutú Ndiosíꞌ tu̱ꞌun re̱ꞌ, nu̱u̱nꞌ jiáni kutú re̱ꞌ rá ñɨvɨ re̱ꞌ. Jee níso vá tu̱ꞌun yaꞌá kuéntáꞌ ɨɨn seyúꞌ ya̱ káchíꞌ‑i: “Jíníꞌ I̱toꞌoꞌ‑ó rá ñɨvɨ yɨ́ꞌɨ́ nu̱u̱nꞌ re̱ꞌ”, jín, “Nta̱ká ñɨvɨ ya̱ jiáꞌayuꞌú ráa ya̱ I̱toꞌoꞌ ráa ví Cristo, íyó saꞌá sɨ́ɨ́n ráa maáráa nu̱u̱nꞌ rá níváꞌa.”

Apoclipsis 22:15

Soo chatáꞌ ñuunꞌ vá kino̱o rá ñɨvɨ ya̱ kúvi ráa kuéntáꞌ tinaꞌ ya̱ sáꞌá ráa tiñu néꞌí, jín rá ñɨvɨ ya̱ sáꞌá tásɨ́, jín rá ñɨvɨ ya̱ kúsíkɨ́ iniꞌ ráa sáꞌá téní ráa, jín rá ñɨvɨ ya̱ sáꞌá ráa ni̱yɨ, jín rá ñɨvɨ ya̱ néñu̱ꞌun ráa na̱ni nantíñú ya̱ ntu kúvi Ndiosíꞌ, jín rá ñɨvɨ ya̱ táꞌán iniꞌ ráa tu̱ꞌun túꞌún jee kátúꞌún ráa.