Mateo 7:13 - Mixteco del suroeste de Tlaxiaco Oaxaca

¹³ ’Ki̱vɨ yuvéꞌí tíkuíñɨ́, chi yuvéꞌí néꞌín jee káꞌnú‑u níkáꞌ ichi ya̱ kuáꞌánꞌ nu̱u̱nꞌ jíta rá ñɨvɨ, jee kue̱ꞌe̱ꞌ nasɨ́kuitɨꞌ ka̱ꞌ rá ñɨvɨ kívɨ maa.

Mateo 7:13 ပူးပေါင်းရင်းမြစ်များ

Génesis 6:12

Jee niniꞌ Ndiosíꞌ ya̱ tívɨ́ rá ñɨvɨ ñɨ̱vɨ́ jee nstívɨ́ nɨꞌɨ rá ñɨvɨ ñujiínꞌ jiáꞌnu ráa nu̱u̱nꞌ ñu̱ꞌún.

Génesis 6:5

Jee niniꞌ I̱toꞌoꞌ‑ó ya̱ ntántúníꞌ kánéꞌén víꞌí ñɨvɨ ya̱ íyó nu̱u̱nꞌ ñu̱ꞌún, jee ntáká ya̱ ñúꞌún iniꞌ ánímaꞌ ráa ví ya̱ yɨ́táꞌán mani ya̱ kánéꞌí.

Mateo 23:13

’¡Na̱ ka̱ꞌ xe̱e̱nꞌ kunoꞌo rán ka̱ꞌ ránoꞌó, te̱e xínéꞌénꞌ jie̱ꞌe̱ꞌ tu̱ꞌun nta̱túníꞌ Ndiosíꞌ, jín ránoꞌó te̱e kúvi fariseo!, ¡te̱e sansuꞌva kúvi rán! Chi jiásɨ́ꞌ rán ya̱ ki̱vɨ rá ñɨvɨ xi̱ntíín Ndiosíꞌ ya̱ nééꞌ antivɨ́ súkún tatúníꞌ re̱ꞌ nu̱u̱nꞌ ráa, chi ránoꞌó jee ni ntu kívɨ rán xi̱ntíín re̱ꞌ, jee ni ntu jiáꞌa rán ya̱ ki̱vɨ rá inka ka̱ꞌ ñɨvɨ.

Mateo 25:41

’Saájee kachiꞌ ni̱ꞌ nu̱u̱nꞌ rá ñɨvɨ íñɨ́ ichi sátín ni̱ꞌ: “¡Kuiyo rán nu̱u̱nꞌ ni̱ꞌ! Chísónínu Tátáꞌ ni̱ꞌ ránoꞌó. Kɨ̱ꞌɨ̱nꞌ rán nu̱u̱nꞌ ñuꞌúnꞌ xéénꞌ ya̱ káyúꞌ nɨ́ɨ́nkání, nu̱u̱nꞌ ya̱ íyó stákoo nu̱u̱nꞌ kɨ̱ꞌɨ̱nꞌ kui̱ꞌna̱ꞌ kúñáꞌnú jín rá ta̱chi̱ꞌ kíni‑i ya̱ kúvi najiáꞌáꞌ‑a.

Mateo 25:46

’Saájee kɨ̱ꞌɨ̱nꞌ rá ñɨvɨ vá nu̱u̱nꞌ xinóꞌo Ndiosíꞌ ráa nɨ́ɨ́nkání, soo rá ñɨvɨ na̱a̱ꞌ chi kɨ̱ꞌɨ̱nꞌ ráa nu̱u̱nꞌ kutekuꞌ ráa nɨ́ɨ́nkání jín Ndiosíꞌ ―nkachiꞌ Jesús.

Mateo 3:2

jee nkachiꞌ re̱ꞌ: ―Nakani iniꞌ rán xinóo rán kua̱chi rán, chi ya nkikuyatin nu̱u̱nꞌ rán ya̱ kuvi ki̱vɨ rán naꞌá Ndiosíꞌ ya̱ nééꞌ re̱ꞌ antivɨ́ súkún sáva tatúníꞌ re̱ꞌ nu̱u̱nꞌ rán ―nkachiꞌ Juan.

Mateo 3:8

’Saáva íyó saꞌá rán tiñu na̱a̱ꞌ váꞌa, ya̱ stúvi nijia rán ya̱ nna̱kani nijia iniꞌ rán nxi̱nóo rán tiñu niváꞌa. Jee suꞌva kuvi rán kuéntáꞌ yutun kúun ya̱ vixíꞌ váꞌa.

Mateo 7:14

Soo yuvéꞌí tíkuíñɨ́ jín ichi lúlí tíkuíñɨ́ ví ya̱ kuáꞌán nu̱u̱nꞌ ki̱vɨ ñɨvɨ nu̱u̱nꞌ kutekuꞌ ráa nɨ́ɨ́nkání jín Ndiosíꞌ, soo yakuꞌ ni rá ñɨvɨ ví ya̱ nániꞌinꞌ ráa maa.

Lucas 14:33

Jee saáva, nta̱ká ránoꞌó, retú ntu íyó iniꞌ‑i xinóo nɨꞌɨ ya̱ kúmí‑i, saájee ntu kúvi kunikɨnꞌ nuꞌuꞌ ya̱ sukuáꞌa ni̱ꞌ maa ―nkachiꞌ Jesús.

Lucas 9:33

Jee sáá nku̱sɨ́ɨ́n ni nuví rá te̱e vá nu̱u̱nꞌ Jesús, jee nkachiꞌ Pedro nu̱u̱nꞌ Jesús: ―¡Mestrúꞌ! ¡Na̱ ka̱ꞌ va̱ꞌa ka̱ꞌ ya̱ íyó‑ó yaꞌá! Saꞌá ráníꞌ u̱ni̱ꞌ vesayo, ɨɨn kuvi nú, jee ɨɨn kuvi Moisés, jee ɨɨn kuvi Elías ―nkachiꞌ Pedro sukuán, súnika̱ꞌ ni maá Pedro ntu jíníꞌ re̱ꞌ na̱ jie̱ꞌe̱ꞌ nkachiꞌ re̱ꞌ sukuán.

Juan 10:9

Soo nuꞌuꞌ chi kúvi ni̱ꞌ kuéntáꞌ ɨɨn yuvéꞌí. Jee retú ki̱vɨ néni ɨɨn ñɨvɨ naꞌá Ndiosíꞌ jie̱ꞌe̱ꞌ ni̱ꞌ, jee natavaꞌ re̱ꞌ maa nu̱u̱nꞌ kua̱chi‑i jee nanitáꞌvíꞌ‑i. Kúvi‑i kuéntáꞌ lanchi ni̱ꞌ ya̱ néne nívɨ jee ni̱ꞌi̱nꞌ ti̱ꞌ iteꞌ kajiꞌ ti̱ꞌ.

Juan 14:6

Jee nkachiꞌ Jesús nu̱u̱nꞌ‑u: ―Nuꞌuꞌ kúvi ni̱ꞌ ichi ya̱ nátuꞌva ñɨvɨ nu̱u̱nꞌ Ndiosíꞌ, jín nu̱u̱nꞌ nuꞌuꞌ va̱ji ya̱ naáꞌ, jín maáníꞌ ví ya̱ sáꞌá‑a ya̱ kutekuꞌ ñɨvɨ jín Ndiosíꞌ nɨ́ɨ́nkání. Ntu íyó inka ka̱ꞌ ichi ya̱ kenta ñɨvɨ nu̱u̱nꞌ Tátáꞌ ni̱ꞌ Ndiosíꞌ, chi métúꞌún nuꞌuꞌ ví‑i ya̱ sáꞌá ya̱ nkénta ñɨvɨ nu̱u̱nꞌ Ndiosíꞌ.

Hechos 3:19

Nakani iniꞌ rán jie̱ꞌe̱ꞌ kua̱chi rán, jee nakunikɨnꞌ rán Ndiosíꞌ, sáva xinónoo re̱ꞌ kua̱chi rán. Jee sáva maá I̱toꞌoꞌ‑ó taji tiempúꞌ ya̱ nuva̱ꞌa iniꞌ rán.

Romanos 9:22

Jee, ¿á ntu̱ví váꞌa ya̱ suni sukuán sáꞌá Ndiosíꞌ?, chi kuíni Ndiosíꞌ stúvi re̱ꞌ ya̱ xinóꞌo re̱ꞌ ñɨvɨ jie̱ꞌe̱ꞌ kua̱chi ráa chi kítɨ́ꞌ iniꞌ re̱ꞌ néꞌyá re̱ꞌ ráa jee kuíni re̱ꞌ saꞌá re̱ꞌ ya̱ kukáꞌnú iniꞌ nɨꞌɨ jie̱ꞌe̱ꞌ fuersáꞌ ííꞌ ni̱ꞌin níso re̱ꞌ, soo neí káꞌnú íyó neí iniꞌ re̱ꞌ jiéꞌnéꞌ iniꞌ re̱ꞌ néꞌyá re̱ꞌ rá ñɨvɨ ya̱ íyó ni̱ꞌi̱nꞌ ráa ya̱ kítɨ́ꞌ iniꞌ re̱ꞌ xinóꞌo re̱ꞌ ráa saá váji ráa ya̱ xináánꞌ re̱ꞌ ráa.

2 Corintios 4:4

Maá kui̱ꞌna̱ꞌ kúñáꞌnú ya̱ yósóꞌ nu̱u̱nꞌ rá ñɨvɨ ñɨ̱vɨ́ yaꞌá tiempúꞌ vitan kuéntáꞌ ɨɨn ndiosíꞌ, jee sáꞌá re̱ꞌ kuneenꞌ antúníꞌ rá ñɨvɨ vá, ya̱ ntu ínúꞌ iniꞌ ráa Cristo, ya̱ kuéntáꞌ kuáá ráa, sáva ntu̱ví jiáꞌa re̱ꞌ tu̱ꞌun váꞌa jie̱ꞌe̱ꞌ Cristo na̱tuunꞌ‑u iniꞌ ánímaꞌ ráa, sáva ntu kuniꞌ ráa ya̱ máá kúñáꞌnú Cristo ya̱ ɨɨn ni kúvi re̱ꞌ jín Ndiosíꞌ ya̱ tu̱vi nijinꞌ sáá íyó Ndiosíꞌ.

2 Corintios 6:17

Jee suni sukuán nta̱túníꞌ I̱toꞌoꞌ‑ó: Saáva kene ránú nteñu ráa, jee saꞌá sɨ́ɨ́n rán maárán, jee koto na̱ kéꞌí rán rá tiñu ya̱ ntu̱ví íyó ninuꞌun. Jee ku̱ꞌvayuꞌú ni̱ꞌ ya̱ kuvi rán ñɨvɨ ni̱ꞌ.

Gálatas 5:24

Saájee rá ñɨvɨ yɨ́ꞌɨ́ nu̱u̱nꞌ Cristo Jesús, ñaꞌniꞌ ráa ya̱ níyo néꞌén iniꞌ ráa nu̱u̱nꞌ kurúsiꞌ, jín ne̱ ya̱ néꞌén ya̱ nóꞌónꞌ iniꞌ ráa saꞌá ráa, jín ne̱ ya̱ néꞌén ya̱ tíntɨ́ ráa.

Filipenses 3:19

Sáá va̱ji ráa ya̱ kunoꞌo ráa nu̱u̱nꞌ ñúꞌúnꞌ xe̱e̱nꞌ. Jee kua̱chi ndiosíꞌ ráa ví chi̱ji ráa chi chíñúꞌún ráa maa. Kúsɨ́ɨꞌ téyɨ́ɨ́ iniꞌ ráa sáꞌá ráa tiñu néꞌén, sú tu̱ꞌun kánuun ví‑i. Chi ñúꞌún iniꞌ ráa rá tiñu ñɨ̱vɨ́ yaꞌá ya̱ íyó sɨ́ɨ́n nu̱u̱nꞌ Ndiosíꞌ.

1 Juan 5:19

Jee jíníꞌ‑ó ya̱ kúvi‑ó ñɨvɨ Ndiosíꞌ, jín ya̱ kua̱íyó kuitɨꞌ rá inka ñɨvɨ ñɨ̱vɨ́ yaꞌá ya̱ ntu yɨ́ꞌɨ́ ráa nu̱u̱nꞌ re̱ꞌ, yɨ́ꞌɨ́ ráa chi̱ji xi̱ntíín kui̱ꞌna̱ꞌ kúñáꞌnú.

Apoclipsis 12:9

Sukuán nkuvi jee ntavaꞌ rá najiáꞌáꞌ ííꞌ vá ko̱o̱ꞌ mánasɨ́ yukuán antivɨ́ súkún. Jee ko̱o̱ꞌ mánasɨ́ vá kúvi ko̱o̱ꞌ ya̱ íyó ne̱ yanaꞌán víꞌí. Jee maátíꞌ ví ya̱ naní ti̱ꞌ kui̱ꞌna̱ꞌ kúñáꞌnú jín suni naní ti̱ꞌ Satanás. Jee maáa vá xínáꞌví‑i rá ñɨvɨ kua̱íyó ñɨ̱vɨ́. Jee ntavaꞌ ráa maa ne̱ jín rá najiáꞌáꞌ‑a antivɨ́ súkún, jee nsi̱kéne ráa maa jín ne̱ rá najiáꞌáꞌ‑a nu̱u̱nꞌ ñu̱ꞌún iniꞌ ñɨ̱vɨ́ yaꞌá.

Apoclipsis 13:8

Jee kuneñu̱ꞌun kua̱íyó rá ñɨvɨ ti̱ꞌ ya̱ kúvi ráa rá ñɨvɨ nééꞌ ráa ñɨ̱vɨ́ ya̱ ntu níso súví ráa nu̱u̱nꞌ tutuꞌ ya̱ níso‑o rá súví rá ñɨvɨ ya̱ kutekuꞌ ráa jín Ndiosíꞌ nɨ́ɨ́nkání. Tutuꞌ vá kúvi tutuꞌ maáréꞌ ya̱ kúvi Lanchi Lúlí ya̱ ñaꞌniꞌ rá ñɨvɨ re̱ꞌ sáni nsa̱náaꞌ Ndiosíꞌ ne̱ ntiáꞌan kiko̱o ñɨ̱vɨ́.

Apoclipsis 20:15

Jee nu̱u̱nꞌ ñúꞌún xéénꞌ iniꞌ nteñúꞌún yukuán nu̱u̱nꞌ káyúꞌ núꞌvéꞌ ñuꞌunꞌ nchuꞌun re̱ꞌ ntáká rá ñɨvɨ ya̱ ntu níso rá súví ráa nu̱u̱nꞌ tutuꞌ níso rá súví rá ñɨvɨ ya̱ kutekuꞌ ráa nɨ́ɨ́nkání jín Ndiosíꞌ.

Apoclipsis 20:3

Jee nsi̱kéne re̱ꞌ maa iniꞌ numaꞌ ya̱ ntu jínu nu̱u̱nꞌ kúnú‑u, jee ñasɨꞌ kutú váꞌa re̱ꞌ yuꞌú numaꞌ vá jee ntee re̱ꞌ seyúꞌ maa, sáva ntu xináꞌví‑i ka̱ꞌ rá ñɨvɨ rá nación, nekuaꞌ ji̱nu ɨɨn mil (1000) kui̱ya̱ꞌ vá. Jee retú njia̱ꞌa tiempúꞌ vá jee íyó nakani núne re̱ꞌ maa yakuꞌ ni tiempúꞌ.