Mateo 5:9 - Mixteco del suroeste de Tlaxiaco Oaxaca

⁹ Na̱ ka̱ꞌ netuꞌ ka̱ꞌ kúvi rá ñɨvɨ ya̱ númánitáꞌán ráa, kuneeꞌ ñunkúún ñɨvɨ jín ɨɨn inka táꞌán ráa, chi nakaꞌanꞌ Ndiosíꞌ se̱ꞌya re̱ꞌ ráa.

Mateo 5:9 ပူးပေါင်းရင်းမြစ်များ

Mateo 5:45

Saꞌá sukuán sáva ránoꞌó se̱ꞌya Ndiosíꞌ saꞌá rán kuéntáꞌ Tátáꞌ rán Ndiosíꞌ ya̱ nééꞌ antivɨ́ súkún chi maáréꞌ vá sáꞌá re̱ꞌ ya̱ kéne nka̱niiꞌ túúnꞌ‑u nu̱u̱nꞌ rá ñɨvɨ níváꞌa jín rá ñɨvɨ váꞌa, jee síkúun re̱ꞌ sa̱vi̱ꞌ nu̱u̱nꞌ rá ñɨvɨ jiáꞌnu na̱a̱ꞌ jín nu̱u̱nꞌ rá ñɨvɨ ntu jiáꞌnu na̱a̱ꞌ.

Mateo 5:48

Saáva na̱a̱ꞌ kueꞌnu ránú kɨtíñú noo rán nu̱u̱nꞌ Ndiosíꞌ kuéntáꞌ kua̱ꞌ máá na̱a̱ꞌ kúvi Tátáꞌ ránú Ndiosíꞌ ya̱ nééꞌ antivɨ́ súkún.

Lucas 20:36

jee ni nsáꞌ kuvi kuviꞌ ráa ka̱ꞌ, chi sukuán koo ráa kuéntáꞌ kua̱ꞌ íyó rá najiáꞌáꞌ ííꞌ Ndiosíꞌ ya̱ ntu jíꞌíꞌ rává, jee kuvi ráa se̱ꞌya Ndiosíꞌ chi maáréꞌ nxi̱nátekuꞌ i̱i̱ꞌ re̱ꞌ ráa.

Lucas 6:35

’Soo kunu̱u̱nꞌ rán rá ñɨvɨ ya̱ túfíꞌ táꞌán ráa jín ránoꞌó jee saꞌá rán ya̱ váꞌa jín ráa. Jee ku̱ꞌvanúún rán nu̱u̱nꞌ ñɨvɨ sú ntu jíníꞌ rán ya̱ naniꞌinꞌ tuku rán maa. Jee máá ñáꞌnú ví ta̱ꞌvi̱ꞌ ni̱ꞌi̱nꞌ rán, jee kuvi rán se̱ꞌya Ndiosíꞌ máá ñáꞌnú ka̱ꞌ nu̱u̱nꞌ nɨꞌɨ, chi ñúnkúún iniꞌ re̱ꞌ rá ñɨvɨ ya̱ ntu jiáꞌa ráa ya̱ kútaꞌviꞌ ráa nu̱u̱nꞌ re̱ꞌ jín rá ñɨvɨ niváꞌa.

Hechos 7:26

Jee ki̱vɨ̱ꞌ steñu̱ꞌún, nna̱niꞌinꞌ re̱ꞌ u̱vi̱ꞌ ráa kántáꞌán. Jee nkuini re̱ꞌ ya̱ numa̱ni̱ꞌ ɨɨn inka ráa saꞌá re̱ꞌ, jee nkachiꞌ re̱ꞌ: “¡Ránó te̱e! ¡Ɨɨn ni ñaniꞌ kúvi rán! ¿Na̱chi stúfíꞌ ɨɨn inka rán maárán?”, nkachiꞌ Moisés nu̱u̱nꞌ ráa.

Romanos 12:18

Retú kúvi, na̱sa kua̱ꞌ kenta kúneí rán, kuniꞌvɨꞌ iniꞌ rán kuneeꞌ ñunkúún rán jín ntáká rá ñɨvɨ.

Romanos 8:14

Chi ntáká rá ñɨvɨ ya̱ jiáꞌnu ráa sáni chúꞌun Ta̱chi̱ꞌ Ííꞌ Ndiosíꞌ ichi ráa, jee suviráa vá kúvi se̱ꞌya Ndiosíꞌ.

Romanos 8:16

Jee máá maá Ta̱chi̱ꞌ Ííꞌ Ndiosíꞌ jiáꞌa ya̱ naáꞌ nu̱u̱nꞌ ánímaꞌ‑ó, ya̱ kúvi‑ó se̱ꞌya Ndiosíꞌ.

Romanos 8:19

Chi ntáká ya̱ nsa̱ꞌá Ndiosíꞌ nétu numíjiꞌíꞌ ráa ya̱ nasaꞌá Ndiosíꞌ yó ya̱ kájíkuitɨꞌ tu̱vi‑ó sukuán ya̱ kúvi nijia‑ó se̱ꞌya re̱ꞌ.

1 Corintios 6:6

Chisaꞌ ɨɨn ñanitáꞌán rán jiákɨ́nꞌ‑ɨ kua̱chi si̱kɨ̱ꞌ inka ka̱ꞌ ñanitáꞌán‑a nu̱u̱nꞌ rá te̱e néetiñu jee suꞌva sáꞌá rán ichinúúnꞌ rá ñɨvɨ ya̱ ntu̱ví kúneí iniꞌ ráa Ndiosíꞌ.

2 Corintios 13:11

Nu̱u̱nꞌ nɨ́ꞌɨ, tátúníꞌ ni̱ꞌ nu̱u̱nꞌ ránoꞌó ñanitáꞌán ya̱, na̱ ka̱ꞌ kusɨ̱ɨ̱ꞌ iniꞌ ánímaꞌ rán, na̱ ka̱ꞌ kujia noo iniꞌ rán nu̱u̱nꞌ Cristo ne̱ kuna̱a̱ꞌ rán, jee na̱ ka̱ꞌ tɨɨn kuéntáꞌ rán rá tu̱ꞌun ya̱ xínániꞌvɨꞌ ni̱ꞌ iniꞌ rán, jee na̱ ka̱ꞌ nuún kuꞌun iniꞌ rán, jee na̱ ka̱ꞌ ñunkúún kuneeꞌ rán jín ɨɨn inka táꞌán rán. Jee maá Ndiosíꞌ, ya̱ sáꞌá ya̱ kunu̱u̱nꞌ‑ó ɨɨn inka‑ó jín ya̱ kuneeꞌ ñunkúún‑ó jín ɨɨn inka‑ó, jee koo re̱ꞌ jín rán.

2 Corintios 5:20

Jee saáva ránuꞌuꞌ, nta̱jí Cristo yɨ́tíñú ránꞌ nu̱u̱nꞌ tiñu re̱ꞌ, maá Ndiosíꞌ jiátíñú re̱ꞌ ránuꞌuꞌ jíkánꞌ táꞌvíꞌ re̱ꞌ nu̱u̱nꞌ ránoꞌó ya̱ kuéntáꞌ káꞌánꞌ re̱ꞌ sáá káꞌánꞌ ránꞌ. Jee nu̱u̱nꞌ súví Cristo, jíkánꞌ táꞌvíꞌ ránꞌ nu̱u̱nꞌ ránoꞌó, ya̱ numa̱ni̱ꞌ ránú jín Ndiosíꞌ.

Gálatas 5:22

Soo suni túvi rá tiñu sáꞌá Ta̱chi̱ꞌ Ííꞌ Ndiosíꞌ iniꞌ ñɨvɨ kuéntáꞌ túvi rá vixíꞌ kúun yutun. Sáꞌá re̱ꞌ ya̱ ñɨvɨ: ñúnúunꞌ ráa táꞌán ráa, ñúꞌún tu̱ꞌun íyó sɨ́ɨꞌ iniꞌ ánímaꞌ ráa, nééꞌ ñunkúún ráa jín táꞌán ráa, káꞌnú iniꞌ ráa, kúváꞌa iniꞌ ráa, ma̱ni̱ꞌ iniꞌ ráa, na̱a̱ꞌ ráa nu̱u̱nꞌ rá táꞌán ráa ya̱ kúkáꞌnú iniꞌ rá ñɨvɨ ráa,

Efesios 4:1

Saájee nuꞌuꞌ Pablo, ya̱ yɨ́ꞌɨ́ ni̱ꞌ veka̱a jie̱ꞌe̱ꞌ sátíñú ni̱ꞌ nu̱u̱nꞌ I̱toꞌoꞌ‑ó, náxiníꞌvɨ́ꞌ ni̱ꞌ iniꞌ rán ya̱ kueꞌnu na̱a̱ꞌ rán ichi Ndiosíꞌ, sánikua̱ꞌ íyó kaka rán ya̱ kúvi rán ñɨvɨ ya̱ nkana Ndiosíꞌ kɨtíñú rán nu̱u̱nꞌ re̱ꞌ.

Filipenses 4:2

Jíkánꞌ táꞌvíꞌ ni̱ꞌ nu̱u̱nꞌ Evodia jín Síntique, ya̱ nuún kuꞌun iniꞌ ráa chi ni núvíꞌ ráa yɨ́ꞌɨ́ nu̱u̱nꞌ I̱toꞌoꞌ‑ó.

Colosenses 3:13

jín ya̱ keꞌneꞌ iniꞌ rán jín táꞌán rán, jín ya̱ kunekáꞌnú iniꞌ rán kune̱ꞌyá rán ɨɨn inka táꞌán rán, retú íyó kua̱chi nsa̱ꞌá néni ɨɨn rán si̱kɨ̱ꞌ néni ɨɨn inka rán. Kuéntáꞌ kua̱ꞌ nne̱káꞌnú iniꞌ Cristo nne̱ꞌyá re̱ꞌ ránoꞌó, jee suni sukuán ranika̱ꞌ saꞌá rán.

Hebreos 12:14

Naniꞌvɨꞌ iniꞌ rán nukú rán kuneeꞌ ñunkúún rán jín ntáká ñɨvɨ jín ya̱ kusɨ́ɨ́n rán nu̱u̱nꞌ kua̱chi jee kɨtíñú rán nu̱u̱nꞌ Ndiosíꞌ. Chi retú ntu yɨ́tíñú ɨɨn ñɨvɨ nu̱u̱nꞌ Ndiosíꞌ, ni nsáꞌ kuniꞌ‑i nu̱u̱nꞌ I̱toꞌoꞌ‑ó.