Mateo 5:30 - Mixteco del suroeste de Tlaxiaco Oaxaca

³⁰ ’Jee retú sóꞌó naꞌá kuáꞌá nú kininkava nú nu̱u̱nꞌ kua̱chi, va̱ꞌa ka̱ꞌ ya̱ keꞌneꞌ nú maa sukuíkó nú maa. Chi va̱ꞌa ka̱ꞌ kúvi nú ya̱ sukuíta nú ɨɨn rá íyó nu̱u̱nꞌ yɨkɨkúñu nú, nsú káꞌ ya̱ koo nɨꞌɨ ñunéꞌyúꞌ nú jee kɨ̱ꞌɨ̱nꞌ nú nu̱u̱nꞌ ñuꞌúnꞌ xéénꞌ.

Mateo 5:30 ပူးပေါင်းရင်းမြစ်များ

Mateo 11:6

Jee na̱ ka̱ꞌ netuꞌ ka̱ꞌ kúvi ñɨvɨ ya̱ ntu kúníní iniꞌ‑i jie̱ꞌe̱ꞌ nuꞌuꞌ jee ntu kúsɨ́ɨ́n‑ɨ nu̱u̱nꞌ nuꞌuꞌ ―nkachiꞌ Jesús nu̱u̱nꞌ rá te̱e vá.

Mateo 13:21

Soo ntu kúun yoꞌo tu̱ꞌun vá iniꞌ ánímaꞌ‑a, chi ntu kúkutú‑u ntu kúníꞌin‑i jín Tu̱ꞌun Ndiosíꞌ. Jee sáá táꞌánꞌ‑a tu̱nóꞌó, áxí, sáá jíto u̱ꞌvi̱ꞌ rá ñɨvɨ maa jie̱ꞌe̱ꞌ Tu̱ꞌun Ndiosíꞌ, yukuáni jee níkóyátá iniꞌ‑i nu̱u̱nꞌ Tu̱ꞌun Ndiosíꞌ.

Mateo 16:23

Soo nna̱kune̱ꞌyá Jesús nu̱u̱nꞌ Pedro, jee nkachiꞌ re̱ꞌ nu̱u̱nꞌ‑u: ―¡Kuiyo, kuáꞌán iyo! ¡Satanás!, chi núkú nú xinínkava nú nuꞌuꞌ. Nsáꞌ nénu̱u̱nꞌ nú tiñu Ndiosíꞌ, chisaꞌ nénu̱u̱nꞌ nú sáni jiáni iniꞌ rá ñɨvɨ ―nkachiꞌ re̱ꞌ.

Mateo 17:27

Soo sáva ntu chuníní‑ó iniꞌ ráa, saáva kuáꞌán yúnteñúꞌún, jee sikéne yoꞌo núꞌníꞌ ka̱a lúlí ya̱ tɨ́ɨn tia̱ká nu̱u̱nꞌ nute, jee tia̱ká xíꞌnañúꞌún ya̱ tɨɨn ka̱a vá, jee tavaꞌ ti̱ꞌ, jee nikaꞌ nú yuꞌú ti̱ꞌ, jee yukuán naniꞌinꞌ nú ɨɨn xu̱ꞌún, jee tɨɨn maa chunáán nú nu̱u̱nꞌ rá te̱e vá, sáva kasɨꞌ nú nu̱u̱nꞌ nuꞌuꞌ jín nu̱u̱nꞌ noꞌó ―nkachiꞌ Jesús.

Mateo 18:8

Jee saáva, retú sóꞌó naꞌá nú áxí jie̱ꞌe̱ꞌ nú kininkava nú nu̱u̱nꞌ kua̱chi, va̱ꞌa ka̱ꞌ keꞌneꞌ nú maa sukuíkó íká nú maa. Chi va̱ꞌa ka̱ꞌ ví nú ya̱ koo kúꞌlúꞌ nú áxí ya̱ koo lénkó nú, jee ki̱vɨ nú nu̱u̱nꞌ kutekuꞌ nú nɨ́ɨ́nkání jín Ndiosíꞌ. Chi va̱ꞌa ka̱ꞌ sukuán nsú káꞌ koo ni núvíꞌ naꞌá nú, jín ni núvíꞌ jie̱ꞌe̱ꞌ nú jee kɨ̱ꞌɨ̱nꞌ nú nu̱u̱nꞌ ñuꞌúnꞌ xéénꞌ ya̱ káyúꞌ‑u nɨ́ɨ́nkání.

Mateo 22:13

Saájee te̱e tátúníꞌ vá nkachiꞌ re̱ꞌ nu̱u̱nꞌ rá musúꞌ re̱ꞌ: “Kuꞌniꞌ rán jie̱ꞌe̱ꞌ jín naꞌá te̱e yaꞌá, jee tavaꞌ rán maa kɨ̱ꞌɨ̱nꞌ‑ɨ nu̱u̱nꞌ ñu̱neenꞌ ta̱ve̱ꞌí, jee yukuán ví nu̱u̱nꞌ kunoꞌo‑o, jee kunaꞌyuꞌ‑u ne̱ sikáꞌñɨ́ꞌ‑ɨ rá nu̱ꞌun‑u”, nkachiꞌ re̱ꞌ.

Mateo 25:20

Jee musúꞌ ya̱ nni̱ꞌi̱nꞌ u̱ꞌu̱nꞌ kustáꞌ xu̱ꞌún ka̱a vá, ña̱kuyatin‑i nu̱u̱nꞌ i̱toꞌoꞌ‑o jín u̱ꞌu̱nꞌ ka̱ꞌ kustáꞌ xu̱ꞌún, jee nkachiꞌ‑i: “I̱toꞌoꞌ, u̱ꞌu̱nꞌ kustáꞌ xu̱ꞌún ka̱a ntaji nú nu̱u̱nꞌ nuꞌuꞌ, jee kune̱ꞌyá, yaꞌá íyó u̱ꞌu̱nꞌ ka̱ꞌ kustáꞌ xu̱ꞌún ya̱ ni̱ꞌi̱nꞌ ni̱ꞌ si̱kɨ̱ꞌ‑ɨ.”

Mateo 26:31

Saájee nkachiꞌ Jesús nu̱u̱nꞌ ráa: ―Ntáká ránoꞌó kininkava nayu̱ꞌví rán jee xinóo métúꞌún rán nuꞌuꞌ yakuááꞌ vitan, chi sáni káchíꞌ nu̱u̱nꞌ Tutuꞌ níso Tu̱ꞌun Ndiosíꞌ jee nkachiꞌ re̱ꞌ: Kaꞌniꞌ ni̱ꞌ te̱e náka lanchi, jee kutenuun rá lanchi, káchíꞌ nu̱u̱nꞌ Tutuꞌ Ííꞌ.

Mateo 5:22

Soo nuꞌuꞌ káchíꞌ ni̱ꞌ nu̱u̱nꞌ ránú ya̱ néni ɨɨn ñɨvɨ ya̱ kítɨ́ꞌ iniꞌ‑i néꞌyá‑a ñanitáꞌán‑a, koo si̱kɨ̱ꞌ‑ɨ kɨ̱ꞌɨ̱nꞌ‑ɨ xi̱ntíín nu̱u̱nꞌ keꞌneꞌ kua̱chi. Jee néni ɨɨn ñɨvɨ tenu̱u̱nꞌ ñanitáꞌán‑a jee kachiꞌ nu̱u̱nꞌ ñanitáꞌán‑a ya̱ ntu̱náꞌ tiñu, jee kɨ̱ꞌɨ̱nꞌ‑ɨ ichinúúnꞌ rá te̱e nísotíñú ñáꞌnú ka̱ꞌ keꞌneꞌ ráa kua̱chi. Jee néni ɨɨn ñɨvɨ ya̱ kachiꞌ‑i: “Ñɨvɨ naanꞌ”, nu̱u̱nꞌ ñanitáꞌán‑a koo si̱kɨ̱ꞌ‑ɨ kɨ̱ꞌɨ̱nꞌ‑ɨ nu̱u̱nꞌ ñúꞌúnꞌ xéénꞌ.

Mateo 5:29

’Jee saáva, retú nchinúún kuáꞌá nú sáꞌá‑a ya̱ kininkava nú nu̱u̱nꞌ kua̱chi, va̱ꞌa ka̱ꞌ tavaꞌ nú maa sukuíkó nú maa. Chi va̱ꞌa ka̱ꞌ ví nú ya̱ sukuíkó nú ɨɨn rá íyó nu̱u̱nꞌ yɨkɨkúñu nú, nsú káꞌ ya̱ sukuíkó nɨꞌɨ ñunéꞌyúꞌ nú nu̱u̱nꞌ ñuꞌúnꞌ xéénꞌ.

Marcos 9:43

’Jee retú sóꞌó naꞌá nú kininkava nú nu̱u̱nꞌ kua̱chi, va̱ꞌa ka̱ꞌ keꞌneꞌ nú maa. Chi va̱ꞌa ka̱ꞌ ví nú ya̱ koo kúꞌlúꞌ nú, jee ki̱vɨ nú nu̱u̱nꞌ kutekuꞌ nú nɨ́ɨ́nkání jín Ndiosíꞌ. Chi va̱ꞌa ka̱ꞌ sukuán nsú káꞌ ya̱ koo ni núvíꞌ naꞌá nú jee kɨ̱ꞌɨ̱nꞌ nú nu̱u̱nꞌ ñuꞌúnꞌ xéénꞌ ya̱ ntu náꞌváꞌ ñuꞌunꞌ maa.

Lucas 12:5

Soo xinéꞌénꞌ ni̱ꞌ nu̱u̱nꞌ rán né ɨɨn vá íyó kuyu̱ꞌví rán: ya̱ íyó kuyu̱ꞌví rán ví Ndiosíꞌ, chi ré njia̱ꞌa ya̱ nsa̱ꞌá re̱ꞌ ya̱ jíꞌíꞌ rán, jee níso re̱ꞌ fuersáꞌ ííꞌ níꞌin re̱ꞌ ya̱ kuvi chuꞌun re̱ꞌ ránoꞌó nu̱u̱nꞌ ñuꞌúnꞌ xéénꞌ. Jee saáva káchíꞌ ni̱ꞌ nu̱u̱nꞌ rán ya̱ íyó nijia ya̱ maáréꞌ ví ya̱ íyó kuyu̱ꞌví rán.

Lucas 17:2

Chi va̱ꞌa ka̱ꞌ kúvi‑i retánꞌ sukuán jee kunuꞌniꞌ su̱ku̱nꞌ‑u ɨɨn yu̱u̱ꞌ molínúꞌ máá káꞌnú jee kɨ̱sikéne maa nu̱u̱nꞌ nteñúꞌún, nsú káꞌ retú xinínkava‑a ɨɨn rá su̱chí lúlí yaꞌá xinóo‑o ichi nuꞌuꞌ.

Romanos 9:33

Suꞌva káchíꞌ tu̱ꞌun níso nu̱u̱nꞌ Tutuꞌ Ííꞌ: Ne̱ nu̱u̱nꞌ ñuunꞌ Sión kani ni̱ꞌ maáréꞌ ya̱ kuvi re̱ꞌ kuéntáꞌ ɨɨn yu̱u̱ꞌ ya̱ kakɨ̱ꞌɨ jie̱ꞌe̱ꞌ ñɨvɨ jee yu̱u̱ꞌ yaꞌá vá sáꞌá‑a ya̱ naniso ráa. Jee rá ñɨvɨ ya̱ kúneí iniꞌ ráa re̱ꞌ, jee nkóo ráa jín tu̱nkánuun. Nkachiꞌ Ndiosíꞌ.

1 Corintios 8:13

Jee saáva, retú jie̱ꞌe̱ꞌ yájíꞌ ni̱ꞌ ku̱ñu jee sukuán sikíninkava ni̱ꞌ ñanitáꞌán‑ó nu̱u̱nꞌ kua̱chi jee ni nsáꞌ kajiꞌ kuitɨꞌ ni̱ꞌ ka̱ꞌ ku̱ñu ni tékúꞌ ni̱ꞌ, sáva ntu̱ví saꞌá ni̱ꞌ ya̱ kininkava ñanitáꞌán‑ó nu̱u̱nꞌ kua̱chi.

Gálatas 5:11

Soo, ránoꞌó ñaniꞌ, réáꞌ stékútu̱ꞌún i̱i̱ꞌ ni̱ꞌ, nékúvi, ya̱ íyó sáꞌá circuncidar‑ó, ¿na̱ kuvi chi jíto u̱ꞌvi̱ꞌ i̱i̱ꞌ rá ñɨvɨ ñuunꞌ Israel nuꞌuꞌ? Chi réáꞌ stékútu̱ꞌún i̱i̱ꞌ ni̱ꞌ suꞌva, nékúvi, jee nkóo ka̱ꞌ tu̱ꞌun kuníní ka̱ꞌ iniꞌ ráa, nékúvi, jie̱ꞌe̱ꞌ tu̱ꞌun ya̱ Jesús ni̱ꞌi̱ꞌ nu̱u̱nꞌ kurúsiꞌ sáva saꞌá re̱ꞌ ya̱ nánitáꞌvíꞌ‑ó.

1 Pedro 2:8

Jee suni káchíꞌ nu̱u̱nꞌ Tutuꞌ Ííꞌ: Ɨɨn yu̱u̱ꞌ ya̱ kákɨ́ꞌɨ jie̱ꞌe̱ꞌ ráa, jee túvíꞌ ráa, nkachiꞌ nu̱u̱nꞌ Tutuꞌ Ííꞌ Ndiosíꞌ, chi kíninkava ráa kúníꞌin iniꞌ ráa nu̱u̱nꞌ tu̱ꞌun re̱ꞌ, chi saá váji ráa ya̱ kunoꞌo ráa suꞌva.