Mateo 22:9 - Mixteco del suroeste de Tlaxiaco Oaxaca

⁹ Kuáꞌán rán ntáká rá ichi káꞌnú, jee néni ɨɨn ñɨvɨ naniꞌinꞌ rán kana rán ráa kiji ráa viko tánáꞌá yaꞌá”, nkachiꞌ re̱ꞌ.

Mateo 22:9 ပူးပေါင်းရင်းမြစ်များ

Mateo 20:7

Jee nkachiꞌ ráa nu̱u̱nꞌ re̱ꞌ: “Saáchi ni ɨɨn ntu̱náꞌ kána ránuꞌuꞌ satíñú ránꞌ jín‑i”, nkachiꞌ ráa, saájee nkachiꞌ re̱ꞌ nu̱u̱nꞌ ráa: “Suni kuáꞌán rán nu̱u̱nꞌ káá tataꞌ uva ni̱ꞌ, [jee chunáán ni̱ꞌ nu̱u̱nꞌ ránoꞌó ne̱ ni ɨɨn jie̱ꞌe̱ꞌ ya̱ váꞌa].”

Mateo 22:10

Jee sáá nkene rá musúꞌ vá kua̱ꞌa̱nꞌ ráa ntáká rá ichi káꞌnú, jee nstútú ráa ntáká ñɨvɨ ya̱ naniꞌinꞌ ráa, va̱ni ñɨvɨ kánéꞌén, va̱ni ñɨvɨ va̱ꞌa, jee suꞌva nchi̱tú ñɨvɨ nu̱u̱nꞌ íyó viko tána̱ꞌá vá.

Mateo 22:8

’Saájee nkachiꞌ te̱e tátúníꞌ vá nu̱u̱nꞌ rá musúꞌ re̱ꞌ: “Máá nááꞌ nijia ya̱ nɨꞌɨ ya íyó stákoo viko tána̱ꞌá yaꞌá, soo rá ñɨvɨ ya̱ nkana ni̱ꞌ kiji viko yaꞌá, ntu íyó níꞌínꞌ ráa ya̱ kiji ráa nékúvi.

Lucas 24:47

Jee te̱ku̱tu̱ꞌún tu̱ꞌun ni̱ꞌ ya̱ nu̱u̱nꞌ nuꞌuꞌ váji ya̱ nakani iniꞌ ñɨvɨ jie̱ꞌe̱ꞌ kua̱chi ráa sáva kunekáꞌnú iniꞌ Ndiosíꞌ ráa jie̱ꞌe̱ꞌ kua̱chi ráa. Te̱ku̱tu̱ꞌún tu̱ꞌun ni̱ꞌ nu̱u̱nꞌ rá ñɨvɨ ntáká rá ñuunꞌ kua̱íyó ñɨ̱vɨ́ jee kajiéꞌé‑e ne̱ ñuunꞌ Jerusalén.

Hechos 13:47

Chi sukuán nta̱túníꞌ I̱toꞌoꞌ‑ó nu̱u̱nꞌ ránꞌ: Ñani ni̱ꞌ nó, sáva kúvi nú kuéntáꞌ ɨɨn ñuꞌunꞌ nu̱u̱nꞌ rá ñɨvɨ ntu kúvi Israel. Sáva stekútu̱ꞌún nú tu̱ꞌun ni̱ꞌ ne̱ nu̱u̱nꞌ nɨ́ꞌɨ ichi ñɨ̱vɨ́, jie̱ꞌe̱ꞌ na̱sa nanitáꞌvíꞌ ráa.

Efesios 3:8

Sú núun ka̱ꞌ kúñáꞌnú ni̱ꞌ nu̱u̱nꞌ nɨꞌɨ rá ñɨvɨ núun ka̱ꞌ kúñáꞌnú ráa ya̱ nsa̱ꞌá sɨ́ɨ́n Ndiosíꞌ ráa sáva kuvi ráa ñɨvɨ re̱ꞌ. Soo nsi̱kútaꞌviꞌ re̱ꞌ tiñu vá nu̱u̱nꞌ ni̱ꞌ ya̱ kachitu̱ꞌún ni̱ꞌ tu̱ꞌun váꞌa re̱ꞌ nu̱u̱nꞌ rá ñɨvɨ ya̱ ntu kúvi ñɨvɨ Israel. Tu̱ꞌun vá ví ya̱ ntántúníꞌ yɨ́yáꞌvi nasɨ́kuitɨꞌ ka̱ꞌ ví Cristo jín rá táji re̱ꞌ nu̱u̱nꞌ‑ó. Jee ni nsáꞌ kenta ki̱ku̱ꞌun iniꞌ‑ó nɨꞌɨ tu̱ꞌun vá.

Apoclipsis 22:17

Jee Ta̱chi̱ꞌ Ííꞌ jín rá ñɨvɨ yɨ́ꞌɨ́ nu̱u̱nꞌ Ndiosíꞌ, ya̱ suviráa vá kuvi kuéntáꞌ ñaꞌan ya̱ tana̱ꞌá jín Jesús. Jee káchíꞌ ráa: ―¡Neꞌenꞌ! Jee ñɨvɨ ya̱ tésóꞌo‑o tu̱ꞌun re̱ꞌ yaꞌá, jee suni íyó kachiꞌ‑i: ―¡Neꞌenꞌ! Jee ñɨvɨ ya̱ kuéntáꞌ jíchíꞌ‑i nute jee ñúkúvi iniꞌ‑i Ndiosíꞌ, jee, ¡neꞌenꞌ!, natuꞌva nu̱u̱nꞌ re̱ꞌ jee tɨɨn saɨn‑ɨ nute koꞌo‑o ya̱ sáꞌá nute vá kutekuꞌ nú nɨ́ɨ́nkání jín re̱ꞌ.